Ich Beneß von Bozkowicz dy zeit vnder tzkemrer In marchern Bekenn mit dysem brief vor alln lewtn gegenwrtign
vnd zukunfftign das ich von den erbern vnd weysen herren dem purgermayster vnd von dem Rat der Stat
zu Znoym Ein aytung vor sand matheus tag nach x(risti) gepurd In dem firczehenhundertisten iar vnd dar=
nach In dem driten vnd firczigisten Iar hewt an sand laurenczi tag des vorig(e)n Iares dar In Ir ambt gewert hat
Ich abgenanter Beneß hab ein ganczen vnd volkumen raytung von In auff genum(en) also das al ir einnemung
vnd einnemung In der Sum(m) hat gebracht Sybenhundert vnd achczig schok gross(en) zwenczig gross(en) vnd
da engegn hat allers ir außgebung geleich also vil gebracht als dy einnemung allen dy zeit zo sy bey dem
scheph ambt sein gewesn da bey sy awch der stat dy alt vnd dy new schuld gemeldet habn dy aigentleych
In irn registern begrifen vnd gemerkt sin Dar vmb der vorgenant(e)n raytung zo sy getan habent volkum(en)=
nikleich daran awch mich wol genueget sag Ich vor genanter Beneß als mir dy allerdurchlewchtigisten
furstin vnd kunigin fraw Elizabeth von Gotes gnaden zu vngern Dalman(n) Croaczi(n) (et)c(etera) kunigin Erbe vnd
fraw zu Bechem herczogin zu Osterreich zu Steyer (et)c(etera) vnd markgrafin zu marchern mein genadigen fraw
als sy noch In dem lebn ist gewesn bevolhn hat vnd von meynes tzkemermaystertumbs ambt sag dy
vorgenant(e)n Burgermayster vnd den Rat gancz vnd gar Quidt ledig laus mit vrkhund des briefes
besigelt mit meynem aufgedrukten Insigl Gebn zu Znoym an sand matheus tag Anno d(omi)ni m(illesimo) cccc(esimo) xliij(o)