Friderich von gots gnaden Romischer kunig zu allen zeitten
merer des Reichs, hertzog zu Osterreich vnd zu Steir

Ersamen weisen besunder lieben. Als ir vns nu geschriben habt vmb ein beclagen von etlicher schaden
wegen, die ew aus vnserem lannd Osterreich solten beschehen sein, das haben wir wol vernomen
vnd lassen ew wissen, das vns solicher ewer schaden nicht lieb, sunder zu mal laid ist, vnd das nicht
gern hörn. wie aber darumb sey, haben wir vns vnd Rete gen wienn geuordert, dahin wir vns auch
in kurtz fugen mainen. es mugt ir dann dahin ewer botschafft schicken, so wellen wir die sachen
furhannden nemen vnd mit vnsern Reten daraus reden vnd ew anttwort tun, wann vns mainung
ist, das die lannd geneinander in ainiung vnd gutichait bestat werden. Geben zu der Newenstat
an dem heiligen Auffarttag Anno domini (et)c(etera) quadragesimoquinto Vnsers Reichs im sechsten Jare.