Ladislaus von gotes gnaden zu ungern zu Behemen etc(etera) künig herzog zu
Osterreich un(d) marggraff zu merhern etc(etera)
Getrewn liebn dy zwitracht dy zwischn euch und dem Janko Sminutz
und sein frewntschafft auff uns mechtiklich genomen habn dar umb under
euch ein eyntrechtikait wer und verhort habn beyde tayl mit unsern ratn
und habn das begert an In wellind dem ein end das sy des mechtiklich bey
uns belybn un(d) als wenn das zu unsern geschafft und unser begyer tatty
Da habn wir zwischn In ein ausspruch getann als dy ewre botty den unsern
spruch euch gebn werdn da durch gebietn wir euch ernstlich under der
gnadn das ir den spruch von uns getan gengleich haltn scholt und halt den
an bruchhung wenn wir habn dem Janko un(d) sein frewntschafft un(d) den dy
mitt In verdocht syndt das auch gehaltn un(d) als habn gepottn In dem
unsern willn gefülln Gebn zu wien am freytag noch der heylign zwij
botty sand pet(e)r un(d) sand pauls tag etc(etera)