CONSILIA~R~IO ACTUALI INTIMO.
Monasterium Rayhradense Ord(inis) S(ancti) Benedicti pro inæstimabili sibi collata gratia
per consecrationem Monasterialis Ecclesiæ in honorem Principum Apostolorum SS(anctorum) Petri & Pauli, & S(ancti)
P(atris) N(ostri) Benedicti constructæ in propria Celsissima Persona peractam die VII. Junij currentis Anni
MDCCXXXIX. quæ incidit in III. Dominicam post Pentecosten, se quantumvis tenui, humili ta-
men obsequio gratum exhibere gestiens, quod mente concepit, & ore jam depromsit hocce præ-
senti syngrammate humillimè offert; seque obligat ad solemne Sacrificium Missæ singulis annis
die aliqua sub Octava Anniversarij ejusdem Dedicationis occurrente per totam vitam Celsissimi Principis pro
Ejusdem diuturna, auspicatissimaq(ue) conservatione, & felicissimo sibi concreditarum Ovium regimine celebran-
dum: Si verò aliquando Divinæ Majestati placuerit Celsissimum Principem inde ad æternam requiem trans-
ferre, solemni Missa de Requiem, eamdem in quolibet Anniversario obitûs repetendo, ac aliàs in suis consve-
tis Ordinis suffragijs specialem memoriam Celsissimi Principis faciendo se suam devotionem exhibiturum
appromittit. In cujus majorem fidem nos pretiosissimis gratijs humillimè recomendantes propria manu sub-
scripsimus, & consveta Monasterij sigilla appressimus. Actum Rayhradij die VIII. Junij. A(nn)o. MDCCXXXIX.