Wenceslaus dei gracia Romanor(um) Rex semper Augustus et Boemie Rex. Notum facimus tenore presencium vniuersis
Et si Regie benignitatis liberalis clemencia intuitu retribucionis eterne Omnium Ecclesiar(um) profectib(us) dignat(ur) intendere et tam ipsas q(u)am
personas ear(um) pro diuinis laudib(us) deputatas prosequi fauorib(us) graciar(um) Illas tamen signanter qui mundi spretis illecebris
in simplicitate cordis sub Regulari habitu suo condignum prebent obsequium creatori in concessis libertatib(us) graciis et
Jurib(us) debet non inmerito graciosius confouere Sane pro parte honorabilium .. Prioris et .. Conuentus fratrum domus s(an)c(t)e
Trinitatis in Noua villa ordinis Carthusien(sis) prope Brunnam site deuotor(um) nostror(um) dilector(um) extitit maiestati n(ost)re humiliter
supplicatum Quat(inus) Ipsis et eor(um) domui vniuersa et singula Priuilegia Jura l(itte)ras indulta libertates et gr(aci)as Ipsis a diuis
predecessorib(us) n(ost)ris Boemie Regib(us) aut Marchionib(us) Morauie data tradita et concessa datas traditas et concessas de innate
nobis pietatis clemencia approbare ratificare innouare et confirmare graciosius dignaremur Nos vero qui quoru(m)lib(et) iuste
petencium vota clementer amplectimur presertim cum iuste petentib(us) non sit denegandus assensus ad humilem et supplicem
predictorum Prioris et Conuentus peticionis instanciam Animo deliberato sano procer(um) et fidelium nostror(um) accedente consilio
et de certa n(ost)ra scia Ipsis vniuersa et singula ipsor(um) Priuilegia l(itte)ras Jura libertates emunitates gr(aci)as et indulta Ipsis
a predecessorib(us) n(ost)ris Boemie Regib(us) aut Marchionib(us) Morauie data tradita et concessa datas traditas et concessas
si et in quantum rite et racionabiliter processerunt approbauim(us) ratificauim(us) innouauim(us) et confirmauim(us) Approbam(us) ratifica
m(us) innouam(us) et virtute presencium Regia auct(oritat)e Boemie graciosius confirmam(us) Decernen(tes) auct(oritat)e Regia predicta et volen(tes) exp(re)sse
Ipsa et ipsas in omnib(us) suis punctis clausulis sentenciis et articulis ac si de verbo ad verbum presentib(us) forent inserta et
inserte perpetuam inantea obtinere roboris firmitatem n(ost)ris tamen et alior(um) quor(um)lib(et) Jurib(us) semper saluis Harum
sub Regie n(ost)re Maiestatis Sigillo Testimonio l(itte)rar(um) Datum Prage Anno d(omi)ni Millesimo Quadringentesimo vnde
cimo die Decimaseptima Marcij Regnor(um) nostror(um) Anno Boemie Quadragesimo octauo Romanor(um) v(er)o Tricesimoquinto

per d(ominum) lachonem argenteum
Johannes de Bamberg