Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

1524_XII_26

CZ-MZA > E08 > 1524_XII_26

Source : MonasteriumPaléographie IAInterprétation IA
Page 1 / 2
1524_XII_26, page 1
Vue
Transcriptiongemini-3.1-pro-preview
In gotes namen Amen Wyr Ambrosius Appth Georgius prior vnnd der gancz Conuentz deß klosters vnser lieben
frawen prun czun Sahars bekennen offentlich mit dissem vnserm kegenwertigen brieff allen die in werdenn sehen ader horn
lesenn das wir mit wolbedachtem mueth vnnd vnser aller eynhechtiger rath durch nucz willen vnsers klosters habn hyngelassn
vnnd mit krafft disses brieffs lassen wir hyn vnser wasser czu kleyn Seyllwicz dem Ersamen vnnd vorsichtigen manne Mathes schal=
ler dy czeith vnser rychter czu Seyllwicz auff seynen leyp bys czu seyne lebetagenn yn sulcher masse das Er das egenanthe was=
sers genyssen sol an vnser vnd vnser nachkumplinge vorhindernisse wie er ym pesten nucze mugen ader wissen Vnd vns vnd vnserm
kloster alle yar yerlich auff Santh Michelstag Cynsen Sechs schuntz pfennige Vnd wen wir vnser prueder ader Amptlewthe
ken Seyllwicz kommen so sol vns obgemelter Mathes Schaller mit fischenn noch notturfft vorsehen wie von alters recht vnd gewon=
heyth gewest ist Sy er sich yn dem allen wie oben geschriben stehetz nicht vorhyelde vns vnnd vnser nachkumplinge sulchen Cins czu
disser czeith wie oben bemelth ist vber vnsern willn nicht aus richtet vnd gebe der gleych auch mit fischen wie vormelth ist aber sych
hyn wegh von Seyllwicz czuge Szo behalten wir vns dy macht vnd krafft das wir ym mugen das wasser wider nemenn vnd eynem
Andern lassen wer vns wie offte gemelth ist das aus richten vnnd gebn wirt darumb czu eyner bestetinge vnnd besser syrcherheyte
habn wir Appth vnnd Conuentz czu dissem brieff vnser Sigill angehencktz der gegebn ist auff vnserm kloster Sahars An
Santh Steffans tage nechst noch dem Cristage do man czalt von der geburth Cristi Tausenth funffhundertz vnd vierundwanczik yar

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.