Ich Boitko von lokoway Margaretha mein hawsfraw vnd allew vnser gerben vnd nachkumelinge Bekennen offenleich mit disem
prieff allen leuten di In zehen ader hern lesen das wir mit wolbedachtem mutt vnd mit gute rat aller vnser freunt vnd auch mit
gunst des edlen fursten herrn Jodtes Margrafen czu Merhern vnsers gnedige herrn durch vnsere nuczee willn vkawft haben
czway lehen ein viertail vnd ein halbe hoffstat in dem dorff czu Prawitz gelege pei dem marckt Woolframitz di do czinsen rech
tes czinses drithalbes schokch vnd czwen gross den Ersamen vnd geistlichen Jnnkfrawen Dorothean der Eptessin vnd dem gancze
conuent czu Ossla vmb funff vnd czwainczig schokch grosser Prager munss Merherisscher czall vnd werung di sy vns nu berait
beczalt haben mit den holczen vnd mit allem dem das darczu gehert czu haben czu nuczczen czu vseczczen czu vkawfen fridleich
vnd ewicleich vnd erbleich czubesiczczen vnd auch gemaincleich mit allem rechtem vnd herschafft als wir sy vncz doher gehabt ha
ben vnd besessen Vnd geloben In vnd mit sampt vns die erbern leutt vnd herrn herr leb van Nachot Hamerich van ~B...~
Czasslaw von lokoway Sleichnik gesessen czu Rubiczicz mit gesampter hant vnverschaidenleich pei vnsern gute trewn an aydes
stat di obgnten czwai lehen ein virtail vnd ein halbe hoffstat czu freyen vnd czu beschirmen von allen insprachen vnd anfechten
von wem das wer ader wi das geschech vber drey Iar nach landes recht vnd gebonhait ist czu Merhern vnd entwern vnd sy in
fridleicher besiczunge der eignen guter hetmen vnd halden vnd also schir di lanttafeln offen wern gelob wir di obgnten guter
In einlege vnd einschreiben mit vnser ayge mue vnd czerung Tett wir des alles nicht so scholl mit follem gewalt der Hawptman
czu Merhern wer di weil ist vns vnd alle vnser gyeter anthalden vnd pfenten wo er vns vnd sy bindet in Merhern lant ader
ader awserlant sy sein barmd ader vnbarmd mitt vnserm guten willen also lang vntz das alles werd vpracht was diser
prieff saget vnd alle di scheden di sy do wan mechten enpfahen vnd redleich binden beweist In werden widerkert von vns vnd
von allen vnsern gerben Vnd des czu einer guten gewissen gebe wir In disen offen prieff vsigelt mit vnsern aige anhan
genden Insigeln Gebn czu Ossla nach christi vnsers liben herrn gepurd vber fiertzehenhundert vnd in dem czehentem Iar
an sant michels tag des heiligen Erczengl