Ich Johannes ein gelassner sun vnnd ein Rechter Erbling des erbern vnnd weysen Herren Hannsen Räßt purger zue Brvnn
bekenn offenlich mit disem prieff dem got genedig wese züm lesen wird oder wer in lesenn wirdt das ich mit guett vnnd wolgedachten
gemüet vnnd rat guetter lewdt khaufft vnnd verkaufft hab ainn gartt oder acker auff der newe gassenn auff dem gümpt der geist:
lichen Junckfraw swester Brigita dy tzeyt priorin zue vnnser liebe Frawen vnnd dem ganczenn Cöuentut prediger ordt lygendt in
der stat Brünn das genandt wird zue swester giebeig erblicher denn ligt zwyschen dem gartt oder ackern rügkhundt ann das ho:
lygts welichen mein vater dem got genad frey vnnd ledig besessen hat an alle geswerung gab robaßt vnnd aüch dy vodern
gesiczer dy In aüch frey vnnd ledig gesessen haben als der Ersam Rhan Vrbann N vnnd aüch von dem Rhan dy
Barthin den acker gekaufft hat als vonn die albrecht lederin vnnd iren wäyssen dy in aüch frey vnnd ledig habe
possen vber dy gedenchtnis der menschn also verkaufft ich obgemelter Johannes ein gelassner erb des ersam weyssen Her
Hannsen Räßt dem got genad In solicher mass vnnd form wie dy egnanten gesiczer habenn gesessenn den obge:
melten gartt oder acker vmb einne süm gelt der wirdigen swester Brigitta dy zeit priorin vnnd dem ganczen
Cöuentut welichs süm gelt ich obgemelter Johannes empfangen hab vnnd sag sy frey vnd ledig ob dem gartt oder
Acker das ich vnnd alle vnsser nachkhumbt vns nicht zue behalte kain freyhayt vnnd ob yczund oder hina:
ich erfunden wirdt dy hain prieff vber denn egnanten acker oder gartten So schollen sy kain krafft nach geba:
lt mer habe wen sy fund oder behalten warde vnnd des zue ware zeügnuss hab ich obgemelter Johannes
als ein rechter erblicher erb mein sigel ann dissen prieff gehengt vnnd darzue erpittn den Ersam ma
Vrban N der der denn ein gesiczer ist gewessen vor seins vatters saliger gedenchtnis vnnd aüch dy Er:
sam Her paül Hewß purger zue Brünn erpittn neben mein zue Räßt des obgesagten Rhan
Rhan geben habenn Iere sigel vnnd pethafft zue zeügnus by obgesagte ist doch in vnnd irer Erbe
insigel vnnd pethafft ann schad Beschehe nach Cristi gepurt 1500 22 Iar Am fassgang
tag