CAROLVS DEI GRATIA EPISCOPUS OLO
mucensis Dux S(acri) R(omani) I(mperii) Princeps Regia Capella Boemia et de Lichtenstein Comes.
Dilecto Nobis in Christo P(atri) Wenceslao Zimmerman Societatis IESV Sacerdoti, et Conuictus Olomucij P(ro) t(empore) Regenti Salutem in D(omi)no.
Exposuit Nobis P(ater)nitas V(est)ra se tum proprio tum ciuium Neotitschinensium singulari in Diuum Xauerium affectu impulsam
decreuisse Nomini et Honori eiusdem in praurbio Neotitschinensi quod pago Schonauiensi est conterminum extruere tempellum, non alium ob finem,
quàm ut inibi Deus, et seruus eius Xauerius gentium Barbararum Apostolus, per consueta eidem So(cieta)ti deuotionis officia honoretur, petere
proinde suppliciter ut pro more consueto, extructioni huic, et absolutioni atq(ue) administrationi Sacramentorum siqui forte eò confluerent, praeuius consen=
sus Noster Episcopalis accedat. Nos considerata petitionis huius aequitate qua cultus Diuini propagationem et maiorem praedicti Sancti
Gloriam solummodo intendit, praesertim cùm adpromittat nullum Parochiali Ecclesiae aut uicinis fore praeiuditium insuper sacelli sic erecti sarta tecta et Eccle=
siastica supellectilis decorem à Regentibus Conuictus Olomucensis seu Ferdinandea istius Fundationis debitè perpetuò conseruandum (alioqui de dote
competente illi prouidendum esset) piam illius ciuiumq(ue) Neotitschinensium intentionem laudamus et approbamus, utq(ue) eò magis affectum Nostrum
erga memoratum Sanctum, et So(cieta)tem contestemur, liberam eiusmodi sacelli extruendi, illudq(ue) uisitantibus Sacramenta administrandi, facultatem
uigore praesentium gratiosè impertimur, dummodo prouti adpromissum est, absq(ue) omni praeiuditio Parochialis ibidem et uicinarum Ecclesiarum id
fiat et sarta tecta sacelli extructi in suo uigore conseruentur. In quorum fidem hasce manu N(ost)ra propria subscripsimus, et Sigillo Cancellaria N(ost)ra
communiri iussimus. Data in Ciuitate Nostra Cremsiriensi 11. Septemb(ris) A(nn)o Incarnata Salutis Millesimo Sexcentesimo Septua=
gesimo.
Ad mandatum Reu(erendissi)mae et Cels(issi)mae
Principis proprium
J. N. Kimmer m(anu) p(ropria)