Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

1551_VIII_20

CZ-MZA > E33 > 1551_VIII_20

Source : MonasteriumPaléographie IAInterprétation IA
Page 1 / 2
1551_VIII_20, page 1
Vue
Transcriptiongemini-3.1-pro-preview
Im Jar als man Zelt, Nach Christi vnsers lieben, Herrn, vnnd Seligmachens geburtt. 1.5.51. an dem Pfintztag, nach As=
sumptionis Mariae. Ist geschehen ein volkumbliche, vnnd guetwillige berednus zwischen der Eruwirdigenn, vnnd geistliche
Jungkhfrawenn Ludmilla Ebtissin, sambt Jrem Conuentz Sanndt Clarenn Ordens, bey vnser frawenn, Eines, Vnnd den Ersamenn, Wey=
senn Herrn, Burgermeister vnnd Rath, der Stadt Znaym, Annderes teils, Vonn wegen der Collatio, vnnd verleyhung, der Pfarrkirche
Bey Sanndt Migaell daselbst zw Znaym, Also, nach dem obbemeltt Ebtissin sambt Jrem Conuentz, die Collatio, vnnd verleyhung
Berürttenn Pfarrkirchenn, nach Innhallt vnnd vermug der. Ro(mischen): Kay(serlichen): Matt(estat): p(ro) Confirmirten Priuilegien, vnnd freyheitten Inne
bishern gehabt, Nun aber seither bey sich befunden, das Jnen dieselbig kirchenn, ains Pfarrhoffs, So baide Jnn etlich Jarenn Jnn
Mercklich abfalo komen, das sy die, auff Jr darlig, (Demnach sy kaines anndern einkommens, dann Nur Sorgen, vnnd Mühe dar=
von gewärttig,) Widerumb zuepauen vnnd Erheben, auch sunst mit Pfarrherrn vnnd Behmischen Predigern, Wie vonn
alter her alda Preüchlich verhallttenn worden, züuersehenn vnmuglich, das sy Jnn ansehenn vnnd betrachtung des Selbigenn
mitt ainem Erbarn Rath, Demnach bemelte Pfarr Jnn der Rinkmawr daselbst gelegenn, freünttlich vnntterredt gehallttenn
vnnd sich dahin bewilligtt, Jnen anzaigttenn Pfarr Colatio vnnd verleyhung, Sambt allenn darzue gehorigenn behaüsungen
Freyheittenn, vnnd begabungenn züeczüainnen, vnnd vbergebenn, doch mit vorbehallt, Damit solches mitt der. Ro(mischen): Kay(serlichen): Matt(estat):
p(ro) Vnsers allergnedigstenn Herrn, gnedigstenn bewilligung furgenomenn werdt vnnd beschehe. Danebenn hatt Jr auch
Obbemeltt Ebtissin, sambt Jrem Conuentz dise hernach geschribenn artikell außgenomenn vnnd Vorbehallttenn:
Ersthlich das Heüßl Jm hoff, soll mitt gätternn gnugsam Verwartt werden, das dem Closter kain Schad widerfarenn mag
auch der grundt ahn des Closters darlegenn mit der Mawr erhallttenn werdenn, so weitt das Heüßl Innhallt.
Der garttenn wo zuuor des Pfarrers Stadll gestanndenn, soll beym Closter bleibenn.
Der Weingartt zw Taßwitz ist mitt bewilligung des Rats auß dem Weingarttenn die vonn alter her gewesenn sein Jnn
die Stadt Zuefüerenn verguntt wordenn, doch das man Es vnntr dem Thorrnn oder dem Burgermeister anmsage.
Die Notturfft des Salcz zum Closter benemblich. 2. M(etzen) kaufft, soll auch in die Stadt zufüern nicht gehindert werdenn.
Das Weingartl mit dem Paumgärttlin Jm Talz, sol auch beym Closter bleibenn, Vnd kaine Losung daruon nicht gegebenn werdenn.
Das Weingartl an der Wall, soll denn Znaymer herrn haimbfallenn nach Lautt der verschreibung.
Des zue Vrkundt vnnd mehrer Sicherheitt Ist diser Contract vnnd vergleihung, Jnn zwo gleich laüttendt Schrifften ge=
stellt vnnd baider thaill anhangenden Secret Insigillenn verfettigt, vnnd yeder parthey ains gebenn wordenn, Actum
et Datum Znoymae Anno, & Die ut supra:

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.