Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

1660_XII_30

CZ-MZA > E39 > 1660_XII_30

Source : MonasteriumPaléographie IAInterprétation IA
Page 1 / 2
1660_XII_30, page 1
Vue
Transcriptiongemini-3.1-pro-preview
Wir Richter vnd Rath deß Marckhts Poystorff in Oesterreich vnter
der Ennß im Viertl vnter Manhartsperg ~etc.~ Bekennen hiemit vor iedermeniglich weme diser Offene Brieff vorgelegt, oder auff gewißen wirdet,
Das an heüt zu Endt gesetzten dato vor vns, in völliger Raths versamblung khomben, vnnd Erschinen ist, der Erbare Michael Stackl der zeit noch
Lediges Standts, deß Ersamen Stephan Stackl gewesten bürgers allhie zu Poystorff, vnnd Regina deßen Ehewürthin, beeder
nunmehr in nachgelassener Ehelicher Sohn, mit gehorsamben anzaigen, das Er ainer Ehelicher gebürth, vnnd Erlichen herkhombens halben, schrifft
liche zeügnüß vonnöthen hette. Vmbthuen vnnd zümehrer beglaubigung deßen, Stellet Er hernach benante drey Ehrliche Männer vor, Als Stephan
Kopetz bey Sibentzig, darvnter Hannß, Khienast Sechtzig, vnnd Andre Rath bey fünff vnnd Sechtzig Iahren alt, als guete vnnd vnpartheügige
Zeügen, Neben gehorsamber bit, obige wegen seiner Ehelicher gebürth, vnnd herkhombens halben, wie sichs gebiert züuerhören, vnnd derer außsag
nach Ihme aine Vnuertächtige khundtschafft oder gebürths zeügnüß, Welches Er sich aüß hochstehendte Nott list zügebrauchen haben möge, Gnädig mit züthailln,
Also haben obbemelten drey Ehlige zeügen, Vor vns in ligender Raths versamblung bey Iren Aydten, vnnd guetten gewissen an ge
schwornen Aydts statt, Ieder in abwesen deß Andern, Lautten auff das aydt vnnd bekhant, so wie sy den pflicht bey Iren practicirten Iurament bey Iren
Ehr vnnd Wahrhait laisten, auff aydt bekhant, vnnd außgesagt haben, das gedachter Stephan Stackl, mit Regina vngefehr vor dreissig Iahren sich
Verheürath, vnnd zü samben geben, bey Iren, durch auch hernachmahls, wie Iederzeit Ehelich gelebt, Ehelich, fromb vnnd Erlich, wie Ihenen anders nit
wißendt Verhalten, vnnd obbemelten Iren Sohn Michael Stackl, neben mehr andern khindern, im Ehelicher Standt Ehelich erzeügt, vnnd geborn, Also
das Er Michael, auß ainem reinen vnbefleckhten Ehebeth Teütscher Nation geborn, vnnd Erzeügt, auch von iedermeniglich vor Iren beeder Conpryshen
Ehelichen Sohn Erkhandt, vnnd gehalten worden seye, Dahero haben wir auff sein gehorsambes anlangen vnnd bitten, Ihme die khundtschafft oder gebürths
brieff aines Ehelicher herkhombens auß mitleidenhafftigkeit halber nicht abschlagen, noch Verwaigern khönnen. Belangt derowegen an alle, vnnd Iede
Ihre Standts, Würde, oder wie namb die seyn, mit denen obgemelter Michael Stackl hinfüro Vorkhomben möchte, Vnsere dienst vnnd hoch bitten
Ihme aine Echte Ehelich, vnnd guete herkhombens gebürth, aller Orthen vntadellhafft zühalten, da Er an auch niemanden mit Leib aigenschaft
zügethan noch Verbunden, Vnnd als ains freyen Eltern eremb, vnnd außrichtigkeit, auch vnter selbsten Erbarkhait, als diser Vnsere Vor bitt
halben genädiglichen begaben, vnnd laßen, Solches Wöllen Wir vmb Iedes Standts gebür nach dienst vnnd hoch zübeschulden Iederzeit Erbiethen
sein. Zü Vrkündt dessen haben Wir Vnsere statts gemainde Marckhts Insigl an disem Brieff wissentlich hangen lassen, doch
Vns vnnd den nachkhomben, vnnd gemelten zeügenschafft diser Erledigung halben, ohne Nachtl, vnnd schaden, Geben Marckht Poystorff den dreissigsten
Decembris Im Aintausendt Sechshundert, Vnnd Sechtzigisten Iahr.

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.