MAXIMILIANVS DEI GRATIA SACRI ROM(ANI) IMPERY PRIN
ceps de Liechtenstain et Nicolspurg Dux oppauiæ et Carnouiæ sacræ Cæsareæ Maiestatis Consiliarius Camerarius et Collonellus,
Et Nos Catharina Dei gratia sacri Romani Imperij Principissa a Liechtenstein et Nicolspurg Ductrix oppauiæ et Carnouiæ, nata Domina
a Boschowiz Et Tschernahov. Optima beneficiorum custos est, ipsa memoria beneficiorum et perpetua confessio gratiarum. Cum igitur
Deus Ter opt(imus) Max(imus) ex immensis bonitatis suæ thesauris in numera Nobis licèt indignis beneficia contulerit, nec quouis tempore Diuina miseri
cordia pijssimis munerum suorum imbribus Nos irrigare cessauerit; nostrarum omnino partium est, ut pro acceptis à superni Numinis clementia
donis et bonis iugiter agamus gratias, quas referre nunquam possumus: haud ingratum superum Regi, aut Nobis in utile fore humillimè confidentes
si ad eius laudem et gloriam aliquid de terrena substantia nostra illic collocemus, ubi patriam habemus; hic per piam fundationem non nihil tem
porarij census relinquamus, unde exituri sumus, et illuc præmittamus quo ituri sumus. Idcircò sacris Deo dicatis Virginibus D(ivæ)
Claræ Asseclis in Monasterio Znoimæ degentibus pro singulari animi propensione ac pio quo erga illas afficimur amore, tria millia florenorum
rhenen(sium) in bonis immobilibus locanda et stabilienda donauimus et iamiam numerari fecimus, quatenus ex percipiendis inde prouentibus Illarum
sanctimonialium necessariæ sustentationi uberiùs occurri et prouideri ualeat. Ea tamen lege ut perpetuò singulis per annum sabbatis
paruum sacratissimæ Virginis Mariæ oficium deuotè recitent: ea intentione ut sancta Diuinitas interuenientibus sanct(issi)mæ Dei para atq(ue)
S(anctæ) Claræ Domum et familiam nostram ad maiorem Nominis sui gloriam et Catholicæ fidei incrementum tueri, cum omnium Virtutum augmento
augere, auctam seruare, seruatam in æternâ felicitate condecorare clementissimè dignetur. Quod præfatæ sacræ Virgines obtento suorum superio
rum consensu sese sincerè ac piè facturas promiserunt. Porrò excipiendum esse arbitramur sanctum maioris hebdomadis sabbatum quando
deuotæ mentes in dulcissimis amarissimæ Passionis Domini meditationibus occupatæ sunt, quo die Mariani officij loco Rosarium aut septem psal
mos poenitent(iales) ante sanctissimum Altaris sacramentum persoluere liberum sit. In cuius rei fidem nunquam intermorituram has litteras
proprijs manibus subscriptas nostro ac consueto Monasterij D(ivæ) Claræ Znoimensis sigillo communiri mandauimus. Datum Rabenspurg die
primo Maij Anni Millesimi sexcentesimi et trigesimiseptimi.
Maximilianus Princeps de Liechtenstain
~Elisabet Cecilia priorin~ #3w