Frater Henr(icus) dei gra(cia) s(an)c(t)e Magunt(ine) sedis Archiep(iscopu)s, sacri Imp(er)ij p(er) German(iam) Archicancellarius Vniuersis xp(ist)i
fidelibus, sal(u)t(em) in d(omi)no sempit(er)nam. Licet is de cuius mune(re) venit vt sibi digne a suis fidelibus seruiatur
ex habundancia pietatis sue, que in u(er)a supplici gaudio ex(au)dit bene seruientib(us), multo maiora retribuat q(uam)
valeant p(ro)meri Desiderantes tamen ip(su)m d(omi)no redde(re) acceptabile, xp(ist)i fideles ad co(m)placendum ei, quasi q(ui)busdam
allectiuis muneribus indulgenciis videlicet et remissionibus inuitamus, vt exinde diuine reddantur gr(aci)e
aptiores. Cupientes igitur vt Monasterij fabrica sanctor(um) Antonij et Clare sanctimonialiu(m) in Znoym
Olmuncen(sis) dyoc(esis), ad statu(m) p(ro)sperum valeat p(ro)uenire, de om(n)ipotentis dei mi(sericordi)a, ac b(eat)or(um) Petri et
Pauli ap(osto)lor(um) eius necnon b(eat)i Martini patroni n(ost)ri m(er)itis et auctoritate co(n)fisi, Om(n)ibus vere penitentibus
et co(n)fessis, qui ad structura(m) p(re)fati Monasterij manus porrexerint adiutrices, Quadraginta dies de iniuncta
sibi penitencia, misericordit(er) relaxamus. Dat(um) Herbipoli, xvj. kal(endas) Aprilis, Anno d(omi)ni Mill(esim)o, cc(entesimo), lxxxvij(o).