CLEMENS PP X.
AD PERPETVAM REI MEMORIAM Pastoris aeterni qui pro gregis salute in ara Crucis immolari voluit vices quamquam immeriti gerentes in terris pia Christi fidelium vota
Divini cultus augmentum et ipsorum fidelium salutem concernentes ad exauditionis gratiam libenter admittimus, ut per operum piorum exercitium ad aeternae Beatitudinis gaudia pervenire mereantur. Cum itaq(ue) sicut nonnulli
Christi fideles loci Montis S. Hippolyti prope Znoymam Olomucen(sis) dioec(esis) Nobis nuper exponi fecerunt ipsi peculiari erga S(an)ctum Antonium de Padua devotionis affectu ducti et ut suae saluti consulant aliosque
Chr(ist)i fideles ad eiusdem devotionis studium accendant in Ecclesia seu Cappella eiusdem S. Antonij de Padua loci p(rae)dicti unam eorundem utriusq(ue) sexus Chr(ist)i fidelium confraternitatem sub invocatione p(rae)fati S. Antonij de Padua ad Om-
nipotentis Dei gloriam per Nos erigi summopere desiderent, Nos pijs d(ic)torum Chr(ist)i fidelium desiderijs huiusmodi benigne annuere animarumq(ue) saluti p(ro)ut charitate prospicere cupientes, Supplicibus illorum no(m)i(n)e Nobis super
hoc humiliter porrectis inclinati In p(rae)dicta d(ic)ti loci Montis S. Hippolyti Ecclesia seu Cappella unam utriusq(ue) sexus Chr(ist)i fidelium Confraternitatem quae non sit pro hominibus unius specialis artis sub invocatione eiusdem S. Antonij de
Padua sine alicuius praeiudicio et dummodo ven(erabi)lis fratris Episcopi Olomucen(sis) expressus ad hoc accedat assensus Ap(osto)lica auct(oritat)e tenore p(raesent)ium perpetuo erigimus et instituimus: Necnon Confratribus d(ic)tae Confraternitatis pro
tempore existentibus ut processionaliter incedere Divina Officia in suo Oratorio seu Cappella recitare ac pro negotijs ipsius Confraternitatis se congregare ac quaecumq(ue) statuta Capitula ordinationes et decreta pro salubri
eorum et d(ic)tae Confraternitatis regimine et directione necnon alia et opportuna licita t(ame)n et honesta sacrisq(ue) Canonibus et Concilij Trident(ini) decretis ac Const(itution)ibus Ap(osto)licis non contraria per Ordinarium Olomucen(sem) examinanda et
approbanda facere et edere illaq(ue) pro tempore prout eis videbitur et expediens fuerit praevia simili examinatione et approbatione mutare alterare corrigere et in melius reformare, ac insuper omnia et singula legata
relicta res et bona quaem(admodum) qualificata mobilia et immobilia per quoscumq(ue) Christi fideles d(ic)tae Confraternitati per viam testamenti donationis aut alias quom(odo)libet pro tempore elargienda et relinquenda recipere, illaq(ue) per
eorum Officiales et deputatos regere gubernare et administrare ac in ipsius Confraternitatis et eorum piorum operum usus convertere libere similiter et licite valeant, ita t(ame)n ut de receptis et administratis per
eos eidem Ordinario iuxta decreta Concilij Trident(ini) huiusmodi rationem reddere teneantur auct(oritat)e et tenore p(rae)missis concedimus et indulgemus Postremo ut d(ic)ta Confraternitas maiora in dies suscipiat incrementa de Omnipotentis Dei mis(ericordi)a
ac Beatorum Petri et Pauli Ap(osto)lorum eius auct(oritat)e confisi. Omnibus utriusq(ue) sexus Chr(ist)i fidelibus qui d(ic)tam Confraternitatem in posterum ingredientur die primo eorum ingressus si vere poeniten(tes) et confessi Sanctissimum Eucharistiae
Sacramentum sumpserint. Plenariam. Necnon pro tempore describendis in d(ic)ta Confraternitate Confratribus et Consororibus in cuiuslibet eorum mortis articulo si vere poenitentes et confessi ac sacra Com(mun)ione refecti
vel quatenus id facere nequiverint saltem contriti nomen IESV ore si potuerint sin minus corde devote invocaverint et(iam) plenariam. Ac eisdem pro tempore existentibus Confratribus et Consororibus et(iam) vere poeniten(tes) et
confessi ac sacra Com(mun)ione refecti qui d(ic)tae Confraternitatis Ecclesiam Cappellam seu Oratorium die festo Inventionis S. Crucis a primis vesperis usque ad occasum solis festi huiusmodi singulis annis devote visitaverint
et ibi pro Christianorum Principum concordia haeresum extirpatione ac S(an)ctae Matris Ecclesiae exaltatione pias ad Deum preces effuderint. Plenariam similiter omnium peccatorum suorum indulgentiam et remissionem mise-
ricorditer in D(omi)no concedimus Insuper d(ic)tis Confratribus et Consororibus vere et(iam) poeniten(tes) et confessis ac sacra Com(mun)ione refectis Ecclesiam seu Cappellam vel Oratorium huiusmodi in S(an)cti Thomae S(an)ctae Mariae Magdalenae, S(an)ctae
Rosaliae et uno alio per eosdem Confratres semel in eligendo et ab eodem Ordinario approbando festis diebus ut p(rae)fertur visitantibus et ibidem orantibus quo die ipsorum id egerint septem annos et totidem quadragenas, quoties vero
Missis et alijs divinis officijs in d(ic)ta Ecclesia seu Cappella vel Oratorio pro tempore celebrandis et recitandis seu Cong(regation)ibus publicis vel privatis eiusdem Confraternitatis ubicumq(ue) faciend(is) interfuerint aut pauperes hospitio
susceperint vel pacem inter inimicos composuerint seu componi fecerint vel procuraverint, necnon et(iam) qui corpora defunctorum tam Confratrum et Consororum d(ic)tae Confraternitatis quam aliorum ad sepulturam associa-
verint aut quascumq(ue) Processiones de licentia Ordinarij faciend(as) Sanctissimumq(ue) Eucharistiae Sacramentum tam in Processionibus quam cum ad infirmos aut alias ubicumq(ue) et quomodocumq(ue) pro tempore deferetur comi-
tati fuerint aut si impediti Campanae ad id signo dato semel orationem Dominicam et salutationem Angelicam dixerint aut ter quinquies orationem et salutationem easdem pro animabus defunctorum Confratrum et Consororum huiusmodi recita-
verint aut devium aliquem ad viam salutis reduxerint et ignorantes praecepta Dei et ea quae ad salutem sunt docuerint aut quodcumq(ue) aliud pietatis vel charitatis opus exercuerint toties pro quolibet ipsorum operum
Sexaginta dies de iniunctis eis seu alias quomodolibet debitis poenitentijs in forma Ecclesiae consueta relaxamus. P(raesent)ibus perpetuis futuris temporibus. Volumus autem ut si d(ic)ta Confraternitas alicui Archiconfraternitati aggregetur, vel
quavis alia ratione uniatur seu et(iam) quom(odo)libet instituatur p(raesent)es et quaevis aliae hae Ap(osto)licae quoad indulgentias et peccatorum remissiones p(rae)fatae illi nullatenus suffragentur, sed ex tunc eo ipso prorsus nullae sint. Dat(um) Romae
apud S. Mariam maiorem sub Annulo Piscatoris die xi. Januarij MDCLXXIII. Pontificatus N(ost)ri Anno Tertio.