Nos Ioannes Fridericus Sacri Romani Imperij
Comes de Waldstein Hæreditarius Dominus in Dux et Ober
Leitensdorf Nominatus Episcopus Reginæ Hradecensis Cathedralis Ecclesiæ
Olomucensis Canonicus, Collegiatæ Wratislaviensis ad Sanctam Crucem Prælatus & Cantor, Sacri Militaris Ordinis Crucigerorum
cum Rubea Stella per Boëmiam, Moraviam, Silesiam & Poloniam supremus ac Generalis Magister.
Venerabili Nobis sincerè dilecto Salomoni Augustino Frendel, ordinis Crucigerorum cum Rubea Stella, Salutem in Domino.
Quoniam mores tui laudabiles, & pietas Religioso digna, probè Nobis perspecta est, ac certò intelleximus, te hactenus non tantum Archidiœcesis Pragensis Parochiæ
Carls-Badensis Ordinis Nostri Beneficio cum fructu Animarum per aliquot Annos cum Zelo præfuisse, verum etiam post hoc ad Conventum Nostrum Pragensem vocatum, Subpri
oratus munus cum laudabili diligentia obijsse, ac tandem pro Administratore Commendæ Nostræ Pontensis deputatum, fidelem & industriam usq(ue) huc exhibuisse. Spem optimam de te concepi
mus, te de hoc pio atq(ue) optimo studio aliquo imposterum non remissurum, verum potius cum maiori sedulitate, studioq(ue), & cum ampliori Nostri Ordinis emolumento, omnia accuratius admi
nistraturum. Ideo Curæ tuæ plurimum confidentes, Commendam Pontensem, per mortem Venerabilis Chrisostomi Schubert vacantem, cuius Collatio ad Nos, tanquam Supre
mum ac Generalem Magistrum Ordinis Crucigerorum cum Rubea Stella, pleno Jure spectat, tibi cum honoribus, oneribus, mobilibus & immobilibus, nec non omnibus pertinentijs ad ean
dem spectantibus, prout Antecessores tui possederunt, conferendam existimavimus, prout per præsentes Te in Commendatorem constituimus, denominamus, approbamus, & confirmamus,
cum plenaria facultate administrandi tam Spiritualia quam temporalia, hac tamen ratione, nè Bona istius Hospitalis tibi commissa, per te alienentur, aut oppignorentur, verum in futurum
amplientur & augeantur, ad quod te speciali vinculo obstringimus. Non inferiorem autem te ulla in re Antecessoribus tuis prioribus Pontensibus Commendatoribus esse volumus. Fratribus verò universis
Ordinis Crucigerorum cum Rubea Stella mandamus, Authoritateq(ue) Nostrâ quâ Generalis Magistri eiusdem Ordinis, præcipimus, ut tibi solitam ac debitam reverentiam & obedientiam exhibeant, locum
in Capitulo, quem priores Commendatores Pontenses, Prædecessores tui obtinebant, dent atq(ue) tribuant. Volumus autem tui iuxta avitum morem & consvetudinem per Admodum Reverendum No
bis sincerè dilectum Georgium Ignatium Pospichal Hospitalis Sancti Francisci ad pedem Pontis Vetero-Pragæ Priorem, factam Installationem, ex tunc gratam & ratam habere.
Data Viennæ die Decima Mensis Maij, Anno Domini 1670.
Joan(nes) Fridericus
Suprem(us) ac G(e)n(era)lis Magister C Waldstein