Wir Burgermeister vnd Ratth der Stadt Iglau
ieczige vnd Zukunfftige, vhrkunden vnnd bekhennen hiemit, demnach Vnterm Dato vnser lieben Frawen Liechtmeß des
1625 Jahrs, Wir dem Wohl Edlen vnd Gestrengen Hern Johann Haydlern von vnd auff Buckhau, Schricktens vnndt
Holczmuhl, Rom(ischer) Khays(erlicher) May(es)tt(ät) Ratth vnd vnserm furgesezten Khayser Richtern aufrichtig vnd redlich schuldig
worden sein benandtlichen Zwey Hundert Gulden Reins(ch), selbige auch Zue vnsern eygnen handen empfangen, vnndt
Zu vnserer vndt Gemeiner Stadt nuczen scheindtbahrlich angelegt haben, Nun aber ermeldter Her Haydler solche 200 fl(orin)
R(heinisch) bey vns auff ewigen nemblichen dem Landtbrauchigen Interesse jedes 5: pro Cento dem Erwurdigen Conuent vnd
Fratri Barnabe der Heyligen schrifft Doctori, Guardiano ad Beatam Virginem Mariam alhier vnd Custodi des lan
der Osterreichs lauth eines ordentlichen aufgerichten Contracts, welcher auch dem Stadtbuch incorporiret, wissentlich
cedirt vndt abgetretten, deß gereden vnd geloben Wir hiermit vnd in Crafft dieß, wohlgedachtem Hern Patri Barnabe, so
wohl alß sein künfftigen Successorn vnd Conuentualn obangeregte 200 fl(orin) R(heinisch) Jährlich p(ro) 10 fl(orin) R(heinisch) Zuverinter
eßiren vnd Zuverzinßen, vnd wie Wir vnß hierdurch obligat vnd verbindlich befinden, Also haben wir vmb mehrer glau
bigung vnd versicherung willen diesen Revers in vns respectiue Schuldschein, vnter Vnserm vnd Gemeiner Stadt In
sigill außgefertiget vnd volzogen, So geschehen in Iglaw den 5. Martij A(nn)o 1626