CLEMENS PP(A)PA XI.
AD FVTVRAM REI MEMORIAM. Omnium Saluti paterna charitate intenti Sacra interdum loca Spiritualibus Indulgentiarum muneribus decoramus.
Vt inde fidelium defunctorum Animæ D(omi)ni N(ost)ri Jesu Xp(ist)i eiusque Sanctorum Suffragia meritorum consequi, et illis adiutæ ex Purgatorij pœnis ad æternam Sal(ute)m
per Dei misericordiam perduci ualeant. Volentes igitur Eccl(es)iam S(ancti) Bartholomæi Fratrum Ordinis S(ancti) Pauli primi Eremitæ Oppidi Cromlouiensis Olomucen(sis) Diœc(esis)
et in ea situm Altare Confraternitatis SS(anctorum) Sebastiani, et Rocchi, ac S(anc)tæ Rosaliæ, simili ad p(ræse)ns priuilegio minime decoratum hoc speciali dono illustrare de Omni=
potentis Dei misericordia, ac BB(eatorum) Petri, et Pauli Ap(osto)lorum eius auct(oritat)e confisi ut quandocumque Sacerdos aliquis Sæcularis, uel Regularis missam defuncto=
rum, in die Commem(oration)is defunctorum et singulis diebus infra illius octauam, ac feria Secunda cuiusl(ibe)t hebdomadæ pro Anima cuiuscumque Confratris et Consororis
dictæ Confraternitatis, quæ Deo in charitate coniuncta ab hac luce migrauerit, ad p(ræfa)tum Altare celebrabit, Anima ipsa de thesauro Eccl(es)iæ per modum Suffragij Indul=
ge(nti)am consequatur. Ita ut eiusdem D(omi)ni N(ost)ri Jesu Xp(ist)i, ac B(eatissi)mæ Virginis Mariæ Sanctorumque omnium meritis sibi Suffragan(tibus) a Purgatorij pœnis liberetur conce=
dimus, et indulgemus. In contr(ar)ium facien(tibus) non obstan(tibus) quibuscumque. P(ræse)ntibus ad Septennium t(antu)m ualituris. Dat(um) Romæ apud S(anctam) Mariam Maiorem Sub Annulo
Piscatoris die XIV. Septembris MDCCIX. Pont(ificat)us N(ost)ri Anno Nono.
~Gratis de Man(dat)o S(anctissimi) D(omi)ni N(ost)ri~
~F. Oliuerius~