CLEMENS PP(APA) XI.
AD FVTVRAM REI MEMORIAM. Omnium saluti pia charitate intenti, sacra interdum loca spiritualibus Indulgentiarum
muneribus decoramus, ut inde fidelium defunctorum animæ D(omi)ni n(ost)ri Iesu Xp(ist)i, eiusque Sanctorum suffragia meritorum consequi, et illis ad=
iutæ ex Purgatorij pœnis ad æternam salutem per Dei misericordiam perduci valeant. Volentes igitur Ecclesiam Domus fratrum
Ordinis Sancti Pauli primi Eremitæ Loci Crumloviensis Olomucen(sis) diœcesis, in qua nullum aliud Altare privilegiatum reperitur con=
cessum, et in ea situm Altare per Ordinarium Loci designandum hoc speciali dono illustrare, auctoritate Nobis a Domino tradita, ac de
Omnipotentis Dei misericordia, et Beatorum Petri, et Pauli Ap(osto)lorum eius auctoritate confisi, ut quandocumque Sacerdos aliquis eius=
dem Ecclesiæ dumtaxat missam defunctorum in die Commemorationis defunctorum, et singulis diebus infra illius Octavam, ac feria
secunda cuiuslibet hebdomadæ pro anima cuiuscumque Xp(ist)ifidelis, quæ Deo in charitate coniuncta ab hac luce migraverit, per mo=
dum suffragij Indulgentiam consequatur. Ita ut eiusdem D(omi)ni n(ost)ri Iesu Xp(ist)i, ac Beatissimæ Virginis Mariæ, Sanctorumque omnium me=
ritis sibi suffragantibus a Purgatorij pœnis liberetur, concedimus, et indulgemus. In contrarium facientibus non obstantibus quibuscum=
que. Præsentibus ad septennium tantum valituris. Datum Romæ apud Sanctam Mariam Maiorem sub annulo Piscatoris
die xix. Augusti MDCCIV. Pontif(icatus) N(ost)ri Anno Quarto.
Gratis pro deo et sc(ri)pt(ur)a
J. Oliverius