Georgius dei gracia Bohemie Rex Morauie Marchio Lucemburgen(sis) et Slesie Dux ac lusacie Marchio (et)c(etera) Notu(m)
facimus tenore p(re)senciu(m) vniuersis Quod nos vtilitatibus et comodis Monasterij Hradicen(sis) situati iuxta Ciuitatem n(ost)ram Olomucz q(uo)d superiorib(us)
annis plurimum destructum et desolatum erat libenti animo fauentes vt sic facilius releuari possit Non per errorem aut improuide sed animo
deliberato sano procerum et aliorum n(ost)rorum fidelium accedente consilio de certa n(ost)ra sciencia auctoritate Regia et Marchionali Morauie Religioso
Georgio Abbati eiusd(em) Monasterij et suo Conuentui deuotis n(ost)ris dilectis indulgemus et n(ost)r(u)m consensum concedimus vt ip(s)i molendino suo ab
antiquo constructo immediate sub monasterio iuxta ripam et fluuium transeuntem ex fluuio Morauia dictu(m) wulgariter Wasserstriczha q(uo)d de
quatuor rotis habetur alias Quatuor rotas adaugere et extruere libere valeat et possint sic vt idem molendinum de octo rotis habeatur prout ip(s)is
melius et vtilius videbitur expedire Mandamus igitur vniuersis et singulis subditis n(ost)ris fidelibus dilectis signanter aute(m) Ciuitatensibus Marchio
natus n(ost)ri Morauie et Ciuibus Ciuitatis n(ost)re Olomucen(sis) p(ro) tempore existentib(us) q(ua)t(enus) dictu(m) Abbatem et Conuentum suum in constructione pre
dictaru(m) Quatuor rotaru(m) que prioribus quatuor rotis in dicto suo molendino adaugende su(n)t quouis(m)o non impediant turbent aut molestent nec impe
diri turbari aut molestari per quepiam permittant quin pocius ip(s)os tueantur protegant et conseruent sub pena indignacionis n(ost)re qua(m) si secus fecerit se
nouerint irremissibiliter incursuros p(re)sencium sub appensione n(ost)ri Regalis sigilli testimonio litteraru(m) Datum Prage die Vigesimaprima
Februarij Anno domini Millesimo quadringentesimo Sexagesimosexto Regni n(ost)ri anno Octauo
Ad mandatum
d(omi)ni Regis