N O S J O S E P H V S
DEI gratiâ Electus Romanorum Imperator Semper Augustus, ac Germaniæ, Hungariæ, Bohemiæ, Dal-
matiæ, Croatiæ, Sclavoniæq(ue) &c REX, ARCHI-DVX Austriæ, DVX Burgundiæ, Brabantiæ, Styriæ, Carinthiæ, Carnioliæ, Marchio
Moraviæ, DVX Lucemburgæ, ac Superioris & inferioris Silesiæ, Wierthembergæ & Thekæ, Princeps Sveviæ, Comes Habspurgi, Tyrolis, Ferreti, Kyburgi & Goritiæ &c.
MEMORIÆ commendamus tenore præsentium significantes quibus expedit Vniversis. QVOD posteaquam Nos vigore certi benigni Diplomatis n(ost)ri Regij, superioribus non ita pridem præteritis Temporibus, in Anno
utpote Millesimo septingentesimo quinto, die quarta Mensis Decembris, per Expeditionem Cancellariæ n(ost)ræ Regiæ Hungaricæ Aulicæ emanati, pro solita nostra in DEVM pietate, et continuo rerum omnium, quæcunq(ue) in
majorem Cultus Divini propagationem, atq(ue) boni publici Conservationem et augmentum cedere possint, promovendarum studio, ac Zelo, uti etiam pro peculiari n(ost)ro Cæsareo Regio, quo erga devotum, nobisq(ue) gratum, et acceptu(m),
Sancti NORBERTI Canonicorum PRÆMONSTRATENSIVM Ordinem, veluti de Ecclesia DEI, et Religione Catholica benemeritum, ducimur affectu, sed et benignam habentes Reflexionem, ad assiduas H(ono)rabilis olim
Francisci à Schöllingen, prælibati Sacri Ordinis Præmonstratensium Conventus Pernecensis Inferioris Austriæ Abbatis, pro restabiliendo, et in præfatum Regnum nostrum Hungariæ reducendo, pristinoq(ue) flori restituendo
modofato Sacro Ordine, Vnà cum comite apud Maj(esta)tem n(ost)ram factas preces & supplicationes, nec non alijs etiam quamplurimis legitimis de Causis & rationibus in Eodem benigne Diplomate n(ost)ro fusius enarratis, inter reliqua ejus-
dem Sacri Ordinis Beneficia, etiam PRÆPOSITVRAM Sancti STEPHANI Prothomartyris de Promonthorio Varadiensi, in Diœcesi Ejusdem nominis, Comitatuq(ue) Bihariensi existentem, et ab olim pro præfato Sacro Ordi-
ne Præmonstratensi, in prælibato Regno n(ost)ro Hung(ari)æ primitus pientissimè fundatam, adeoque reliquarum omnium Ejusdem Ordinis Præpositurarum primam, & consequenter MATREM, per injuriam iniquissimorum, et Vicissi-
tudines temporum, ipso Sacro Ordine Præmonstratensi e præfato Regno n(ost)ro Hung(ari)æ exulare coacto, medio aliarum Ecclesiasticarum Personarum, ex benigna Prædecessorum n(ost)rorum Hung(ari)æ Regum Collatione tentam, et posses-
sam, post mortem, et ex hac luce decessum H(ono)rabilis olim Stephani Farkas, Capituli Ecclesiæ Varadiensis unius Canonici, et antelatæ Præposituræ ultimi ex statu Ecclesiastico Possessoris, prælibato Sacro Ordini Præmonstraten-
sium, de Apostolico-Regiæ potestatis n(ost)ræ plenitudine, et Gratia Speciali, Authoritateq(ue) Juris Patronatus n(ost)ri Regij restituissimus, reapplicavimus, et Jure postliminij perpetuò ac irrevocabiliter incorporavimus, atq(ue) ad Eandem gu-
bernandam et administrandam, præfatum Franciscum condàm à Schöllingen, eâdem Authoritate Juris Patronatus nostri Regij elegissimus & nominaverimus, Eidemq(ue) dictam Præposituram Sancti Stephani Prothomarty-
ris de Promonthorio Varadiensi, unà Successoribus etiam Ipsius, futuris nempè dicti Conventus Pernecensis Abbatibus, simul cum universis Bonis, ac Juribus possessionarijs, nec non etiam omnibus Honoribus, prærogativis, & Li-
bertatibus, Eidem Præposituræ ab antiquo debitis et competentibus, cumq(ue) plenaria unius, Vel alterius, ex Conmembris prælibati Sacri Ordinis sui, erga præviam nihilominus benignam Confirmationem, et Assensum nostrum, ceden-
di facultate dedissimus et contulisimus; Eodem Verò Francisco condàm à Schöllingen fatis functo, ipsius in prænotata Abbatia Pernecensi immediatus Successor, Fidelis utpotè noster Honorabilis Ambrosius aquè à Schöllingen,
ac totus Conventus Pernecensis, certis relevantibus de Causis, motivisq(ue) et rationibus, potissimùm autem, ut modofatum Conventum Pernecensem, à gravibus Debitis, per dictum olim Franciscum à Schöllingen, Causâ recu-
perandarum, et de manibus partim Ecclesiasticorum, partim Sæcularium vindicandarum hujusmodi in præfato Regno n(ost)ro Hung(ari)æ pro dicto Sacro PRÆMONSTRATENSIVM Ordine ab olim fundatarum Præpositurarum
contractis, & adhuc in exoluto hærentibus, saltem in parte eliberare, et sublevare valeant, totiesfatam Præposituram SANCTI STEPHANI Prothomartyris de Promonthorio Varadiensi, cum approbatione totius Capituli Com-
provincialis, die Trigesima prima præteriti Mensis Augusti ANNI currentis Millesimi septingentesimi decimi, Olomucij in Moravia hunc in finem celebrati, Fideli nostro consimiliter Honorabili CAROLO KRATOCHWIL,
repenti Sacri Ordinis Præmonstratensium Ecclesiæ LVCENSIS in Marchionatu n(ost)ro Moraviæ Abbati, totiq(ue) Conventui modofatæ Ecclesiæ LVCENSIS, pro certa Pecuniaria Summa totaliter cessissent, omniq(ue)
Juo tototius suum, in antelatum Abbatem LVCENSEM, et totum CONVENTVM ex integro transtulissent; Ac Nos quoque ejusmodi Cessionem et Translationem, vigore aliarum specialium benignarum literarum nostra-
rum Consensualium, et Confirmationalium, sub Dato in hac Civitate n(ost)ra Vienna Austriæ die Vigesima sexta Mensis Octobris, ANNI suprascripti Millesimi septingentesimi decimi, emanatarum, Authoritate nostra
Regia benignè approbavissemus, & ratificassemus; Hinc, clementem etiam habentes respectum ad præclaras Virtutes, laudatosq(ue) & acceptos mores, Doctrinam item ac Eruditionem, nec non omnibus gratam Vitæ Exempla-
ris Conversationem, cæterasq(ue) excellentes Animi dotes prælibati Caroli Kratochwil, Abbatis LVCENSIS, Eidem præspecificatam PRÆPOSITVRAM Sancti STEPHANI Prothomartyris de Promonthorio Vara-
diensi, antea uti præmissum, primò quidem per antelati Stephani condàm Farkas, postea verò dicti Francisci à Schöllingen mortem, et ex hac vita decessum, Vacantem, ac prævio modo cessam, et translatam, prædeclaratâ
Authoritate Juris Patronatus n(ost)ri Regij, quòd generaliter in ipsis prælibati Regni n(ost)ri Hung(ari)æ Partiumque Eidem annexarum Ecclesijs, instar Divorum condàm sæpèfati Regni n(ost)ri Hung(ari)æ Regum Prædecessorum Videlicet
n(ost)rorum gloriosæ Recordationis, optimo Jure habere, et exercere dignoscimur, unà cum universis dictæ PRÆPOSITVRÆ Bonis, Juribusque Possessionarijs, Videlicet Castris, Castellis, Oppidis, Villis, Possessionibus, ac Prædijs
generaliter verò cunctis Vtilitatibus, Obventionibus, Emolumentis, Proventibus, & Pertinentijs, nec non etiam omnibus Honoribus, prærogativis, & libertatibus, de Jure et ab antiquo ad ipsam PRÆPOSITVRAM spectantibus, et pertine-
re debentibus dandam et conferendam, Eundemq(ue) Ei, cui intereà præsentandum esse duximus; Ita tamen, ut in Casu mutationis Domini, idem Abbas LVCENSIS, aliam idoneam Personam, ad hanc Præposituram, servatis de more &
Consuetudine hujus Sacri Ordinis servandis, nominare, talemque & futuros suo modò semper nominandos PRÆPOSITOS Nobis, & Successoribus nostris, legitimis utpotè Hung(ari)æ Regibus, pro obtinendis super Ejusmodi nomi-
natione benignis Confirmatorio-Donationalibus & Installatorijs literis, sine quibus ejusmodi nominatus Præpositus, realem totiesfatæ PRÆPOSITVRÆ Possessionem assequi neutiquàm valeat, præsentare, cæterisquê
universis Conditionibus, & Obligaminibus, tam in prænotato benignissimè die quarta Mensis Decembris, ANNO Domini Millesimo septingentesimo quinto, suprascriptis emanato Diplomate n(ost)ro Regio denotatis, et ex-
pressis, quàm etiam per jamnotatum CAROLVM Abbatem LVCENSEM, coram præfato Capitulo Provinciali, spontè et ultroneè in se assumptis et levatis, quoad plenum satisfacere debeant, ac teneantur. Imò restituimus,
reincorporamus, reapplicamus, damusque & conferimus ac præsentamus. Harum n(ost)rar(um) secreto majori Sigillo nostro, quo ut REX Hungariæ utimur impendenti communitarum vigore et Testimonio literarum. DATVM per ma-
nus Fidelis nostri Nobis dilecti Spectabilis ac Magnifici Comitis Nicolai Illésházy de Eadem, hæreditarij in Trenchin, Ejusdemque prout & Liptoviensis Comitatuum Supremi, & perpetui Comitis, Camerarij & Consi-
liarij n(ost)ri, ac per Regnum Hungariæ Aulæ nostræ Cancellarij, in Civitate nostra Vienna Austriæ, die quinta Mensis Novembris, ANNO Domini Millesimo septingentesimo decimo; Regnorum nostrorum Ro-
MANI Vigesimo primo, HVNGARIÆ & reliquorum Vigesimo tertio; BOHEMIÆ Verò ANNO Sexto.
Josephus
Nicolaus Comes Illeshazy
Joannes Klobusiczky