Urbanus ep(iscopu)s seruus seruor(um) dei. Venerabilibus fratribus .. Archiep(iscop)o pragen(si) et .. Ep(iscop)o penney(nensi) ac dilecto filio Abbati Monasterij Scotor(um) in Wyenna patauiens(is) dioc(esis) Sal(u)t(em) et ap(osto)licam
ben(edictionem). Peticio dilector(um) filior(um) .. Abbatis et Conuentus Monasterij lucen(sis) premonstraten(sis) ordinis Olomucen(sis) dioc(esis) nobis exhibita continebat q(uo)d licet Ville de Potigel alias Rokytnicze et poliouodicz dicte dioc(esis)
et silua dicta Aberdald in dicta dioc(esi) consistens cum ear(um) pratis pascuis riuulis aquar(um) decursibus ac iuribus et pertinencijs ear(un)dem et fructus redditus et prouentus ex dictis Villis silua pratis pascu
is riuulis et aquar(um) decursibus prouenientes ad ip(s)os Abbatem et Conuentum ac Monasterium pertinuissent et pertinerent quia tamen Vlricus et Janko dicti de hewlticz fratres armigeri dicte dioc(esis) falso
asserentes Villam siluam prata pascua riuulos aquar(um) decursus et fructus redditus et prouentus huiusmodi ad se pertinere eadem Villas siluam prata pascua riuulos aquar(um) decursus et fructus
redditus et prouentus occupabant et detinebant indebite occupata fructus ex eisdem percipiendo ijdem Abbas et Conuentus eosdem Vlricum et Jankonem super hoc petendo pronunciari decerni
et declarari Villas siluam prata pascua riuulos aquar(um) decursus et fructus redditus ac prouentus huiusmodi ad eosdem Abbatem et Conuentum ac Monasterium pertinere et eis adiudicari
ip(s)osq(ue) Vlricum et Jankonem compelli et condemnari ad dimittendum eisdem Abbati et Conuentui et Monasterio Villas siluam prata pascua riuulos aquar(um) decursus et fructus redditus et prouen
tus huiusmodi et ab occupacione et detencione eor(un)dem amoueri et eisdem super dictis Villis silua pratis pascuis riuulis aquar(um) decursibus et fructibus redditibus et prouentibus huiusmodi perpetuu(m)
silencium imponi coram .. Abbate Monasterij Milouij pragen(sis) dioc(esis) Conseruatore eisdem Abbati et Conuentui Monasterij lucen(sis) contra inferentes eis iniurias et iacturas in bonis et rebus ad ip(s)os Abba
tem et Conuentum ac Monasterium lucen(se) spectantibus a sede ap(osto)lica per ip(s)ius sedis litteras deputato et habente cognoscendi de hijs que iudicialem indaginem exigunt specialem per easdem litteras po
testatem uigore potestatis huiusmodi fecerunt ad iudicium euocari / idemq(ue) Abbas Conseruator cognitis huiusmodi cause meritis et iuris ordine seruato diffinitiuam contra dictos Vlricum et Jankone(m)
sentenciam promulgauit ip(s)osq(ue) in expensis in huiusmodi causa factis nichilominus condemnauit ip(s)ar(um) expensar(um) taxacione sibi imposteru(m) reseruata / a quaquidem sentencia fuit pro parte dictor(um) Vlrici
et Jankonis ad sedem ap(osto)licam appellatum / Nosq(ue) ad instanciam dictor(um) Abbatis et Conuentus Monasterij lucen(sis) asserencium appellacionem huiusmodi desertam fore causam appellacionis et desericionis eiu
sdem Venerabili fratri n(ost)ro Bartholomeo Ep(iscop)o lucerin(ensi) tunc Capellano n(ost)ro et ap(osto)lici palacij causar(um) Auditori audiendam commisimus et fine debito terminandam non obstante q(uo)d causa ip(s)a de sui natura
ad Roman(am) Curiam legittime deuoluta et apud eam tractanda et finienda non esset et cum potestate citandi eosdem Vlricum et Jankonem extra Roman(am) Curiam et ad partes quociens opus esset / idemq(ue) Ep(iscopu)s
tunc Auditor ad instanciam Mag(ist)ri Doym de Remis procuratoris dictor(um) Abbatis et Conuentus Monasterij lucen(sis) eosdem Vlricum et Jankonem per suas certi tenoris litteras citari fecit ad partes ut coram eo cer
to peremptorio termino competenti tunc expresso cum omnibus actis iuribus et munimentis siue causam huiusmodi contingentibus in dicto palacio comparerent processuri in causa ip(s)a ad singulos actus
necessarios usq(ue) ad diffinitiuam sentenciam inclusiue prout existeret racionis / in quoquidem termino dictus Doymus coram eodem Ep(iscop)o tunc Auditore in iudicio comparens / et de citatione huiusmodi eidem
Ep(iscop)o tunc Auditori fidem faciens per legittima documenta dictor(um) Vlrici et Jankonis non c(om)parencium contumaciam accusauit idemq(ue) Ep(iscopu)s tunc Auditor ad instanciam eiusdem Doym coram eo in iudicio
comparentis et asserentis dictam appellacionem fuisse et esse desertam eosdem Vlricum et Jankonem ad docendum de diligencia prosecucionis dicte appellacionis in audiencia publica ut est moris citari fecit
ad certum terminum peremptorium competentem / in quo dicto Doyno coram eodem Ep(iscop)o tunc Auditore in iudicio c(om)parente et dictor(um) Vlrici et Jankonis non c(om)parencium c(on)tumaciam accusante idem Ep(iscopu)s tunc
Auditor ad eiusdem Doym instanciam eosdem Vlricum et Jankonem ad suam in causa huiusmodi sentenciam audiendam in dicta audiencia citari fecit ad certam diem peremptoriam competentem / in qua dicto
Doyno coram eodem Ep(iscop)o tunc Auditore in iudicio comparente et dictor(um) Vlrici et Jankonis non comparencium contumaciam accusante et in eor(um) contumaciam dictam appellacionem pronunciari fuisse et esse
desertam / ac huiusmodi sentenciam ferri petente / idem Ep(iscopu)s tunc Auditor reputans eosdem Vlricum et Jankonem quo ad actum huiusmodi prout erant merito contumaces in eor(um) contumaciam uisis et
diligenter inspectis omnibus et singulis actis et habitis in causa huiusmodi ip(s)isq(ue) cum diligencia recensitis et examinatis de consilio et assensu Coauditor(um) suor(um) dicti palacij quibus super hijs rela
cionem fecit fidelem per suam sentenciam pronunciauit decreuit et declarauit appellacionem predictam fuisse et esse desertam dictosq(ue) Vlricum et Jankonem in expensis coram se in huiusmodi causa legi
time factis condemnauit ip(s)ar(um) expensar(um) taxacione sibi imposteru(m) reseruata / prout in instrumento publico inde confecto dicti Ep(iscop)i tunc Auditoris sigillo munito dicitur plenius contineri / Nos
itaq(ue) dictor(um) Abbatis et Conuentus Monasterij lucen(sis) suplicacionibus inclinati que super hijs ab eodem Ep(iscop)o tunc Auditore / prouide facta sunt rata habentes et grata / discresioni u(est)re per ap(osto)lica scripta
mandamus / quatinus uos uel duo aut vnus u(est)r(u)m per uos uel alium seu alios predictam sentenciam dicti Ep(iscop)i tunc Auditoris ubi et quando expedire uideritis auctoritate n(ost)ra solempniter publicare cure
tis . Contradictores per censuram ecclesiasticam appellacione postposita compescendo . Dat(um) neapoli apud maiorem eccl(esi)am neapolitan(am) iij k(a)l(endas) februarij Pontificatus n(ost)ri Anno Sexto :)
Rea(ta)
Jo(hannes) Jacozi