Catalogue de recherche

Explorer les chartes

Commencez par une recherche simple. Affinez-la seulement lorsque la question scientifique l’exige.

1459_VI_15

CZ-MZA > E57 > 1459_VI_15

Source : MonasteriumPaléographie IAInterprétation IA
Page 1 / 2
1459_VI_15, page 1
Vue
Transcriptiongemini-3.1-pro-preview
Wier Wenczlaw von gots gnaden Probst Barbara p(ri)orin Anna Supp(ri)orin vnd der gancz Conuent des Closters
zu Cwnycz des premonstrate(n) orde(n)s jn olomuczer Bistumb Bekennen offenwar mit disem p(ri)eff fur alle(n)
dy jn sehen ader lesen horen werden das wier mit wol bedachtem mut verkaufft haben vnd mit krafft dis(es)
prieffs verkauffen vnsern vnd vnsers closters eygen Acker dreyffig gwanten mer ader mynder genent Ssarby
vnd halben dy do ligen jn czasspiczar ffeld dem fursichtigen man hanns Czwirnig von lodnycz vnd sein(en) Erben
vmb achtzehen schok grossen dy er vns nu mit beraytem geltt gancz vnd gar beczalt hat Also das er den
selbigen Acker Jnnehalten vnd gniessen schol als des seynes eygens mit sein(en) Erben vnd nachkome(n) vnd
schol vnd ist pflichtig der vor gemelt hanns Czwirnig sein(en) Erben vnd irt nachkome(n) vns vnd vnserm closter
alle Jar ein halbs schok grossen cynsen zu sand michele tag von dem selbigen acker Auch scholl er vns czehenden
Czehend geben was auff dem Acker angesat wird vnd auch hat der vorgeschrib(e)n hanns Czwirnig dy krafft
vnd macht den selbigen Acker zu verkauffen wem er well jn dem selbigen Rechten als er jn den
von vns gekaufft hat vnd wer disen p(ri)eff jn seinem gwalt jnne hat ader haben wirt der ist vns
pflichtig vnser grechtikait alle Jar zu raichen den czehend vnd halbs schock grossen zu sand michele tag
vnd von der czehend berait vnd angesat wird So schollen den selbigen czehend vmb ein furen vnser
lewt wo wir hyn schaffen vnd Jch probst vnd Conuent obingeschriben Geloben fur vns vnd vnsern Nach
kome(n) dem vorgenante(n) hanns Czwirnir sein(en) Erben vnd nachkome(n) Stetlich treulich vnd czberlich zu
halten das alles was jn disem p(ri)eff obin geschriben stet des zu einer geczeugniss vnd pesser sycherheit haben
vnser Sigl an den p(ri)eff angehengen datum z Actum jn Castro Cwnycz Anno d(omi)ni Millesimo C(e)nt(es)i(m)o
Q(ui)nquagesimo Nono feria sexta die Sancti Viti martiris gloriosi

Balisage scientifique de la transcription

(text)
Abréviation développée ; les lettres entre parenthèses sont restituées.
~text~
Incertitude mineure.
|text|
Incertitude importante.
¦text¦
Lecture fragile.
<text>
Reconstruction contextuelle non visible avec certitude.
# / #3w
Écriture visible mais illisible.
^3w^ / ^2l^
Passage physiquement manquant ou endommagé.