Nos Ferdinandvs Secvndvs Divina
favente clementia electvs Romanorvm Imperator, semper Avgvstvs, ac Germaniæ,
Hungariæ, Bohemiæ, Dalmatiæ, Croatiæ et Sclavoniæ, Rex, Archidux Austriæ, Dux Burgundiæ, Marchio Morauiæ, Dux Lucemburgiæ ac inferioris et superioris Silesiæ, Brabantiæ, Styriæ, Carinthiæ, Carniolæ,
Wirtembergæ et Teckæ, Princeps Sueuiæ, Marchio Inferioris et Superioris Lusatiæ, Comes Habsburgi, Tyrolis, Ferretis, Kyburgij et Goritiæ, Landtgrauius Alsatiæ, Marchio Sacri Romani Imperij, Burgouiæ, Domi=
nus Marchiæ Sclauonicæ, Portus Naonis et Salinarum. Ad perpetuam rei memoriam notum facimus tenore præsentium omnibus et singulis, quod Venerabilis fidelis Nobis dilectus Benedictus Waliberger Ab=
bas Monasterij Zaberdouicensis, Ordinis Præmonstratensis, Supplex accesserit, humiliter exponens, gratias, Libertates, Priuilegia et Iura varia ac multiplicia Monasterio prædicto sibi concredito à Prædecessoribus Nostris
Regibus Bohemiæ et Marchionibus Morauiæ concessa, data, literis quoq(ue) super his confectis roborata, ac demum ab Atauo Nostro gloriosæ memoriæ Ferdinando Primo huius Nominis Imperatore, ac Rege Bohemiæ diploma=
te super his similiter dato approbata et Confirmata esse, cuius diplomatis, prout id in Originali integro et vitio carente Nobis exhibitum est, hæc sunt Verba. Ferdinandus Diuina fauente clementia Romanorum Rex
semper Augustus, ac Hungariæ, Bohemiæ, Dalmatiæ, Croatiæ etc(etera) Rex, Infans Hispaniarum, Archidux Austriæ, Marchio Morauiæ, Lucemburgensis et Silesiæ dux, ac Lusatiæ Marchio, Ad perpetuam rei memoriam. Notum fa=
cimus tenore præsentium, quod accedens præsentiam Nostram, religiosus Sigismundus Abbas Monasterij Zaberdouiensis Ordinis Præmonstratensis, deuotus, fidelis Nobis dilectus, nomine suo, ac totius illius Conuentus Nobis humi=
liter supplicauit, Quatenus omnes et Singulas literas, Gratias, Libertates, Priuilegia et Iura uniuersa datas et concessa eidem Monasterio à diuis prædecessoribus Nostris, Regibus Bohemiæ et Marchionibus Morauiæ, ex innata
Nobis Clementia innouare, approbare, ratificare, et Confirmare dignaremur, Nos condignis eorum precibus moti volentesq(ue) vt per Nostram gratiam cultus diuinus (cui Nos plurimum afficimur) nedum conseruari, verum etiam
crescere et augmentari posset, Igitur non per errorem aut improuide, sed animo deliberato, sano procerum et fidelium Nostrorum ad id accedente consilio de certa Nostra scientia, authoritate Regia et tanquam Marchio Mora=
uiæ, omnes et singulas Literas, Gratias, Libertates, Priuilegia et Iura uniuersa, præfato Monasterio à Diuis Prædecessoribus Nostris Regibus Bohemiæ et Marchionibus Morauiæ datas et concessa, approbamus, rati=
ficamus, innouamus, et gratiosius Confirmamus in omnibus punctis, articulis, clausulis, sententijs non secus ac si in Literis Nostris, de Verbo ad Verbum omnia tenore inserti et comprehensi essent, habere volumus pro ex=
pressis, Decernentes ac præsenti Nostro Regis ac Marchionis Morauiæ edicto, firmissime constituentes, vt prænominatus Abbas cum Conuentu ipsius ammodo et deinceps futuris perpetuis temporibus, Omnibus et Singulis
Literis, Gratijs, Libertatibus, Priuilegijs et Iuribus vniuersis ipsis (sicut præmissum est) per prædecessores Nostros concessis, in omnibus et per omnia, absq(ue) omni impedimento, fruantur et gaudeant. Quocirca supremo Capitaneo,
cæterisq(ue) officialibus præfati Marchionatus Morauiæ præsentibus vel futuris, districte præcipiendo, mandamus, quatenus iam dictum Abbatem Zaberdouiensem et Conuentum, in Priuilegijs et Libertatibus eorum per Nos con=
firmatis manuteneant, defendant et protegant. Nullumq(ue) ijs impedimentum inferant, seu quouis modo inferre permittant. Ita prout contra facientes indignationem Nostram Regiam volunt et cupiunt euitare. In quo=
rum fidem et perpetuum robur præsentes Literas fieri, eaq(ue) Sigilli Nostri maioris, quo tanquam Rex Bohemiæ vti consueuimus appensione communiri præcepimus. Datum in Arce Nostra Pragensi, die Decima octaua Mensis
Martij, Anno a Christo nato Millesimo quingentesimo trigesimo Septimo, Regnorum autem Nostrorum Romanorum Septimo, aliorum vero omnium Vndecimo. Ferdinandus. Ad man(datum) D(omi)ni Regis p(ro)p(rium) Io(hannes) Hen(ricus) à Straoka.
Quæ omnia et Singula quatenus ea his literis expressa, demonstrata vel iudicata sunt, Vt Nos quoq(ue) pro eo quo in Religionem ferimur studio, eaq(ue) qua Vt hæreditarius Bohemiæ Rex et Marchio Morauiæ, auctoritate pollemus,
ratificare, approbare et Confirmare benigne dignaremur, Nos idem Abbas ea qua par est animi submissione rogauit. Nos igitur nihil prius nec antiquius habentes, quam ut non minus ea quæ Vitio temporum Religioni et Eccle=
siæ detracta vel in ea collapsa sunt, restituantur ac restaurentur, quam quæ iam firma stant in suo robore permaneant, non per errorem forte aut improuide, sed maturo prius procerum et fidelium Consiliariorum Nostrorum habito
consilio, de certa scientia et iudicio Nostro dicti Abbatis humilibus precibus annuentes omnia et Singula Iura, Libertates, gratias et Priuilegia à præfatis Maioribus et Antecessoribus Nostris Monasterio prænominato
data, concessa, indulta et Confirmata, iuxta inserti diplomatis Verba, cum omnibus suis clausulis, punctis et Articulis Vt hæreditarius Bohemiæ Rex et Marchio Morauiæ non modo libenter et benigne ratificauimus
approbauimus et confirmamus, prout et præsentium tenore ratificamus, approbamus et Confirmamus, sed insuper hoc adijcimus, Vt si qua forte bonorum immo^bilium^ ^a^ ^fun^datoribus et Nostris Antecessoribus prædicto Monasterio con=
cessa et donata tempore guerrarum et bellorum tumultibus distracta, Vendita, alienata, Vel quocunq(ue) titulo ad aliorum siue Ecclesiasticorum ^siue^ ^secularium^ manus et potestatem peruenißent, eadem reuocari, et fun=
dationi antiquissimæ dicti monasterij adiungi possint ac debeant, omnibus possessoribus quicunq(ue) tandem illi sint, tam Ecclesiasticis quam sæcularibus ^præ^cipientes Vt titulum quo eiusmodi bona possident præsenti
et successoribus Abbatibus Monasterij Zaberdouicensis ad suam ipsorum instantiam indicare, exhibere et probare teneantur, remoto omni obstaculo, Decentes etiam decernentes ac firmiter statuentes, vt prænominatus Abbas cum Mona=
sterio præfato perpetuis temporibus deinceps, omnibus et singulis gratijs, Libertatibus, Iuribus, Priuilegijs et Literis memoratis, prout ea à prædecessoribus Nostris ipsis data, concessa et indulta sunt, in omnibus et per omnia absq(ue)
omni impedimento fruantur et gaudeant, Ac mandamus proinde supremo Nostro Capitaneo, cæterisq(ue) officialibus Nostris præsentibus et futuris, nec non omnibus et singulis fidelibus Nostris subditis et incolis prædicti hæredi=
tarij Nostri Marchionatus Morauiæ, cuiuscunq(ue) status, Gradus, aut conditionis illi fuerint, Vt sæpe memoratum Abbatem Zaberdouiensem et Monasterium præfatis suis à Nobis Confirmatis, Libertatibus, Gratijs, Iuribus
et Priuilegijs, quiete et sine impedimento Vti, frui et gaudere patiantur, protegant quoq(ue) et tueantur, nec contra tenorem huiusce Nostri Cæsarei et Regij Diplomatis Vllatenus turbari aut molestiam Vllam inferri sinant, sub
Nostræ et Successorum Nostrorum grauissimæ indignationis, quam contra venientes certissimo incursuros nouerint, interminatione. In cuius rei fidem præsentes hasce manus Nostræ subscriptas Sigilli quoq(ue) Nostri Cæsa=
rei Regijq(ue) appensione muniri jussimus. Datas in Ciuitate Nostra Vienensi die quarta Maij Anno Domini Millesimo Sexcentesimo Vigesimo Nono, Regnorum Nostrorum Romani Vndecimo, Hungarici Duodecimo, et
Bohemici Duodecimo.
Ferdinandus
Ad mandatum Sac(ræ) Cæs(areæ)
Maiestatis proprium
Ioan(nes) Walderode