Wir fridriche von gotis gnaden Graue von Orlamunde, Herman(n) von Wolkow, Jan von Schon
neke vnd Cunrad Cumpheims des Marggrauen von Brandemb(ur)g Canceler Bekennen vnd
tun kunt offenlich mit dysem briue allen den die In sehen oder horent lesen das wir von
geheize vnd sunderlicher empfelhunge desselben vnsers herren des Marggrauen von Bran
demburg von seinen wegen vnd an seiner stant empfangen vnd genomen haben an der
nehsten Mitwoche vor mitter vasten in der Stat czu Gubin Sechs Tusent Acht hund(er)t
vnd Siben vnd Sechczig schok vnd zweinczig grozze Behemisch(er) pfenig(er) Muncze die
vns der Edle her fridriche von Schonemb(ur)g herre czum pirssenstein, vnd die Ersame(n)
peter von Jauer des keysers schreiber, peter Rotlew burger czu prag vnd Cristan
hern pauls von prag schreiber daselbst genczlich vnd gar von des Egen(anten) vns(er)s h(er)r(e)n
des keysers wegen berichttet vnd beczalet haben, Vnd des czu Vrkunt haben wir vnser
alle Ingesigele an dysen briue gehangen der gebn ist czu Gubin nach Cristis gepurte
Dreuczenhundert Jar dornach in dem Acht vnd Sechczigisten Jare an der nehsten Mit
wochen nach Oculi