Wir Thimo von Colditz herre zu den Grapen Bekennen vnd tun kunt offenlich mit disem briue alln den die in sehen oder horen lesen wann vns vnd vnsern Eldern herren zu
Colditz von seliger gedechtnisse den durchleuchtigen kungen zu Beheim vnd der Cronen desselben kimgreichs vil gnaden gutes schirmes vnd maces widerfaren ist vnd noch teg
lichen geschiht vnd widerfart vnd wann auch vns vnsern erbn vnd nachkomen vnser herschafft gut leute vnd zugehorunge nymant so wol so mechtiklich vnd so richticlich
vorteidigen bey recht vnd bey eren behalden mag als die egenanten durchleuchtigen fursten vnd herren die kunge zu Beheim vmb das in der Cronen vnd dem kimgreich
dieselbe herschafft nahen gelegen ist vnd sie vns vnd den vnsern als dauor geschriben stet allewege gunst vnd gnade erzeiget haben vnd noch alle tage beweisen dauon
haben wir mit wolbedachtem mute mit rate vnserr freunde mit rechter wissen vnbetwungen vnd mit wol bedachter freyer willekur dem durchleuchtigen fursten vnd her=
ren hern Wentzlawen kunge zu Beheim vnserm liebn gnedigen sunderlichen herren seinen erben vnd nachkomen kungen zu Beheim vnd der Cronen desselben kimgreichs ewichlich
dieselbe vnser herschafft Colditz Burg vnd Stat vnd die nachgeschriben dorffer vnd guter Lauß das Stetl Schonbach lysnow kochenitz grossen zcremut kossitz Gegetz zu=
mermast Hoembuch Thurow meselitz Supen Swartzebach lypin Tyrbanny Bucheim Baldendorff Teuchelsdorff Hoppegarte Tychow Euelshayn kleingzcremut Colmicheim podlas
Czodwes Sopolaw Comeschow Bukewitz Muselitz Menitz Newendorff Geyfridsdorff Erlbach kulkem Tassitz grosse hengilsdorff kleing hengilsdorff Ealdeburg Gurlitz Tirpaslowitz
Soluwitz Vorsachow Cossa Marostwitz Tummendorff Marmalitz Musthow Matrowitz Ostrow Sulbicheim Awratitz mit namen den hoff zu Grob vnd anderswo manschefften
lehenschefften verlehenten gutern mit Juden apinteken zollen Gerichten gulden cinsen Eckern gearten vnd vngearten vorwerken Bergen Grunden Slichten welden mit namen
den wald den man nennet der forst vnd mit dem walde den man nennet der Tympnitz puschen wassen wasserleuffen vischpennen geregden vyscheryen wiesen weiden vo
gelweiden Berkwerken es sei Goltwerk Silberwerk czinwerk kupferwerk Bleiwerk oder Ysenwerk vnd vornemlich mit allen rechten freyheiten eren vnd nutzen als sie von vnsern
Eldern vnd vorfarn an vns komen sein vnd wir sie bis her gehabt vnd besessen haben die wir vnd die egenanten vnser vorfarn von dem heiligen Reiche zu lehne gehabt vnd besessen
haben vffgereicht vffgetragen vffgelazn vnd in sein hende williclich vnd lediclich vffgeben vnd haben die von ym seinen erben vnd nachkomen kungen ze Beheim vnd der Cronen desselben
kimgreichs zu rechtem edeln manlehen wissentlich rechticlich vnd erberlich empfangen als gewonlich ist sulche lehenschafft zu empfahen Also das der egenante vnser herre der ku=
nig sein erben vnd nachkomen kunge zu Beheim dieselben herschafft leute guter vnd zugehorungen von dem egenanten heiligen Romischen Reiche als von rechter lehenherschafft fur=
basmer empfahen vnd zu lehen haben sullen vnd dorumb so globen wir in guten trewen on alles geuerde fur vns vnser erben and nachkomen herren zu Colditz als auch wir des
leiphafftig eyde zu den heiligen gesworen haben dem egenanten durchleuchtigen fursten and herren hrn Wentzlawen kunge zu Beheim seinen erben vnd nachkomen kungen zu Beheim
vnd der Crone desselben kimgreichs ewichlich von wegen derselben vnser herschafft lute guten vnd zugehorungen als vnser rechten naturlichen lehenherschafft getrew gehorsam vnd auch vnterte=
nig zu sein iren schaden zuwenden iren frumen zuwerben vnd alles das gen yn zutun das rechte edle lehenmanne gen iren rechten naturlichen lehnherren durch recht odir gewonheit zu tun
pflichtig sein Ouch sullen vnser egenanten vesten Colditz Burg and Stat denselben vnsrn herren kungen zu Beheim iren erbn and nachkomen kungen zu Beheim vnd der Cronen desselben
kimgreichs vnd iren gewissen haubtleuten zu alln iren notdurfften offen vesten ewichlich sein Doch also wer das sache das in kunfftigen zeiten vnser vorgenanten herren kunge ze Beheim
oder von iren wegen ire gewissen haubtleute sich von denselben vnser vesten gen iren veynden behelfen wolden so das sie volk dar legen wurden das sol geschehen vff ire koste vnd
den egenanten vnsern vesten Burk vnd Stat vnschedlich on geuerde Ouch mit den vnderscheiden das die egenanten vnser herren der kunig vnd seine erben kunge zu
Beheim vns and vnser erbn mit derselben vnser herschafft luten guten vnd zugehorungen von der Cronen vnd dem kimgreich zu Beheim nymmer in dheinen zeiten verkäufen
versetzen noch vorweysen oder empfremdn sullen in dheinen weys Sunder sie sulln vns dobey behalden vnd zu vnsern rechten nach irer macht beholfen sein als offt vns des not ge=
schiht gen allermeniclich nymand vsgenomen Des bitten wir den allerdurchleuchtigsten fursten vnd herren hrn karle Romischen keiser zu alln zeiten merer des Reichs vnd kungi ze Beheim
vnserm gnedigen libn herren das er als ein Romischer keiser von wegen des heiligen Romischen Reichs vnd mit Romischer keiserliche mechte volkumenheit alle die egenante vnser
vffreichunge vftragunge vnd vfflazunge vnd vffgabe empfahunge gelubde huldunge eyde and was dauor begriffen ist geruche zu bestetigen beuesten vnd zu Confirmiren in sulcher mazze
als semliche dink allerbest geschehen mugen von gnaden des heiligen Romischen Reichs zcu vrkund ditz briefs besigelt mit vnserm anhangenden Insigel Der gebn ist zu Prag
an dem freytage vor antfasten do man zalt nach Cristus geburte Dreutzehnhundt Jare vnd darnach in dem Acht vnd Sechtzigsten Jare