Wir Bolke von gots gnaden herczoge in Slezien vnd herre czu Munsterberg Cunrad von der Eibnicz franczke von Borsnicz vnd
Witthe Sndow Ritt(er) globen mit gesamter hant in guten trewen vnd ane argelist den allirhochgebornsten vnd ir
luchtsten fursten vnde herren hern Karl Romisschen kayser herren Wenczlaw sime sone konig czu Beheim vnsern
allirliebsten gnedigsten herren vnd czu irre hant deme Erwirdigen in crist vatir vnd herren herren Johanne ercz
bischofe czu Prag die prife vmb die wir Bolke der obgenant(er) mit in gutlich vnde fruntlichen vorricht vnd ent
scheiden sint wedir czu antworten vnd czu geben wenne die obgenant(en) vnsern gnedigsten herren vns ebnanten
Bolken mit nuwen prifen vnser freyheid rechte vnd herschefte vnss furstentums das wir besiczzen haben vnd an vns
mit rechte gevallen vnd gestorben mak bestetigen vnd bestetigit werden als sie in den obgenant(en) prifen begriffen sint
vnd sten beschreben czur bekentnisse dis briefs der mit vnsern angehangen Ingesigeln vorsigilt ist der ist gegeben
czu frankenst(ein) an deme donrstag noch sente Mertins tage Noch Crist(es) geburte dreyczenhundirt Jar in deme Nun
den vnde Seczcigsten Jare