WIr die nochgeschriben lantleute Heinrich von kietig Fridrich von sologast Hans von Bukkensdorff Conrad Czarnenbek Balthasar von korenspok kuncz von gyla Cristan von kolsperg Hans von
Ocken Heynrich Lange vnd Hans von Brefelde Vnd wir die nochgeschriben stete Guben vnd Luckaw Bekennen vnd tun kunt offenlich mit disem brieff allen den die in sehen oder horen lesen Wann
der Allerdurchleuchtigster furste vnd herre her karl Romischer keyser zu allen zeiten merer des Reichs vnd kunig zu Beheim vnser lieber gnediger herre fur sich sein erben vnd diener mit den
hochgebornen fursten vnd herren her(r)n Otten Marggrauen zu Brandenburg her(r)n Stephan dem eltern her(r)n Stephan her(r)n Fridrich vnd her(r)n Johansen seinen sunen Herczogen in Beyern eynen friede
genomen gemacht vnd getedingt hat in der maze vnd maniere als in eynem brieue den er daruber geben hat volkomenlich begriffen ist der also lautet von worte zu worte Wir karl von gotes gna
den Romischer keyser zu allen zeiten merer des Reichs vnd kunig zu Beheim Bekennen vnd tun kunt offenlich mit disem brieff allen den die in sehen od(er) horen lesen daz wir fur vns alle vnsere erben den
hochgebornen Johansen Marggraffen zu Merhern vnsern lieben nefen die erwirdigen pilgram Erczbischoff zu salczpurg des bebstlichen stules legaten Albrechten Erczbischoff zu magdburg Albrechten
vnd Leupolden Herczogen in osterrich zu steyern vnd zu kernden vnd andere vnser helfer vnd diener mit wolbedachtem mute vnd mit recht wizzen eynen ewigen steten friede mit den hochgebornen
Otten Marggrauen zu Brandenburg Stephan dem eltern Stephan fridrich vnd Johansen seinen sunen Herczogen in Beyern vnsern wider sachen vnd allen iren erben getedingt vnd gemacht haben von
dem nehsten sand martins tage vntz vff pfingsten die schirest kunfftig sein vnd darnach vber ein ganczes Jar daryn sie den durchleuchtigen fursten her(r)n Ludwigen kunig zu Vngern als
iren helfern vnd auch ir helfer vnd diener genomen haben Vnd do geloben wir in guten trewen on geuerde den egen(anten) Marggraff Otten zu brand(enburg) Herczog Stephan den eltern Stephan frid
rich vnd Johansen seinen sunen vnd allen iren erben daz wir denselben fride in aller seiner meinungen behaldungen vnd formen gancz stete vnd vnvorrukt halden vnd haben wollen
in aller der mazze als hernach geschriben stet Ein dem ersten daz vnser key(ser)lichen leuten stete oder noch leute der marke zu Brandenburg zu dheiner huldunge twingen sol weder mit tedingen
noch mit sturmloufften noch sust in dheineweis vnd ob dieselben stete vnd lantsezzen der marke besunder oder besunder mit guten willen vmb twungen vnd vnbededingt suliche huldunge vns
vns(er)n wider sachen in thun den ersten liden seiten tun oder offinbaren wolten dieselbe huldunge sullen vnser dheinler an beidenseiten nicht offinbaren alle die weil vnd zceit als der egen(ante) fride wert
Sunder als Marggraff Otte der egen(ante) inwendig den zeiten des obgen(anten) frides so sol der egen(ante) fride genczlich absein vnd kein krafft haben liden seiten Darnach vmb die stete Muncheperg vnd sorge die
ignunt die hochgebornen vnser obn(anten) Marggrauen zu Merhern zu vnser des egen(anten) keysers vnd des Erczbischoffs zu magdburg getrewen henden in halden sullen wir es liden seiten also halden daz sie
alle die zeit vnd der egen(ante) fride wert in gewalt vnd henden der egen(anten) vnser obn(anten) der Marggrauen zu Merhern beleiben sullen Auch sullen alle Burger vnd Inwoner derselben stete in zeiten dessel
ben frides wandeln vff landen vnd vff strazzen in kauffmanschafften vnd allen iren notdorfften gleich den andern steten der marke zu Brandenburg vnd sol vnd mag man yn zu furen getreide
kost vnd alle notdorffte gleich andern steten vnd als vormals gewonlich gewesn ist Vnd sol pe(n)ne darin nymant hindern ane geuerde Darnach welche zeite der egen(ante) fride vzget oder ob es zu
sulichen schulden queme daz der egen(ante) Marggraff Otte zu Brandenburg inwendig den zeiten des egen(anten) frides storbe so sullen die egen(anten) vnser obn(anten) die Marggrauen zu Merhern die egen(anten) stete
Muncheperg vnd sorge vns dem egen(anten) keyser vnd vnsern erben vnd dem egen(anten) Erczbischoue zu magdburg oder seinen nachkomen oder wem wir daz empfelhen wider in antwurten in aller der
mazze als sie dieselben stete von vns dem egen(anten) keyser vnd dem Erczbischoff zu magdburg in genomen haben Mit vrkunt dicz brieus besigelt mit vnser keyserlichen maiestat Insigel der geben
ist zu pirn vff der elbe noch cristes geburt dreuczenhundert Jare darnach in dem eynvndsibenczigsten Jare an sant gallen tage vnser reiche in dem sechzehenden Jaren vnd des
keisertums in dem sibenczenden Jare Dorumb wir die egen(anten) lantleute vnd wir Burger der egen(anten) stete Guben vnd Luckaw mit wolbedachtem mute vnd eynerdrechtigen mit vnser gemein schaf
fte geloben alle gemeinlich vnd vnser yglicher besunder in guten trewen on alles geuerde vnd argelist den obgen(anten) her(r)n Otten Marggrauen zu Brandenburg her(r)n Stephan dem eltern her(r)n Stephan
her(r)n fridrich vnd her(r)n Johansen seinen sune Herczogen zu Beyern daz wir iren erben helfern vnd dienern dieselbe fryde in allen seinen punkten meiningen Artikeln vnd stukk(en) als er obnor von worte zu
worte begriffen ist von denselben vnsern her(r)n dem keyser seinen erben helfern vnd dienern genczlich stetklich vnd vnvorrukt sol behalden werden on alles geuerde Ausgenomen alleine des Arti
kels daryn man redet wie k(eyser)liche lantleute noch die stete der Marke in der zeit des frides zu dheiner huldunge nicht twingen noch dheine huldunge von yn nicht offnemen sulle da
fur wir nicht geloben wann der hochgeborn furste her(r) Johans Marggraff zu Merhern vnd die erwirdigen her(r)n der Erczbischoff zu prag vnd der Erczbischoff zu magdburg da fur mit iren
besund(er)n briefen gelobt haben Wer aber daz von den obgen(anten) vnsern her(r)n oder iren erben helfern vnd dienern dheinerley fridebruche an den obgen(anten) her(r)n den Marggrauen von Brandenburg her(r)n
Stephan dem eltern her(r)n Stephan her(r)n fridrichen vnd her(r)n Johansen seinen sunen Herczogen zu Beyern oder iren erben helfern vnd dienern geschehe vnd wir dorumb gemant wurden so sullen
wir die lantleute mit vnser selbes leiben vnd wir die vorgen(anten) stete vns(er)n bester schicker Irar sechs zu frankenfurt in die stat reiten vnd da einreite vnd gewonlich Inleger halden vnd leisten
als lang biz daz sulicher fridbruch vngertragen oder vnderkeret werde ane geuerde Vnd wer daz sache daz inwendig den zeiten des egen(anten) frides vnser der egen(anten) Burger eyner oder mer wann
eyner abgienge so geloben wir in guten trewen ane geuerde vnd bey den penen des vorgen(anten) Inlegers daz vnser egen(anten) her(r)n eynen andern oder mer wenn eynen die gleich gewiz vnd erberg
sein an des oder derselben stat seczen vnd geben sullen der oder die sich aller der egen(anten) vnser gelubde vorbinden mit iren briefen in aller der mazze als obnor begriffen ist Mit vrkunt dicz
brieus vorsigelt mit vnsern Insigeln der geben ist zu pirn vff der elbe noch cristes geburt dreuczenhundert Jare darnach in dem eynvndsibenczigsten Jare an sant gallen tage