Ich Hannus von Waldow bekenn vnd entbute offenlich mit disem briefe das ich dem alludurchluchtigsten fursten vnd
herren hrn Karl Romischem keis(er) zu alln czeitn mer(er) des reichs vnd kunicg zu Beheim meinem liebn gnedigen herren vnd seinen
erbn gelobt vnd verheissen habe gelobe vnd verheisse mit crafft dicz briefs zu dienen mit czwenczig gleuen vnd veder
gleuen sol habn czwen eynen gewapendn man vnd drey pfert vnd sol im die furen wo er in hin durffen wirdet vmb sulch
vnderscheide das dargegn mein h(er)r d(er) keis(er) mir gebn sol vf yeglich gleuen alle mande czwenczigk gulden od(er) souil
geldes so sich dofur geburet vnd uf veder gleuen mir besund(er) zu besserung meines soldes eynen gulden vnd den dinst
sol ich dem eegen(anten) meime herren dem keis(er) eyn sechs mend noch eynand(er) das sol er mir an weisen tun vnd lazzen nancz
vor Sand Johans tag des teuffers der do nest kunfftig ist beschehe ab(er) des nicht vnd das man mich nicht mante vor
Sand Johans tag so sol der erst sold mein sein recht als ich in vordienet hette wer ab(er) das ich gemanet wurde vor Sand
Johans tag so sol ich meinem herren dienen wo er hin wil mit dem volk als vorgeschribn stet In sulcher weize das man
mir allweg meinen sold eynen mend furgebn sol vnd den sol ich vordienen wer ab(er) das mein herren lenger die lenge
nicht durffen wurde so sol er mir gebn sold fur eyn halb mend zu vor als ob ich ouch vordiener hette vnd mag denn wol
mit demselbn sold wider von im cziehen ab(er) nicht zu seinen vynden noch zu den die wider jn weren Ouch glob ich an alle ar
ge das mein geselln noch jren keyner von mir cziehen noch komen sol es were denn das er gefangen od(er) krwuket wur
de od(er) sein nicht mocht zu komen mit dem solde so mag er von mir cziehen vnd sol in dyer wochen dornach meinem eegen(anten)
herren dem keis(er) noch den sinen uf keinen schaden sein vnd was ich ouch derkrigte derriet vnd gewinne das sol mein
sein vnd sol das meime vorgenant(en) h(er)ren vorkouffen vmb sein gelt vnd nyemand anders ob er es lozen vnd kouffen wil
so sol ich es ouch in der vynde hande nicht gebn noch vorkouffen vnd was ich ouch schaden neme des got nicht gebe den
sol ich selbn tragen vnd mein eegen(anter) h(er)r der keis(er) vnd sein erbn sulln von mir meinen geselln vnd dyenern dorumb
vngemant bleibn werent ouch ich thete gefangen die sulln mein lediclichn sein wurde ab(er) ich meine geselln vnd
dyener gefangen do got fur sey die sulln sich selbn ledigen vnd lozen czu vrkund dicz briefs vorsigelt mit meime
anhangendn Ingsigle gebn zu Wallwa am donstag noch dem Suntag Cantate Noch cristi geburt dreuczenhun
dirt Jar dornach in dem drey vnd sybenczigstem Jare