Wir Karl von gotes gnaden Romischer keiser zu allen zeiten merer des Reichs vnd kunig zu Beheim Bekennen vnd tun kunt offenlich mit disem briue allen den die yn sehen oder horent lesen Wann alle fursten geistliche vnd werntliche Grauen freyen dienstleute Ritte knechte vnd stete des furstentums
der marggraffschafft vnd marken zu Brandenburg Vns als eynem Romischen keiser furbracht vnd furgelegt habn Wie das sie durch ewigen frides bestetungen vnd befestungen willen die marken zu Brandenburg alle derselben marken lande stete slosse lute guter vnd zugehorungen die dor
mals lange zeit mit manigualtigem swerlichen orloge vorderbet vnd beschedigt ist Vnd die auch die durchleuchtigen Wenczlaw kunig zu Beheim marggraff zu Brandenburg vnd hertzog in lutzem(burg) Sigmund vnd Johans gebrude Vns(er) fursten vnd lieben sune mit des kunigreichs vnd
der Cronen zu Beheim erblichen landen stete guter vnd leutem gantz vormals von dem hochgebornen Otten hertzogen in Beyern zu den zeiten marggraffen zu Brandenburg irem Ohaim vnd von seinen brudern vnd vettern recht vnd redelichen gekaufft habn vnd der sie nuch als recht
fursten vnd marggrauen zu Brandenburg in gewerlichen lehenen nutz vnd in gewere siczen vnd seyn sich zu dem kunigreiche vnd lande zu Beheim der marggraffschafft zu lusitz den hertzogtumen zu Bresslaw zu der Swidnitz vnd zu dem Jawir vnd andern landen die zu dem selbn kunigreich
vnd der Cronen zu Beheim gehoren vnd disselb kunigreich sich hinwider in ewige eynunge vnd fast zu eyn vnd den selbigen Romischen Reiche getreulich gesatzt habn mit willen wissen gunst vnd volbort Vns(er) als eynes Romischen keisers obristen lehenherren des egenante(n)
furstentums vnd marken zu Brandenburg Vnd die vorgen(anten) fursten grauen freyen dienstleute Ritte knechte vnd stete den vorgen(anten) kunig Wenczlaw Sigmund vnd Johans gebrudern vnd allen andern iren brudern erben erbes erben vnd nachkomen die nu seyn vnd hernach geborn werd(en)
vnd ob die alle nicht weren dem hochgebornen Johansen marggrauen zu merhern Vns(er)m lieben bruder vnd fursten allen seinen erben erbes erben vnd nachkomen als marggrauen zu Brandenburg iren rechten obherren gelobt vnd gesworen haben das sie ewiklichen bei dem kunigreiche zu Beheim der
marggraffschafft zu lusitz den hertzogtumen zu Bresslaw zu der Swidnitz vnd zu dem Jawir vnd bei andern landen die zu dem kunigreiche zu Beheim gehoren ewiklichen bleiben sullen vnd wollen vnd sich dauon nymmer scheiden noch scheiden lassen durch dheinerley sachen oder stucken willen in
dheinerweis vnd furbaßmer ob es zu schulden queme das die vorgenan(ten) kunig Wenczlaw brude seyne oder ire erben oder vettern oder derselbn erben oder nachkomen die nu seyn oder in kunfftigen zeiten werden ire erbkherren marggrauen zu Brandenburg yn dheinen eyner oder mer sie die
obgenan(ten) fursten Grauen freyen dienstleute Ritte knechte vnd stete der marken zu Brandenburg oder dieselbn marken zu Brandenburg zumale oder derselbn marken eyn teile von dem kunigreiche zu Beheim vnd den landen die dorzu gehoren von dem kunige zu Beheim oder seinen brudern yn iren
erben vettern oder nachkomen die in zeiten yre erbkherren marggrauen zu Brandenburg seyn vnd werden des ab sie die marken zu Brandenburg eyn teil von dem lande derselbn marken zu Brandenburg vnd dem kunigreiche zu Beheim scheiden vorteilen vorkauffen vorsetzen vorwechseln oder
empfremden wolten scheiden vorteilen vorkauffen vorsetzen vorwechseln oder die empfremden in dheinerweis das keme die vorgen(anten) fursten Grauen freyen dienstleute Ritte knechte vnd stete der marken zu Brandenburg den oder den von erbkherren marggrauen zu Brandenburg die daz tun
wolten oder teten nichtes pflichtig oder vorbunden seyn sullen von huldungen wegen oder sust nach den oder die sie yre herren haben oder halden die weile das die nicht von sulchen sachen liessen vnd die widerteten Sunder sie sullen sich dem kunige zu Beheim vnd an ande(re) seyne
brude vettern erben vnd nachkomen die denne yre erbkherren marggrauen zu Brandenburg seyn oder werden vnd sulche scheidungen vorteilungen vorkauffungen vorsetzunge vorwechselunge oder empfremdunge nicht teten oder getun hetten Vntz an die zeit bis derselbe oder dieselben dauon gentz
lichen liessen oder das widertan hetten Vnd furbaßmer haben vns die vorgen(anten) fursten Grauen freyen dienstleute Ritte knechte vnd stete furbracht das sie gelobt vnd zu den heiligen gesworen haben fur sich ire erben nachkomen vnd stete ab es zu schulden kumpt das der vorgen(ante) kunig
Wenczlaw vnd seine brude vnd ir aller erben erbes erben vnd nachkomen kunige zu Beheim vnd marggrauen zu Brandenburg vnd auch der vorgenan(te) marggraff Johans von merhern seine erben erbes erben vnd nachkomen alle abesturben dz got fur sey das sie denne eynen iglich(en)
kunig von Beheim der denne in zeiten wirdet vnd ist vnd mit ym seyne erben vnd derselben erben erbes erben vnd nachkomen ewiklichen fur marggrauen zu Brandenburg yre rechten naturliche erbkherren vnd niemand anders haben vnd halden sullen vnd sich von ym iren erbn vnd
nachkomen kunigen zu Beheim dem kunigreiche zu Beheim seinen egen(anten) furstentumen hertzogtumen vnd auch von den landen die dorzu gehoren nicht scheiden noch scheiden lassen in dheinerweis Sunder das sie yn als yren rechten erbkherren getrewe gewere vnd gehorsam seyn sullen als das
alles in sulchen brieffen die doruber an beiden seiten geben seyn vollenkomenlicher ist begriffen Vnd wann auch die obgenan(ten) fursten Grauen freyen dienstleute Ritte knechte vnd stete fur sich yre erben vnd nachkomen off eyne seyten vnd die egenan(ten) Vns(er) sune kunig Wenczlaw Sigmund vnd
Johans fur sich ande(re) Vns(er)e vnd ire erbn vnd nachkomen vnd auch der vorgen(ante) Vns(er) bruder marggraff Johans von merhern fur sich seine erben vnd nachkomen off die andern seiten vns demutiklich gebeten haben das wir als eyn Romischer keiser obriste lehenherre des vorgenan(ten) furstentums
der marken zu Brandenburg doruff das dieselben marken yre lande vnd lute widervmb vnd in friede vnd rhuwe gesatzt werden mochten eyn Romisch(en) keis(er)lichen bestetunge ruchen zu tun vnd Vns(er)n merklichen keiserlichen vnd eigentlichen keiserlichen willen Wie gar swerlich vnd
grosslichen das egen(ante) furstentume der marken zu Brandenburg seyne lande lute vnd gute in vorgangenen zeiten von vnfried vnd kriege der stetclichen da gewesen ist vorderbet beschediget vnd vorwustet weren vnd noch furbaßmer beschediget vorwustet vnd vorderbet wurden ab sie ane mite
seling vnd hulffe der kunige vnd kunigreiche zu Beheim blieben vnd auch wie das manicherley herschafft stete lande slosse lute vnd gute dem selbn furstentume vnd der marken zu Brandenburg von vngesessenen kunigen fursten vnd herren bey namen den kunigen von Dennemarke
vnd von polan den hertzogen von sachsen vnd lunemburg dem ertzbischoue von magdeburg den hertzogen von Brunswig von stetyn von mekelmburg vnd den fursten von Anhalt eynes teils erblichen vnd ewiklichen vnd eynes teils zu pfantschafft vmb sulche grossen sumen gelts die diesel
ben land vnd lute kawme wert geseyn mochten abgebrochen abgedrungen vnd abgetrungen vnd das auch dasselbe furstentume vnd marken zu Brandenburg ane irrsalungen in schirm vnd hulffe des vorgenan(ten) kuniges vnd kunigreichs zu Beheim landen vnd leuten nit meher wid(er)
bracht werden mochten noch in gantzen steten friede gesatzt ewiklichen dauon wann die kunigreiche zu Beheim seyne furstentume vnd lande an manigen ortern mit de(n) egenan(ten) marken zu Brandenburg ane allerley andere fursten vnd herren lande vnderbescheide vnd in teile an einander
gemarken vnd stossen vnd wann auch scheynbarlichn offenbar wert das dieselbn marken zu Brandenburg derselbe kunig von Beheim mit seynen vnd seines kunigreichs zu Beheim erblichen landen leuten seynen vesten vnd auch merklichen grossen sumen bereites gelts gekaufft hette
vnd auch das der egenan(te) kunig von Beheim dieselbn marken zu Brandenburg die vil nach zumale vorderbet vnd vorweret was mit seines kunigreichs erblichen gelde vnd gute ytzund in kurtzer zeit merklichn vnd nutzlichn widervmb gesatzt vnd mit grosser hulffe fridlichen gemachet
hette vnd er auch dorin noch teglichen vnd fur sich selbs seynen fleisse vnd arbeit kerte vnd wirdet vnd haben vns auch fleisslichen geleret das in eygntlichen keiserlichen wahn so die heiligen Romischen Reiche nemeliche sulche furstentume off die dasselbe Reiche besitzet vnd gebawet ist mit sulch(en)
beswerungen eynmigen stete vnd gemache widervmb vnd gefridet werden das denne derselbn furstentume vorweser vnd fursten dem Romischen Reiche vnd desselbn reiches keisern vnd kunigen nutzlichen gemein vnd gehorsam mochten vnd bey namen off die rede das kunige vnd die kunigreich
zu Beheim sulche lande stete vnd vesten vnd auch merklichn gross sumen gelts die sie off die egen(anten) marken zu Brandenburg gewendt habn vnd noch teglichen doruff wenden mussen ane schaden blieben vnd die nicht vorloren das wir als eyn Romischer keiser alle sulche obgeschriben eynungen friden
vnd steten von keiserlicher macht geruchten bestetigen vnd zu setzeten Des habn wir eygntlichen betrachet sulche manigualtige vnd redeliche bete vnd auch offenbar notdurfft der egenan(ten) marken zu Brandenburg dorumb durch sulcher obgenan(ten) bete sachen vnd stucken willen die vns(er)n mut billichn
vnd redelichen beweget vnd darzu geneyget habn sunderlichen dem heiligen Romischen Reiche zu eren vnd wirden vnd off die rede das dieselben marken zu Brandenburg lande vnd vesten bei dem heiligen Romischen Reiche bleiben vnd nicht bei den egenan(ten) kunigen vnd kunigreichen in Dennemarken
vnd in polan die demselbn heiligen Romischen Reiche nichtes lehentic noch von ym halden wollen vnd auch das derselbn marken zu Brandenburg von den vnd andern vmbgesessenen fursten vnd herren furbas nicht mer abgebrochen vnd abgedrungen werde vnd bey namen auch durch ewigen
nutz friede vnd rhuwe des egenan(ten) furstentums der marken zu Brandenburg seiner lande vnd lute haben wir mit wolbedachtem mute rechter wissen vnd rate Vns(er)r vnd des Reiches fursten Grauen vnd getrewen die zu den zeiten bey vns waren die vorgeschriben eynungen vnd steten
als die off beiden seiten begriffen vnd geschehen seyn vnd auch alle vnd igliche brieffe die doruber geben seyn von worte zu worte bestetiget vnd beuestent bestetigen vnd beuestenen von keiserlicher macht volkomenheit mit crafft ditz briues vnd setzen vnd gebieten mit vns(er)r keiserlichen macht ewi
clichen das alle sulche obgenan(te) eynungen vnd steten als die in yren formen meynungen puncten vnd stucken begriffen seyn vnd auch alle vnd igliche brieffe die doruber an beiden seiten gemacht vnd geben seyn von worte zu worte als die begriffen seyn ewige crafft vnd macht habn sullen vnd das d(er)wid(er) niemad
getun muge oder sulle in dheinweis in welicherleye adel eren wirden oder wesen der sey vnd ob er auch in kuniglichen wirden were Vnd weres furba(s) das d(er)wid(er) iemand tete mit welicherley sachen das were das sol vntuglichen vnd vnkrifftig seyn vnd zu aller vnd iglicher obgeschriben sachen
vnd sulchen briuen die doruber geben seyn ewiklichen keyna leye schaden bringen War auch das in disen obgeschribenen sachen oder in disen gegenwertigen vns(er)n keiserlichen briefen oder in dheinen andern briefen die uber die vorgenan(ten) eynungen vnd steten gemacht vnd geben seyn dheinerleye gebrechen
were von vnwissenheit der worte von zweyffelhaftiger vnderweysunge der synnen vnd ob dheinerleye vorteile vnd freiheit die dorin gelassen gelassen weren oder sust vngeschen noch meynens den erfullen wir mit volkomenheit keiserlicher macht worte auch das dheinerleye keiserrecht die wir
oder vns(er) vorfarn Romische keiser oder kunige gemachet oder gesetzet hetten gewonheit ubungen behaldungen oder genitznes recht geistliche oder werntliche oder der stete oder sust heimlich oder offenbar vnd sunderliche gebot die gemacht seyn oder gemacht werden d(er)wid(er) weren oder den
egenan(ten) sachen dheinerley schaden bringen mochten So meynen gebieten setzen leutern vnd erclaren wir von rechter wissen mit crafft ditz briues vnd keiserlicher macht volkomenheit das sie vnkrifftig seyn sullen vnd widertruffen in derley vnd vormeiden dieselbn mit derselben vns(er)r keiserlicher macht
volkomenheit gleicherweis als ob sie von worte zu worte in disem briefe begriffen weren vnd ob sie auch durch recht oder gewonheit vorschriben seyn sullen so seyn sie in disem briue als verre sie den vorgenan(ten) sachen dheinen schaden bringen oder bringen mochten mit gemeiner dauon vorbieten wir
allermeniklich(en) die nymand dissen gegenwertigen brieff vns(er)r bestetungen gewaltes gesetze leuterungen erfullungen der gebrechen widertruffens vnd vormeidungen in dheinerweis vorrecke noch d(er)wid(er) tue Wer aber d(er)wid(er) freuelichen tete der sol in vns(er)r keiserlichen vngnaden swerlichen vorfalln
seyn vnd sol hundert mark lotiges goldes zu wandel pene besanden seyn die sullen halb in vns(er)r keiserlicher camer wirden vnd das ander teile sol an gefalln die sulches vnrecht leiden Des sint gezeuge der erwirdige ludewig ertzbischoue zu meintz des heiligen Romischen Reiches in teutschen
landen ertzkantzler der hochgebornen Wenczlaw hertzog von sachsen vnd von lunemburg desselbn Romischen Reiches ertzmarschalk kurfursten Vns(er) lieben oheimen die erwirdigen Johans ertzbischoff zu prage des pebstlichen stuls zu Rome legate Peter ertzbischoff zu magdeburg Johans zu olomutz
Vns(er)s keiserlichen hoffs cantzler Albrecht zum halberstat Gerhart zu hildensem friderich zu merseburg Albrecht zu halberstat peter zu lubus vnd dietrich zu Brandenburg bischoue die hochgebornen Albrecht hertzog von sachsen vnd von lunemburg friderich marggraff von meyssen Albrecht
hertzog von mekelmburg Ruprecht hertzog von lignitz vns(er) liebn oheimen Przimisl von tesschin Bogusla von stetyn heinrich von Brieg heinrich von sagan vnd heinrich von latowen hertzogen Vns(er) lieben swager vnd fursten die edeln Johans burggraue zu nurnberg vnd sune
zu hardeck heinrich von holstein Albrecht von tzypin bomar von Regensteyn Burchard von schroplow vnd otto von hademerslewen Grauen thist vnd Gerlach von hoenloch wedeke vogt von Berge peter gast Benesch vnd Wenczlaw von Wartenberg thim von colditz vns(er) von fressin
vnd Johans von rosenberg bohmisch von starnberg Jesko von steynhulben potho von czastolowitz Johans von kothbus Bernhart von strel Johans vnd vlrich von Bibersteyn vnd ander viel vns(er)r vnd des Reiches liebn getrewen Mit vrkund ditz briues versigelt mit vns(er)r keiser
lichen maiestat Ingesigel Der geben ist zu tangermunde nach cristus geburt dreytzenhundert Jare vnd darnach in dem vier vnd siebentzigistem Jare an sainte peters vnd pauels tag der heilige(n) zwelffboten Vns(er)r Reiche in dem acht vnd zwentzigistem vnd des keisertums in dem eylfften
sten Jare