Wir Johans genant Sobieslaw des hochgeborn fursten her(r)n Johansen marggrauen
zu merhern Son Bekennen offenlich mit disem briene, Wanne der Allerdurch=
leuchtigiste furste vnd herre her Karl Romischer keiser zu allen zeiten merer
des Reichs vnd kunig zu Behem vnser lieber gnediger herre vnd vatter vns
vor allen sulichen schulden die wir in der stat zu prage vnd vff dem lande schul=
dig gewesen seyn, geczlichn vnd allersachen geloset hat, Vnd mitnamen fur
vns Newnczenhundert schok Newnvndsechczig schok vnd funf grosse, an be=
reitem gelde beczalet hat, deuon mit wolbedachtem mute rechter wissen vnd anste
dig brieffe Sagen vnd lassen wir den egenante(n) vnser(n) h(er)ren den kaiser vnd seine
Erben kunige zu Behem genczlichen vnd gar quit ledig vnd los mit vrkund
diz brieffs versigelt mit vnserm anhangenden Insigel Geben zu prage Nach
Cristi gepurt Dreiczenhundert Jare, dornach in dem funfondsibenczigiste(n) Jare
an sainte procss vnd martinian tage.