Dem allerdurchleuchtigsten fursten vnd h(er)ren h(er)rn Wenczeslaw Romischem kunig zu all(e)n
Zeiten mer(er) des Reichs vnd chunig zu Beheim(e) (et)c(etera) vns(er)m genedigen h(er)ren Enbieten
wir h(er)tzog Stephan vnd h(er)tzog fridrich gebruder phallentzgrauen bey Rein vnd h(er)tzogen
in Bayr(e)n (et)c(etera) vns(er) willig vndtanig dienst Genadig(er) h(er)r vmb die zehen tausent guld(en)
die ir vns schuldig seit vnd vns bezalt solt haben auf sand Jorgen tag der nachst
vergangen ist Biten wir ew(er) genad mit allem vleizz vnd ernst daz ir die
egenanten zehen tausent gulden von vns(er)n wegen gebent vnd auch bezalent
Jahsen dem Jaglein vns(er)m wirt zu Nurenberg oder wem er ez beuilht
ein zu nemen Vnd wenn ir dasselb also getan habt So sagen wir
ew vnd ew(er) erben vmb die abgenanten zehen tausent gulden die ir vns
schuldig seit gewesen von den hundert tausent gulden zu zins von dem nachsten
vergangen sant Jorgen tag mit disem brief quit ledig vnd loz Vnd des
zu vrchund geben wir ew disen brief mit vns(er) baid(er) anhangenden Ingesigeln versigelt(e)n
Der geben ist zu Nurenberg an aintwochen nach sand michaels tag Anno
domini millesimo Trecentesimo Octuagesimo tertio