Wir Wenczlaw von gotes gnaden Romischer kunig zu allen czeiten merer des Reichs vnd kunig zu Beheim Bekennen vnd tun kunt offenlichen mit
disem brife allen den die jn sehen oder horen lesen das fur vns komen ist der Edel Otte von Jleburg wendes von genant vnser liber getrewer vnd
legte vns fur wie das er von seinselbes vnd ouch seiner Gebruder wegen mit irer voller macht vnd guten willen iren teile an der vesten vnd
Stat Jleburg mit aller herschaft manschaft lehenschaft lehenluten kirchlehen geleiten czollen dorffern mulen czinsen renten welden puschen
wisen Gerichten wassern wasserlauffen fischereyen vnd mit namen mit dem weissen koren vnd dem See Teltaw genant vnd allen andern iren
czugehorungen wie die genant vnd wo die gelegen seyn nichtes aufgenomen als sie die bis her jnnegehat vnd besessen haben die von vns vnd
der Cronen zu beheim zu lehen ruren den Edlen Sigmunden vnd wenczlawen vnd andern iren gebrudern von koldicz vnsern liben getrewen
vmb ein genante summen geldes die sie jm gentzlichen bezalet haben redlichen vnd recht erblichen vorkauffet habe Als das desselben Otten vnd
seiner Gebruder brife die sie jn doruber geben haben wol aussagen vnd liesse ouch vns vff dieselben guter vnd bate vns mit fleisse das wir als ein ku
nig zu Beheim zu solchem kauffe vnsern gunst vnd guten willen zugeben vnd den egenan(ten) Gebrudern von koldicz dieselben guter zudorleihen gnedi
clichen geruchten des haben wir angesehen desselben Otten redliche bete vnd ouch dinste vnd trewe der egenanten von koldicz die sie vnd ir vater se
liger vnsm vater seligen vnd vns oft nuczlichen vnd williclichen getan haben sie vns noch teglichen tun vnd furbas tun sollen vnd mogen in kunftign
czeiten vnd haben dorumb mit wolbedachtem mute vnd gutem rate vnsere fursten Edlen vnd getrewen zu dem vorgenanten kauffe vnser gunst
vnd guten willen gegeben vnd den egenanten Gebrudern von koldicz vnd iren Erben dasselbe teil der vesten vnd Stat Jleburg mitsampt andn iren
teilen die sie vormals doran gehabt haben vnd die ir vater von der egenanten von Jleburg vetter redlichen vnd recht gekauffet hat die ouch von vns
vnd der Cronen zu beheim zulehen ruren mit aller herschaft manschaft lehenschaft lehenluten kirchlehen geleiten czollen dorffern czinsen renten Gerich
ten welden puschen teichen mulen wassern wasserlauffen fischereyen wisen wismaten weiden vnd mit namen mit dem weissen koren vnd mit dem
See Teltaw genant vnd allen andern iren zugehorungen wie die mit sunderlichen worten genant vnd wo die gelegen seyn nichtes vsgenomen
gnediclichen vorlihen vnd gereicht leihen vnd reichen jn die mit kraft diz brifes rechter wiffen vnd kuniclicher macht zu beheim von vns vnd
der Cronen zu beheim zu rechtem edlen lehen zuhaben zuhalden vnd ewiclichen zubeficzen von allermeniclichen vngehindert vnschedlichen
doch vns vnd der Cronen des kunigriches zu Beheim an vnsern dinsten vnd rechten die vns douon geburen vnd sust allermeniclichen an iren
rechten mit vrkunt diz brifes vorsigelt mit vnserr kuniclichen maiestat jnsigel Geben zum Bungleins noch Crists geburt dreiczehenhundert
Jar vnd dornach in dem Sechsundachczigisten Jare des nechsten mantags noch sand veyts tag vnserr Reiche des Behemischen in dem dreyvnd
czwenczigisten vnd des Romischen in dem Czehenden Jaren