Ich Friczke von Schonburg genant von Hassenstein Bekenne fur mich meine Bruder vnd vnsere erben vnd tue kund offenlich mit diesem brief allen
den die In sehen oder horen lesen Wann der Allerdurchluchtigste furste vnd herre her Wenczlaw Romische kunig zu allen zeiten merer des Reichs vnd
kunig zu Beheim mein liber gnediger herre die vesten Hassenstein mit iren zugehorungen die von alter zu der Cronen zu Beheim gehoret
hat vnd lehen ist die er yczund jnnegehabt vnd besessen hat von besundern gnaden mir vndergeben vnd der abgetreten hat darumb
wolbedachtem mute Rate meyner frunde vnd von rechter wissen So hab ich fur mich vnd die egen(anten) meyne bruder vnd vnse erben gelobt vnd
verheissen gelobe vnd verheisse in kraft dicz briefs das die egenan(te) vesten Hassenstein dem obgenan(ten) meynem herren dem kunig vnd seinen
rechten leibes erben kunigen zu Beheim ob er die gelibinne zu allen iren notdurfften offen slos sein sol also das sie sich gen allermeniclich
nymandes vszgenomen als offt sich das geburet vnd In des not geschicht draus vnd darein behelffen vnd iren nucze vnd frumen schaffen
mogen doch an vnsere redliche koste vnd schaden Vnd sullen ouch ich vnd die egenan(ten) meine bruder dem egenan(ten) vnserm herren dem kunig vnd
seinen obgenanten leibes erben kunigen zu Beheim mit achen glesen zu dinste bereit sein wenne wir das von In oder von iren wegen ermanet
werden doch also bescheidenlichen weres das ich vnd die egenan(ten) meine bruder in die vnsern in sulchen iren dinste dheine redliche schaden neme
vnd empfingen die kintlichen weren das sie vns die genczlichen vsrichten vnd bezalen sullen Vnd weres sache das der egenan(te) mein herre der
kunig an leibes erben abginge do got fur sey So sullen wir seinen Nachkomen kunigen zu Beheim mit sulchen dinsten nicht pflichtig
noch dasselbe vnser hawsse offen sein Sunder alleine zu der Cronen zu Beheim gehoren vnd lehen sein als es von alter drzu gehort vnd lehen
gewesen ist Vnd haben ouch mit sampt mir die Edlen herren Borsse der elter vnd Borsse der Junger von Ryzemburg heinrich von plawen
weyte von slauchaw Sigmund von kremschow Reusse von Smolen vnd Ernste von Schonburg gelobt vnd verheissen das alle obge
schribne stucke dem obgen(anten) vnserm herren dem kunige vnd seinen rechten leibes erben kunigen zu Beheim von vns vnd vnsern erben stete
vnd vnuerruckt gehalden sullen werden Vnd wir vorgen(anten) Burgen Bekennen offenlich mit diesem brief das wir durch bete willen des
obgenan(ten) friczen von Schonburg mit sampt Jm dem obgenan(ten) vnserm herren dem kunig gelobt vnd verheissen haben geloben vnd verheissen
in kraft dicz briefes das alle obgeschriben stucke von dem obgen(anten) friczen seinen brudern vnd iren erben genczlichen gehalden vnd volfirt werd(en)
sullen Vnd weres sache das die obgeschriben Artickeln oder ir einer dem egen(anten) vnserm herren dem kunig oder seinen leibes erben von dem vorgen(anten)
friczen von Schonburg seinen brudern oder iren erben nicht gehalden vnd volfirt wurden des wir nicht hoffen So sullen vnd geloben
wir vorgenan(ten) Burgen das wir zu stund so wir denn von des egenan(ten) vnsers herren des kunigs wegen gemanet werden vnser iglicher einc
echten Ritter oder knechte an vnser stat mit elben knechten vnd dreien pferden in ein erbere herberg in die Stat zu prage die
vns geWeiset wirdet senden die daselbst ein gellonliches einleger leisten sullen vnd draus nicht komen es sey denn des egen(anten) vnsers herren
des kuniges willen oder so lange bis der egen(ante) Friczke vnd seine bruder sulche obgeschriben Artikel genczlichen halden vnd volfuren
Vnd des zu vrkund haben wir vorgenan(ten) Borsse der elter Borsse der Junger heinrich von plawen weyte von slauchaw Sigmund
von kremschow Reusse von Smolen vnd Ernste von Schonburg vnser Jnsigele mit sampt des egen(anten) friczen Jnsigel an disen brief
gehangen der geben ist zu prage noch crists geburt dreyczenhundert Jar vnd dornach in dem vier vnd newnczigisten Jaren an
sand Thomas tage des heiligen Czwelffboten