Wir Wenczlaw von gotes gnaden Romischer kunig zu allen czeiten merer des reichs vnd kunig zu Beheim bekennen vnd tun kunt
offenlich mit disem briue allen den die jn sehen oder horen lesen das wir haben angesehen sulche dinste vnd trewe als vns die
Edlen Wenczlaw Albrecht Tyme vnd Jurge von Coldicz gebrudere vnsere liben getrewen ofte vnd dicke nuczlich vnd williglich
erczeigt vnd getan haben teglich tun vnd furbas tun sullen vnd mugen in kunftigen czeiten vnd haben jn dorumb mit wolbe
dachtem mute gutem rate vnd rechter wissen diese besunder gnade getan vnd tun jn ouch die in craft dicz briues vnd kuniglich(er)
machte zu Beheim weres sachen das sich die egen(anten) brudere mit sulichen gutern die sie von vns vnd der cronen zu Beheim hab(e)n
teilen wurden vnd einer oder mere dornach an eliches leibes erben sturbe oder abginge das denn dieselben gute mit allen
iren zugehorungen an die andern die do lebendig bleiben vnd ire erben kumen vnd gefallen sullen vnd meinen seczen vnd wol
len das sie dieselben gute von vns vnd der cronen zu Beheim in gesampter lehen haben halden vnd gerublichen besiczen sul
len vnd mugen von allermenniglich vngehindert gleicherweis als ab sie sich nicht teilen noch teilen wurden mit vrkunt
dicz briues vorsigelt mit vnser kuniglichen maiestat jnsigel Geben zum Karlstein noch Cristes geburte dreiczenhundert
jare vnd dornach in dem funffvndnewnczigisten jare des montages noch dem Sontag Cantate vnser reiche des Behemi
schen in dem czweyvnddreissigisten vnd des Romischen in dem Newnczhenden jaren

p(er) d(ominum) Jo(hannem) ducem Gorlicen(sem)