Ich hubart herr zu Elter trugseff des herzogtumes zu Luczemburg Bekenne vnd tun kunt offenlich
mit disem briue fur mich vnd meine erben allen den die In sehen oder horen lesen Als der Allerdurchleuch
tigist furst vnd herre herr Wenczlaw von gotes gnaden der Romische kunig zu allen czeiten merer des
Reichs vnd kunig zu Beheim mein gnediger herre mir sein Slosse Welschefels mit dem Stetcl darun
der gelegen vnd allen and(er)n seinen zugehorungen gnediclichen beuolhen hat funf gancze Jare noch
einander zuzelen zuhaben zuhalden vnd zugeniessen an alles widerruffen vnd darnach bis vff sein
widerruffen Als das soliche seiner maiestat briue die er mir daruber geben hat eygentlichen vswiszen
Also gelobe ich vor mich vnd dieselben mein erben in guten trewen an eyds stat vnd an alle geuerde
wenn mich oder meine erben vnd nachkomen der eygen mein h(er)r der kunig oder seine erben vnd nach
komen des ermanet noch den eygen funf Jaren der eygen seiner vesten mitsampt dem Stetcl darund(er)
gelegen vnd and(er) seiner zugehorunge abzutreten ane alle widerrede vnd bezoge Mit vrkunt dicz bri
ues besigelt mit meinem anhangenden Insigel Geben zu prage noch Criste geburt dreiczehenhund(er)t
vnd darnach in dem Sechsundneunczigisten Jare des mantags noch sand Remigy tag