Wir Wenczlaw von gotes gnaden Romischer kunig zu allen czeiten merer des Reichs vnd kunig zu Beheim Bekennen vnd tun kunt offenlichen
mit disem briue allen den die In sehen oder horen lezen das wir haben angesehen solche aneme dinste vnd trewe als vns der Edel hinczik pflug vnser Ra
te vnd liber getrewer ofte vnd dicke nuczlichen vnd williclichen getan hat teglichen tut vnd furbas tun sol vnd mage in kunftigen czeiten vnd haben dorumb
mit wolbedachtem mute gutem rate vnd rechter wissen In vnd seinen erben vnsere pflege vnd vesten zum Storenstein ober walt mitsampt der Stat
Newenstat mit Gerichten Czollen Mautten mulen welden puschen wassern fischereyen Eckern wizen brunnen weyden vnd sust allen andern iren
czugehorungen nichtes vsgenomen wie man die mit sunderlichen worten benennen mage als er sie yczunt von vnsern wegen ynneheldet vmb czweitawsent
Schok grosser Prager munge die wir In rechte vnd redlichen schuldig sein versetzet vnd verpfendet versetzen vnd verpfenden In die in kraft dicz briues vnd
kuniglicher mechte zu Beheim Also das er die egenante pflege mit allen vnd yglichen iren zugehorungen seine lebtage vnd dornoch seine Erben fur die ege
nanten Czweitawsent Schok grosser in pfandesweize ynnehaben halden besiczen vnd der genyessen sollen vnd mogen von allermeniclichen vngehindert.
Vnd wann wir oder vnsere Erben vnd Nachkomen kunige zu Beheim die egenante pflege vnd vesten zum Storenstein von seinen Erben wider haben
wollen So sollen wir In zuboran die egenan(ten) Czweitawsent Schok grosser genczlichen vnd gar richten vnd bezalen vnd wenn sie der bezalet sein So sol
len sie vns ouch der egenan(ten) vnsere pflege vnd vesten zu Storenstein mit allen iren zugehorungen von stadan abtreten vnd vns die lediclichen wider ein
antwurten angenuide an alles verziehen vnd hindernusse Ouch so sol die egenante vesten Storenstein mit allen vnd iglichen iren zugehorungen vnd
mitnamen der Stat zur Newenstat vnser offene Sloffe sein So das wir vns vnd vnsere Amptlute von vnsern wegen wider alle vnsere veynde dorus vnd
dorein zu vnsern notdurften behelffen mogen an hindernusse vnd widerrede Ouch so sol vns der egenan(te) hinczik pflug seine lebtage vnd dornoch seine
Erben von der egenan(ten) pflege vnd vesten Storenstein als lang als wir die von denselben seinen erben fur die egenan(ten) Czweitawsent Schok grosser nicht
lozen mit Czehen spissen als ofte wir des an In begern vnd des von vnsern wegen ermanet werden vf vnsere koste vnd scheden dyenen an alle wider
rede vnd saumpnusse die wir In ouch als ofte sie vns dyenen werden genczlichen richten sollen vnd wer es sachen das wir In solche koste vnd scheden
die sie in vnserm dinste empfahen vnd die sie redlichen beweisen mogen nicht bezalten So sollen sie vns zu dem and(er)n male wenn sie des von vnsern
wegen ermonet werden nicht dyenen es sey dann das wir In die egenan(ten) koste vnd scheden die sie in vnserm dinste empfangen haben genczlichen ge
richtet vnd bezalet haben Sunderlichen wer ouch sachen das der egenan(te) hinczik vnd seine Erben furbasmer vf die egenan(ten) vnsere vesten zum Storen
stein ichtes von gebewdes wegen legen wurden das sie redlichen beweisen mogen das slahen wir In ouch vff die egenan(ten) Czweitawsent schok grosser vnd
sollen ouch wir vnsere erben vnd Nachkomen kunige zu Beheim In dasselbe mit denselben Czweitawsent Schokken grosser genczlichen vnd gar richten
vnd bezalen Mit vrkunt dicz briues versigelt mit vns(er) kuniglichen Maiestat Insigel Geben zu Prage noch Cristes geburt dreyczenhundert Jare
vnd dornoch in dem Sechsundnewnczigisten Jaren des donerstayes noch des heiligen Cristes tage vns(er) Reiche des Behemischen in dem dreyvnd
dreissigisten vnd des Romischen in dem Czwenczigisten Jaren.