Wir Wenczlaw von gotes gnaden Romischer kunig zu allen czeiten merer des Reichs vnd kunig zu Behem Bekennen vnd
tun kunt offenlichen mit disem briue allen den die In sehen oder horen lezen wann heincze von kawffung vnser liber getrewer
Bns zu dinste vnd zu vnsern notdurften volk gefurt vnd gehalden hat vnd wir Im durch sulcher dinste vnd ouch scheden willen
die er mit sulchem volke in vnserm dinste empfangen hat schuldig beleiben vnd beczalen sollen mitnamen Sibenhundert
gulden dauon mit wolbedachtem mute vnd recht wissin so globn wir demselben heinczen in guten trewen an geuerde das
wir Im die egenan(ten) Sibenhundert gulden vf die nehstkomenden Weynachten genczlichen vnd gar richten vnd beczalen
wollen an argelist vnd alles vorzihen Vnd weres sache das der egen(ant) heincze von vns dhenerley briue uber sulche seine
scheden vnd schulde hette die widerruffen wir Vnd meinen seczen vnd wollen in craft dicz briues das die vntuglich sein
Vnd furbas keine crafft noch macht haben sollen Mit vrkunt dicz briues vorsigelt mit vnser kuniglichen maiestat
Insigel Geben vff dem Berge zun Chutten nach Cristi geburt driczenhundert Iar vnd dornach in dem ersten Iare des
mitwochen nach sand lucas ewangelisten tage Vnser Reiche des Behemischen in dem Newnvnddreissigisten vnd des
Romischen in dem Sechsvndzweinczigisten Iaren

Per d(ominum) W(enceslaum) patriarch(am) Anth(iochenum) Cancell(arium)
Wenceslaus Archid(iaconus) Bechinen(sis)