Wir Johans von gotes gnaden Burggraff zu Nuremberge Bekennen vnd tun kunt offenlich mit disem briue allen den die jn sehen oder
horen lesen fur vns alle vnse Erben vnd nachkom(en) wie wol das ist das der allerdurchleuchtigiste furste vnd h(er)re h(er)re Wenczlaw Romischer kunig
zu allen czeiten merer des Reichs vnd kunig zu Beheim vnser liber gnediger herre vns vnd vns(er)n Erben sein Slosse vnd huse Beheimstein
genant mit dem Stetlen pegnicz dorunder gelegen mit der Alden Stat vnd and(er)n seinen zugehorungen erblichen gegeben hat als das alles
seine kunigliche maiestat briue die wir von jm doruber haben wol vsweysen ydoch so haben wir mit wolbedachtem mute gutem vorrate dem egen(anten)
vns(er)m gnedigen herren kunig Wenczlawen vnd allen seinen nachkom(en) kunigen vnd der Cron zu Beheim fur vns vnse Erben vnd alle vnse
nachkom(en) Burggrafen zu nuremb(er)ge gelobt geredet vnd vorheissen geloben gereden vnd vorheissen jn mit craft di(s) briues bey vns(er)n furstlichen
worten vnd guten trewen vsgeslossen alles boses geu(er)de das wir vnse Erben vnd nachkom(en) Burggrafen zu nuremb(er)ge vns mit dem egen(anten) briue den
vns der obgenan(te) vnser gnediger herre der kunig h(er)re Wenczlaw vber das egen(ante) sein Sloss vnd huse Beheimstein mit seinen zugehorungen als
vorgeschriben stet erblichen zuhaben gegeben hat wider denselben herrn Wenczlawen sein nachkom(en) kunigen vnd die Cron zu Beheim nicht
behelffen in dheine(r)leis noch sie domite furbasme als von des egen(anten) Slosses wegen Beheimstein vnd seinen zugehorungen heimlich oder offen
bar vor kunigen fursten geistlichen oder werntlichen in gerichte oder vswendig gerichtes in erbschaft weyse ansprechen noch beteydingen in
dheine(r)leis Sunder von vorczeyhen doruff genczlich vnd gar mit craft di(s) briues vnd rechter wissen also das wir derselben briue in
dheinen steten nicht genyessen noch gebrauchen sollen noch wollen zu Erbschaft des egen(anten) Slosses vnd huses Beheimstein mit seinen zu
gehorungen als vorgeschriben steet ab sie ymer zutichte qwemen an alles geu(er)de vnd argelist dem egen(anten) vns(er)m h(er)ren kunig Wenczlawen seinen
nachkomen kunigen vnd der Cron zu Beheim zu schaden vnd sagen ouch doruff alle manne vnd vndersessen die zu dem egen(anten) Slosse vnd huse
Beheimstein gehoren aller erbhuldunge vnd gelubde die sie vns vff den egen(anten) vnse gnedigen h(er)ren herrn Wenczlaw(s) briue als von des
egen(anten) Slosses vnd huses Beheimstein vnd seinen zugehorungen getan haben fur vns alle vnse erben vnd nachkom(en) Burgg(ra)fen zu nuremb(er)ge
genczlich vnd gar qweit ledig vnd loze vnd wir sollen noch wollen sie ouch dorumb furbasme zuelbigen czeiten nicht anlangen bekumern
noch anteydingen heimlich oder offenbar an alles geu(er)de vnd argelist Ouch wenn der egenante herr Wenczlaw vnd seine nachkomen
kunige zu Beheim das egen(ante) Sloss vnd huse Beheimstein mit seinen zugehorungen als die in des egen(anten) vnse gnedigen h(er)ren kunig Wencz
law(s) briuen mit besund(er)n worten benant vnd geschriben sind von vns widerhaben wollen So sollen vnd wollen wir jn des abtreten vnd
das an alles widersprechen wideremantworte(n) als balde wir des von jm oder von wen wegen ermanet werden vnd jn ouch dhein gelt
slahen noch schaden rathen in dheine(r)leis Doch so sollen sie vns sulche sumen geltes dorumb vns das egen(ante) Sloss vnd huse Beheimstein
mit seinen zugehorungen Borzyboy von Swynar vngegeben hat zuboran genczlichen vnd gar entrichten vnd bezalen als die in desselben
Borzyboyes briue den wir von jm doruber haben geschriben steet vnd benant ist vnd das die obgen(anten) stucke von vns vns(er)n Erben vnd nach
komen Burgg(ra)fen zu nuremb(er)ge stete gancze vnd vnvorruckt gehalden werden So haben wir obgen(anter) Burggraff Johans vnser jnsigel an disen
brieff mit vns(er)m gutem willen vnd wissen zu vrkunt vnd sicherheit lassen hengen der geben ist zu Brieg nach Criste geburt virczehenhund(er)t
Jar vnd dornach in dem and(er)n Jare an vns(er) frawen tage purificacio(n)is