Wir Wenczlaw von gotes gnaden Romischer kunig zu allen czeiten merer des Reichs vnd kunig
zu Behem Bekennen vnd tun kunt offenlich mit disem brief allen den die In sehen oder horen lesen
Das Wir haben angesehen nucze vnd stete dinste als vns Heinrich von Seydlicz anders von La-
sen vnd Janko von Welemisl vnse chmrer vnd liben getrewen bis her vnuerdrossenlich getan
haben vnd furbas tun sollen vnd mugen in kunftigen czeiten Vnd haben In dorumb mit wolbe-
dachtem mute guten Rate vnd rechter wissen das lantgeschoß in dem Weichbilde zu der Lantz
hut gelegen mit allen nuczen czinsen Renten gefellen vnd czugehorungen gnediclichen gege-
ben haben vnd geben In das in craft dicz briefs vnd kuniglicher macht zu Behem Also das
sie dasselb Lantgeschoß vf sant Mertins tag der schierist kumpt anzuheben einnemen vfheben
vnd das von vnser wegen ynnehaben vnd des geniessen vnd gebruchen sollen vnd mugen In
aller der masse als Wir das Jerlichen einnemen vnd vfheben mochten vnd als Wir es bis her
ynnegehabt haben von allermennlich vngehindert Mit vrkund dicz briefs vsigelt mit vnsim
Anhangund Insigel Geben zu Brienn Nach Criste geburt Virczehenhundert Jare vnd dornach
in dem dritten Jare des nechsten Freytags vor sant Mertins tage vnser Reiche des Behemischin
in dem Einvndvirczigsten vnd des Romischen in dem Achtvndzwenczigsten Jaren
Rex per se