In gots Namen Amen. Wir Johans von gotes genaden chunig ze Beheim und ze Polan und Graf ze Luemburch tun chunt und tun ze wizzen allen den die disen brief sehent
lesent oder horent lesen daz wir mit bedachtem mut mit unserm guten willen mit unsers gancz rat mit dem hochgeborn fursten h(er)n Boleslawen Herczogen von Slez und h(er)n ze Lygnicz
umb alle brüche und chrieg die zwischen uns und im von siner brüder wegen h(er)n Hainrichs und h(er)n Ulrichen Herczogen von Slez und herren von Brecsl bis her gewest haben umb
daz lant ze Lygnicz burk und stat Haynow burk und stat Boleslaw die stat Chozenow die burk und swaz dar zu gehort gesünet geaynet und entschaiden bruderlich
sin also daz wir im sinen erben und nachkomeling die selben und alle andere ire aygen lant die er von sinem vater erbt und nachkomeling namen und mit willen
und unbetwungen auf geben hat und unser unser erben und nachkomeling chunigen von Beheim und ouch unsers richs ze Beheim lehen da von worden ist hie sam vor
satzt oder unversatzt wo sie die haben ussert leut d(a)r uf sitzent oder noch dort gesessen und die sie noch gewinnen swa sie die gewinnen verlihen haben ze ainem rechten
erblehen die selben lant sint benant Lygnicz burk und stat Haynow burk und stat Boleslaw die stat Chozenow die burk Brieg burk und stat Nampesl burk
und stat Olow die stat Grotkow die stat Nemzlin burk und stat Stolpen burk und stat Crungeburch burk und stat Lantsperch Wyesenburk und Biczin mit wald
vischen der selben bürge und stete und swaz dar zu gehort lant gut und leut ez sei verlehent oder unverlehent mit allen rechten nutzkeit und nuczen als sie von
alter und irn eltern an sie komen und pracht sint und gelob wir mit uns(er)n triwen an alle arge list von uns(er)n uns(er) erben und nachkomeling wegen und maine
die egenanten uns(er) swager sin erben und nachkomeling ze schirmen und behalten gegen aller mennchlich bei allen irn rechten und bie aller vreiheit in welicher weis daz an sie
komen und pracht ist von iren vorfarn und nicht an(der)s ez sie an gantschaft gulde zinsen zollen gerichten dem obersten und dem nidersten in bürgen staten dörfern
und uf den landen allenthalbn besunderlich an walde silb(er)r a(r)cz e(r)cz oder swie daz ercz genant sei münczen pfaffen clöster chaufleuten burchlehen Juden oder wilekür
swar an daz leit Also daz die egenanten unser swager sin erben und nachkomeling mügen vrielich an alle irrung und urlawp brechen und bowen new ob alte veste
swa sie des gelustet iren landen ze frume und ze gut Ouch daz sie iren burchlehen leut mit den vorgenanten uns(er)n swager sinen erben od(er) nachkomeling
od(er) sie selbe mit irn egenanten a(m)tman der nach od(er) ietzunt icht haben ze richten oder ze sachen der umb sulle wir uns nicht an nemen sunder ob den selben irn a(m)tman
von im unrecht recht geschech oder nicht recht geschehen mücht vor irn a(m)tman da sullen der oftgenant unser swager sin erben und nachkomeling vor uns uns(er)n
erben und nachkomeling oder swem wir daz ze sam irn genozzen recht gebn und nemen Hat ouch er a(m)tman ainer od(er) mer gut von uns und ouch von im da
sol unser gut vor uns verantwurten und daz er von im hat da sol der umb an ant vor im und iren a(m)tman und nindert anderswa wer aber daz ander leut
die ir genozze nicht wern noch ir a(m)tman mit im uns(er)n swager sinen erben oder nachkomeling icht heten ze sachen und schult gut oder eyn and(er)n sachen swi daz
sei dar umb sulle wir uns nicht an nemen die weil sie nicht biten zeug vor iren a(m)tman Hette aber den selbn da von im nicht recht geschehen so mügen
sie sich vor uns beruffen und ir recht ervolgen und umb alle sache da umb sie vor uns warden geladen oder beruffen sulle wir in seczen ze richter irn genozzen
ob wir sie selber nicht leicht wern ze horen und das sullen sie nicht vorder antwurten wanne in dem lande ze Brecsl oder daz ir genozze ainer oder mer
sie uns(er) swager sin erben oder nachkomeling heten ze chlagen die mügen sie wol vor uns betagen und den sullen sie volgen vor uns wo wir sein in Beheim
oder in Polan Ouch sol man ire leut ritter chnecht oder chaufleut und swie sie genant sein umb der selbn unsers swagers od(er) siner erben und nachko
meling schult oder gelt nicht bekümern noch uf halden in uns(er)n landen stete dörfer oder vesten Aber irn bürgen mag man wol zu sprechen mit ainem
recht swa man die vindet in den egeschriben uns(er)n landen Ouch sullen unser swager sin erben und nachkomeling nach iren lehen ze enpfahen uns
unser erben oder nachkomeling nicht fürbas suchen wenne in dem chunigrich ze Beheim Ez ist auch gemaht ob der oftgenant unser swager sin erben
oder nachkomeling etliche irer stet oder gewichenheit vesten von nöten oder ander sachen verkouffen od(er) versetzen mügen daz sie sullen die selbe stet od(er) veste
uns uns(er)n erben und nachkomeling des ersten anbicten und ob wir sie denne nicht kouffen noch enlösen umb daz gut da sie ein ander a(m)tman umb kouffen
oder lösen wolt so mügen sie ainem and(er)n iren genozzen oder ainem sugelichen manne die stet oder vesten verkouffen oder versetzen und swer si kouffet
oder ze pfande in nimt der sol sie von uns uns(er)n erben und nachkomeling ze lehen enphahen und nemen gelicher weis als unser swager sin erben od(er)
nachkomeling sie haben gehabt Doch sulle wir und unser erben oder nachkomeling alle wege macht haben die selbe stet oder vesten ze lösen umb daz gut
dar umb sie versatzt ist ob sie der selbn stet od(er) vesten selber nicht enlösen An sulcher beschaidenheit daz wir und unser erben oder nachkomeling in uns(er)n
swager und sinen erben die oftgenant stet oder vesten sullen wider geben ze lösen wenne si die gelosen mügen mit allem rechten als sie von im versatzt ist
Heten aber sie aines an stet und an gewichenheit vesten irn a(m)tman verkouffen oder versetzen des endürfen sie uns nicht anbicten die q von dem oftge
nanten uns(er)n swager und sinen erben od(er) nachkomeling ze lehen enpfahen und nemen Dise vorgeschriben red alle loben wir mit guten triwen an arg list
ewiclich stet und gancz ze behalden Und dar uber ze gebn wir im disen brief versigelt mit uns(er)n insigel ze ainer offnne urchund und geczugnüzze der
warheit Der ist gegebn ze Brecsl da man zalt von cristes gepurt drewczehenhundert jar dar nach in dem nün und zwainczigstem jar an dem nahsten
dynstag nach des hayligen crucz tag als ez funden wart