Wir Wenczlaw von gotes gnaden Romischer kunig zu allen czeiten merer des Reichs vnd kunig zu Beheim Bekennen vnd
tun kunt offenlichen mit disem briue allen den die jn sehen oder horn lesen Wann Janke Malerczick vnser cam(er)er vnd liber getrewer
Vnser haws Hertemberg von enderlein Stempach dem Jungen der dasselb haws von vns fur czweihundert Schok gross(en) prag(er)
munze in pfandesweise ynnegehabt hat von vnssm sunderlichem geheisse gunst vnd guten willen fur die egen(anten) czweihundert
Schok gross(en) an sich gelost vnd bracht hat als er auch das yczunt ynnehat vnd besiczt dauon mit wolbedachtem mute
gutem Rate vns(er)r edeln vnd getrewen vnd rechter wissen so wollen wir das der egen(ante) Janke vnd seine erben das vorgen(ante)
vnss haws hertemberg mit allen seinen mannen manscheften lehen lehenscheften zu falkenaw oder in dem lande zum
Elbogen gelegen geistlichen oder werntlichen czinsen Renten nuczen gefellen ekern wisen welden puschen strassen hemern
mulen Berkwerken wassern fischereyn Gerichten geregden mit seiner nachfolgunge wune weyden vnd sust allen and(er)n
seinen zugehorungen nichtes vsgenom(en) wie man die mit besund(er)n worten benenen mag als das alles der egen(ante) enderlein
bis her ynnegehabt hat fur die egen(anten) czweihundert Schok gross(en) in pfandesweise haben halden vnd besiczen sollen vnd
mogen an abslage derselben czinse Rente nucze vnd gefelle die zu demselben vnssm hawse bis her gehort haben wozan die
sein nichtes vsgenom(en) die wir jn von besund(er)n vns(er)n gnaden geben von allermeniclich vngehindert vnd wenn wir vnser
Erben vnd nachkom(en) kunige zu beheim das egen(ante) haws hertemberg von dem egen(anten) Janken vnd seinen Erben widerhaben
wollen so sollen wir jn zuuoran czweihundert Schok gross(en) prag(er) munze mit bereyten gelde richten vnd beczalen vnd
wenn wir jn dieselben czweihundert Schok gross(en) als vorgeschriben steet beczalet haben so sollen sie vns des egen(anten) vnsers
hawses hertemberg mit allen seinen zugehorungen lediclichen abtreten vnd vns das an allen vsslag dheines geltes widemant
worten doch so sol das egen(ante) vnss haws hertemberg alle die weile das der egen(ante) Janke vnd sein Erben von vns in pfandesweise
als vorgeschriben stet ynhaben werden vnser offen haws sein Also das wir vns daraus vnd dorein behelfen sollen vnd mogen
wider allermeniclich als oft vns des not sein wirdet doch vff vnss koste vnd an iren schaden vnd dorumb so gebieten wir vnssm
Burggrauen zum Elbogen der nu ist oder in czeiten sein wirdet vnssm liben getrewen ernstlich vnd bestatlich mit disem briue
das er den egen(anten) Janken vnd sein erben an dem egen(anten) hawse hertemberg vnd allen vnd yglichen seinen zugehorungen als vor
geschriben steet nichtes vsgenom(en) alle die weile sie die ynhaben vnd besiczen nicht hinder noch irre in dheinweis Sunder sie
do bey geruehlichen beleiben lasse vnd von vnssn wegen getrewlichen handhabe schucze vnd beschirme Als libe jn sey vnss swere
vngnade zuumeiden mit vrkunt dicz briues versigelt mit vns(er)r kuniglichen maiestat jnsigel Geben zu prage nach crists
geburt virczehenhundert jar vnd dornach in dem Sibenden Jare des donerstags nach sant veyts tage vns(er)r Reiche des Behe
mischen in dem funfundvirczigsten vnd des Romischen in dem Eynvnddreyffigsten Jaren

Per d(omi)n(u)m patriarcham Antiochen(um)