Alexander ep(iscopu)s seruus seruo(rum) dei / Carissimo in (Christ)o filio Wenceslao Romano(rum) et Bohemie Regi Illustri / Sal(u)t(em) et ap(ostoli)cam
ben(edictionem). Veniens nuper ad presentiam n(ost)ram dilectus filius Magister Johannes Nase decreto(rum) doctor / tue serenitatis orator / plures eiusdem serenitatis
litteras / et inter cetera quoddam instrumentum in quo illa que pridem inter Collegium venerabilium fratrum n(ost)ro(rum) sancte Roman(e) eccl(es)ie Cardinalium
de quo(rum) numero tunc eramus / et dilectos filios .. Oratores tuos tunc in Ciuitate Pisan(a) constitutos / conuenta et conclusa fuerunt / per eandem serenitate(m)
tuam solemniter confirmantur / nobis infra statutum terminum presentauit / Quod quidem instrumentum a nobis gratanter / et cum singulari consolatione
susceptum / in presentia eor(un)dem venerabilium fratrum n(ost)ro(rum) legi fecimus / et patenter ip(s)is audientibus recitari / ut sinceritas uoluntatis / et feruor animi
tui / omnibus pariter innotesceret / super quibus eandem serenitatem tuam plurimum in domino commendantes / et dignis laudibus prosequentes hortamur
ut magno ac sublimi animo / ad efficacem atq(ue) laudabilem prosequutionem re(rum) prout decet tantum principem fortiter animeris / Super nonnullis autem punctis
que idem Johannes ex parte celsitudinis tue nobis exposuit uiua uoce / quoniam discussione quadam indigere noscuntur / necdum deliberare potuimus / sed conari
intendimus / et in hys / et in alys eandem celsitudinem tuam quantum cum deo ualuerimus consolari. Dat(um) Pistorij iiij Id(us) Decembr(is)
Pontificatus n(ost)ri Anno Primo ::