Ich friderich elste Son zu marggraue zu Santaden Tun kunt allen luden die diesen brieff sient off horent lesen Alß as der allerdurchluchtigste furste min herre gnedigister her her Wenczlaw
von gotis gnaden Romisscher konig zu allen ziten merer des Richs vnd konig zu Beheim mir rechter vnd redlicher scholt schuldich ist zu richten vnd zubezalen Sechtzehendusent guder Remisscher gulden vnd der
ouerst myn gnediger her mir zu mer sicherheit guder gantzer bezalungen der eygen Somme sechtzehendusent Remisscher gulden versatz bepundet vnd mitgegeue hat sine slossa geschreue Sloss vnd Stede
Druby Bastenache vnd marssese na vsswisungen siner koniglicher brieue besiegelt mit siner koniglicher maiestat Ingesiegel Solicher brieue abschriffte von worte zu worte hierna volget vnd
sprichet also Wir Wenczlaw von gotis gnaden Romisscher konig zu allen Ziten merer des Richs vnd konig zu Beheim Bekenne ouermitz diesen offenen brieff das wir uon wegen erbern des hochge
bornen fursten marggraue zu Brandenburgh vnd zu mahren vnsers liben vettern vnd fursten dem edeln friderichen elisten Sone zu morss vnd Grauen zu Sarwerden vnserm rathe vnd liben getruwen
rechter vnd redlicher scholt gelden sollen vnd schuldich sein zurichten vnd zubezalen Sechtzehen Tusent guter Romisscher gulden nemlichen fur sulche Somme geltes die er dem eygen vnserm vettern an be
reitem gelde gelihen vnd auch die schaden die er in der tzeit als er vnser hertzogtum vnd lande zu lutzenburgh mit viren zoczehorunge von beuelhen vnserm vettern marggraff Josten in haubtmanß
weise ynneheilde vnd besitzte genome vnd empfangen hat Vnd vff das das der eygen friderich vmb die eygen Sechtzehen Tusent Romissche gulden von vns vnd vnsern nachkomen konigen zu Behem
vnd hertzogen zu lutzenburgh ein volkomene sicherheit gehaben moge So haben wir yme mit wolbedachte mute gutem Rate vnser fursten hern Retin vnd getruwen die nachgeschreben vnser Sloss vnd
Stete Druby Bastenachen vnd marssese Zusamen fur die eygen Sechtzehen tusent Romissche gute gulden entgegebe versatzt vnd verpfendet Entgeben versetzen vnd verpfenden Jm die mit crafft des
brieffs vnd versetze wissen als ein hertzoge zu lutzenburgh Also das er vnd seine erben dieselben vnser Sloss vnd Stete mit mannen amptschafften lehen lehenschafften Renten gulden czinsen
nutzen eemugen tzollen gefellen vnd sust allen andern iren zoczehorungen wozan die sint vnd wie man die mit sunderlichen worten benennen moge nichtes vssgenomen ynnehaben halden besitzten
vnd der genussen vnd gebruchen sollen vnd moge von allermenniglich vngehindert Als lang bis das wir vnd vnsere nachkomen konige zu Beheim vnd hertzogen zu lutzenburgh die von jm mit den
eygen Sechtzehen Tusent Romissch gute gulden widderlozen Nun so sal der eygen friderich vnd seine erben alle die wile sie die eygen vnser Sloss vnd Stete ynnhalden vnd besitzten die lute vnd jnwo
ner doselbst bey iren gnaden rechten halden vnd friheden getruwlich bleibe lassen vnd behalden als sie von aldas her dobei bliben sind Wenn auch wir oder vnser nachkomen konige zu Beheim vnd
hertzogen zu lutzenburgh die eygen vnser Sloss vnd Stete von deme eygen friderichen vnd seinen erben widder lozen wollen So solen wir jm das zudun an ein vierteil Jar offenbaren vnd zu wissen tun
vnd alle die wile wir oder vnser nachkomen konige zu Beheim oder hertzogen zu lutzenburgh die eygen vnser Sloss vnd Stete mit iren zobehorungen von deme vurgen(anten) friderichen vnd seinen
erben mit sulcher Sumen geldes as vurgeschreben steet an vns nicht lozen noch brengen So solen vns die eygen Sloss vnd Stete offen sein Also das wir vns vnd vnsere amptlude uon vnse
wegen dorus vnd dorein widder allermenniglich niemands vssgenome behelffen solen vnd mogen Als offte vns des not sein wirdet vnd wir des begeren werden Doch vff vnser kost vnd zerunge
vnd an eygen friderichs vnd seiner erben vnd auch der jnwonen der eygen Sloss vnd Stete schaden Wenn auch wir oder vnsere nachkomen konige zu Beheim oder hertzogen zu lutzenburgh
dem eygen friderichen vnd seinen erben die eygen Sechtzehen Tusent guter Romisscher gulden als vurgeschreben steet gerecht vnd bezalt haben So solen Sie vns die eygen vnser Sloss vnd Stete
mit allen vnd yelichen iren zuczehorungen wovan die sint nichtes vssgenomen widder abtreden vnd vns die volkomenlich in vnser hende widder antwurten vnd auch daruff kein gelt noch schaden slahen
noch rechen in dheinerleis Ouch so sal der eygen friderich vnse ratte vns alle vnd yeliche sine brieue vnd hantfesten die er von deme eygen vnserm vettern marggraff Josten vber sein geltschult vnd
schaden gehabt hat als vurgeschreben steet vntzhigen vnd gar widderkeren vnd in vnser hende antwurten vnd sal ouch er vnd sal auch er vnd sein erben vns vnd vnsern nachkomen konigen zu Beheim
vnd hertzogen zu lutzenburgh vmb dhein gelt noch schaden von des eygen vnsers vettern marggraff Josten vnd auch der eygen schaden wegen furbasmeere nicht mane lade uon vns vordern noch heisschen
noch vns vnd vnser lande vnd lute darumb angreiffen bekummern oder beschedigen in dheinerleis Ouch so solen wir vnd vnser nachkomen konige zu Beheim vnd hertzogen zu lutzenburgh den
eygen friderichen vnd sein erben von des eygen vnsers vettern vnd auch vnse landes wegen zu lutzenburgh als er das von deme eygen vnserm vettern marggraff Josten yngehalt hat vmb dhein
gelte nicht mane noch jm darumb furbasme ansprechen in dheinerleis mit vrkunde ditz brieues versiegelt mit vnser koniglichen maiestat Jngesiegel Geben zu prage nach crists geburte
Viertzehenhundert Jar vnd darnach in deme eilfften Jare des mitwochen nach sent peter vnd sand pauls dage vnser Richs des Romisschen in dem xlviii vnd des Behemsschen in dem xlviii jare
hierumb so bekennen ich friderich elister Sun zu morsse Graue zu Sarwerden mit vrkunde dis entgeenwirdigen mynss brieues vur mich myne eruen vnd nakomen dat ich deme eygen myme gnedigen
heren in name sin syner eruen vnd nakomen konigen zu Beheim vnd hertzogen zu lutzenburgh in guden truwen geloiffe han vnd gelouen mit vrkunde dis brieffs volkomelichen vnd vestlichen zuhalden
vnd zu willen zun alle vnd yeliche vurscr(ieben) poynte vnd artikele sulche die hie vur in deme brieue mynss gnedigen heren buiß geschreue steent as verre die mich myne eruen off nakomen antreffent
off rauent in enicher wiß Sunder alle widderhprache vargesß argelist vnd geuerde Vnd han des zu vrkunde myn jngesiegel an diesen brieff gehangen Die gegeuen is in den Jaren vnss heren dusent
vierhundert vnd eilff Jare des donrestages na sint peters vnd pauwels dage der heiligen Apostolen