Wir Rudolf von gotes gnaden des heiligen Romischen Reichs Erczmarschalk Pfalczgraffe zu Sachsen Albrecht von denselben gnaden zu Sachsen vnd zu Lunemburg herzogen Graffen zu Brene vnd Burggraffen zu Magdburg Bekennen vor vns vnsern erben vnd Nachkomen herzogen zu Sachsen offentlich mit disem brife allen den die jn sehen oder horen lesen Wann vns der Allerdurchluchtigste furste vnser lieber gnediger herre her Wenczlaw Romischer kunig vnd kunig zu Behem von wegen sulcher verschreibunge die eewen seliger gedechtnuss der Allerdurchluchtigste furste vnd herre her Karl Romischer keyser zu allen zeiten merer des Reichs vnd kunig zu Behem zu der zeit do er noch Romischer kunig was den hochgebornen vnsern vorfarn herzogen zu Sachsen vff sein closter zum Dobrilug in seinem lande zu lusig gelegen getan hat vnd nemelichen vmb sulche koste vnd zerunge die wir egen(ant) Rudolf yczunt in des egenan(ten) vnsers herren kunig Wenczlaws dinste zu Vngern getragen haben dasselbe closter Dobrilug mit seinen zugehorungen fur vier tausent schog grosschen prager muncze jngegeben vnd beuolhen hat Also das wir vnd vnser erben dasselbe closter mit seinen zugehorungen fur dieselben vier tausent schog grosser jnnehaben halden besiczen des genissen vnd gebrauchen sullen vnd mogen von allermenniglich vngehindert Doch also das wir die lewte vnd vndersassen desselben closters bey jren gnaden Rechten vnd freyheiten gerulichen bleyben lassen als das von alders her gewesen ist Als lange bis das der vorgen(ant) vnser herr kunig Wenczlaw vns die egen(anten) vier tausent schog grosschen prag(er) munczen genczlich vnd gar richtet vnd bezalet vnd dauon mit wolbedachtem mute gutem vorrate vnd rechter wissen So globen wir dem egen(anten) vnserm herren kunig Wenczlaw bey vnsern furstlichen worten mit crafte dicz briues wem wir vnser erben der egenan(ten) vier tausent schog grosschen prager muncze von dem ersten herren Wenczlaw vnd seinen nachkomen kunigen zu Behem gericht vnd bezalet sein So sullen wir jn des egen(anten) closters mit seinen zugehorungen ane alles wider sprechen wider abtreten vnd jn doruff dhein gelt zuschlahen noch schaden rechen ane geuerde vnd wer es sachen das der egen(ant) vnser gnediger herre kunig Wenczlaw in das vorgen(ant) sein lande zu lusig der zeit Als wir das egen(ant) sein closter jnnebilden kempli chen qwemen So sal er in dem egen(anten) seinem closter als desselben closters naturlicher erbherr seine heimliche vnd loger haben ane vnser vnd vnser erben jrrunge vnd hindernisse vnd sal ouch dasselbe sein closter Dobrilug zu aller zeite seinem hauptman zu lusig der yczunt ist oder in zeiten sein wirdet an des vorgen(anten) vnsers herren des kuniges stat offen sein Also wo er vnd seines landes zu lusig vndersessen von den feinden gejaget gedrungen oder genotet wurden das man sie drinj czihen lassen vnd doselbst hausen vnd hofen sol als ofte des not sein wirdet ane alle hinderniss geuerde vnd argelist Auch so sullen wir vnd alle vnser erben vnd nachkomen von der egen(anten) verschreibunge wegen die vns vnd vnsern vorfarn als obengeschriben steet eewen der egen(ant) her Karl Romischer keyser vff das egenan(te) closter getan hat zu dem vorgen(anten) vnserm gnedigen herren kunig Wenczlawen vnd seinen nachkomen kunigen zu Behem furpasmer dheine ansprache noch vordernisse haben in dheinerweis vnd sullen ouch dozzu alle brife vnd hantfesten die wir doruff haben genglich tot vnd vntuchtig sein vnd der furbasmer nicht geniessen noch gebrauchen in dheinerweis Sund(er) jn die in seine macht vnd gewalt ane geuerde vnd argelist geben vnd antwurten Auch so mogen der vorgenan(te) vnser gnediger herre kunig Wenczlaw vnd seine nachkomen kunige zu Behem vns vnd vnsern erben an den egenan(ten) vier tausent schog grosschen prager muncze mit bereitem gelde zutage vnd zutate bezalen oder sust doran an andern steten bewisen wie sil sie wollen vnd als sil sie vns doran bezalen oder bewisen das vns von jn genutet So vil sol jn an der egenan(ten) bezalunge der egen(anten) vier tausent schog grosschen wenn sie das egen(ante) jr closter zum Dobrilug zu jn vnd der cronen zu Behem von vns wider losen vnd breisten wollen volkomlichen abgeen vnd sullen jn ouch doruber Als ofte des notgeschiht vnser qwitbrife geben als billich ist Doch so sal vns vnd vnsern erben des egenan(ten) closters verschreibunge vmb die egenan(ten) vier tausent schog grosschen an vnsern Rechten freyheiten Eygenscheften Renten vnd gulten die vns vnd den herzogtum zu Sachsen doruff von aldersher geburen vnd gehabet haben vnd sust andern luten an jren gulten vnd Renten die jn vormols von dem egenan(ten) her Karle Romischen keyser vnd ouch von dem vorgenan(ten) vnserm gnedigen herren kunig Wenczlawen vff dem egen(anten) closter verschriben sind vnschedlich sein Sunder wir vnd sie sullen dabey gerulichen bleyben von Allermenniglich vngehindert Auch so sullen sich die Geistlichen Abte vnd conuent des egenan(ten) closters zum Dobrilug furbasmer an vns halden vnd vff vns sehen vnd warten vnd njmandes anders vnd namelichen ouch der Ept dann Amptlute Ritter knechte vnd gemeinschefte der stete merkte vnd dorffer des egenan(ten) landes zu lusig die nu sind oder in zeyten werden an demselben closter Dobrilugen vnd seinen zugehorungen vns nicht hindern noch jrren noch das mit castunge oder leger besweren Alle die weyle das das closter Dobriluge von vns vnd vnsern erben von dem egenan(ten) vnserm herren kunig Wenczlawen vnd seinen nachkomen kunigen zu Behem mit den egenan(ten) vier tausent schocken grosschen nicht geloset wirdet Als das alles des egenan(ten) vnsers herren kunig Wenczlaws brieffe die er vns doruber gegeben hat eigentlichen vsweysen vnd des zu groser vrkunt vnd merer sicherheite haben wir egenan(ter) herzog Rudolf vnser jnsigel vor vns vor den obgenan(ten) herzogen Albrechten vnserm lieben bruder vnd fur vnser beyder erben vnd nachkomen herzogen zu Sachsen an disem brieff heissen henghen Der Geben ist zu prage nach crists geborte vierzehenhundert jar vnd dornach in dem Eylften jare des montages an sant mathews tage des heiligen zwelfboten vnd ewangelisten