WIR Sigmund von gotes gnaden Römischer künig zu aller zyt merer des Richs vnd zu Vngern Dalmacien Croacien (et)c(etera) künig Vnd Wir Albrecht von denselben gnaden Herczog zu Osterreich ze
Steyr zu Kernden vnd ze Krain Graue zu Tyrol (et)c(etera) Bekennen vnd tun kunt offenlich mit disem brief allen den die In sehen oder horen lesen Wan wir durch merklichen luter vnd steter lieb vnd true willen damit vns(er)
beder vordern vnd vater vnser künig Sigmunds küniglich haws zu Behem vnd vns(er) Herczog Albrechts furstlich huse zu Osterreich zu einander langzyt verphlicht gewest vnd wir bedersyte noch verphlicht sein vnd ouch
durch sunderlich fruntschafft einikeit vnd gutes getruens willen die vns(er) künige Sigmunds vorfarn künig zu Vngern vnd vnser Albrechts vorfarn Herczogen zu Osterr(eich) mit vnd zu einander gehabt haben einer or
denung zwischen vnser beder vndertanen landen luten vnd gemerken nechst vberem komen sin vnd die gesatzt vnd gemacht haben Vnd Wan ouch zwischen vns Herczog Albrechten vnd vns(er) künig Sigmunds liebn
Tochter Elizabeten ein Heyrat beteidingt vnd verbrieft ist Als dann das alles soliche brieue dorüber gegeben eigentlicher vnd vollekclich Innehalten Dauon noch mer bekömelich vnd billich ist daz fürbazz vn(ser)
schidleiche lieb true vnd frewntschafft in allen sachen zwischen vns beiden vnsern landen vnd luten bestatlich belibe Darumb zuuoran dem almechtigen got zu lob vnd ere gemeinem nucz zu sterkung vnd vns(er) bed(er)
vndertanen frid rue vnd gemache zu bestellen vnd ouch vns(er) beder lande in gutem wesen zu behalten vnd besund(er) durch der vorgenan(ten) Heyrat vnd ouch der vorgeschribn(en) lieb true fruntschafft vnd einikeit willen
Haben wir vns zu samen verpunden vnd verpinden in krafft dicz briefs vnd rechter wissen In der mass als hernach geschriben steet Czum ersten daz vns(er) einer den andern mit ganczen lutern vnd vesten trüen meynen
sol in allen sachen Item daz wir künig Sigmund mit allen vnsern landen vnd luten vnd mit allem dem das wir vermögen dem vorgenan(ten) Albrechten als vns(er)m lieben Sune getrulichen ernstlich vnd bestatlichen byge
stendig beholffen vnd beraten sein söllen vnd wellen wid(er) aller menkleich nyemant aussgenomen Item vnd daz wir Albrecht mit allen vns(er)n landen vnd leuten vnd mit allem dem das wir vermügen dem vorgenan(ten) hern
Sigmunden als vnserm lieben herren vater vnd Sweher getrülich ernstleich vnd vestiklichen bygestendig beholffen vnd beraten sein süllen vnd wellen wider aller menkleich nyemant aussgenomen an allein den Hochge
bornen Ernsten Herczogen ze Osterreich (et)c(etera) geggen dem söllen vnd wellen wir künig Sigmund vnd wir Albrecht vns halten als hnach vnd(er)schaiden ist Mit namen Als wir künig Sigmund einen Ausspruch zwischen
demselben Ernsten vnd dem vorgenan(ten) Albrechten nechst getan haben vnd ab derselb Ernst demselbn Ausspruch bis her nicht genug getan hat Ist es sach daz er dem nach vns(er) künig Sigmunds manug nicht genug
tut an dcziehen vnd wir darumb oder vmb and(er) sache willen die den vorgenan(ten) Albrechten sein lande od(er) lute antreffen mit dem vorgenan(ten) Ernsten zu krieg komen daz dan wir bede künig Sigmund vnd Herczog
Albrecht aneinander wider denselben Ernsten sein helffere lande vnd lute getrewlich vnd ernstlich beholffen vnd beraten sein süllen vnd wellen mit aller vns(er) beder macht landen vnd luten alslang des not ist vngeuer
lich vnd vns(er) yegleich(er) sol bei dem andern bestatleich darInn beleiben vnd sich an des and(er)n wissen vnd guten willen mit dem vorgenan(ten) Ernsten nicht sünen richten od(er) deinen in dhein(er) wyse an alle geuerd Wer ab(er) daz
wir künig Sigmund mit dem vorgenan(ten) Ernsten vmb vnser selbs sachen die den vorgenan(ten) Albrechten sein land vnd lute nicht anturten zu krieg komen würden So sol vns derselb Albrecht wider denselben Ernsten
zu helffen nicht vbunden sein Vnd wir der vorgenant Albrecht süllen vnd wellen ouch mit allen vns(er)n landen vnd luten stille darynn siczen wir wöllen dann vns(er)m lieben herrn vnd vater künig Sigmunden gern helffen
Wir süllen vnd wellen ouch in allen vns(er)n landen ernstleich bestellen daz doraus vnd darIn dem vorgenan(ten) Ernsten seinen helffern dienern landen vnd luten wid(er) den vorgenan(ten) vns(er)n lieben herren vnd vater sein
land vnd lute keynerley zulegunge hilff rat noch furdernisse heimlich od(er) offenlich noch in kein and(er) wyse beschech an geuerd Item Wer ouch sach daz vns(er) künig Sigmunds od(er) Herczog Albrechts lande lute
od(er) vndertane sy weren geistlich od(er) weltleich gemeinlich od(er) sunderlich wider vns tun od(er) vns vngehorsam sein würdn wid(er) recht da got vor sey wider die vns(er) einer des and(er)n hilff bedörfft So sol jm der der
des von dem and(er)n ermant wirdt wid(er) solich vngehorsame vnüczogenlich helffen nach seinem besten vmogen on argelist Vnd in was krieg vns(er) einer von des and(er)n wegn in diser püntnisse komen wirdt doraus
sol sich ainer an den andern nicht sünen od(er) drichten in kein wyse alle argeliste vnd geuerd hierinn genczlich aussgeschaiden Mit vrkund dicz briefs vsigelt mit vns(er)s vorgenan(ten) künig Sigmunds Römischem künig
lichem vnd vns(er)s vorgenan(ten) Herczog Albrechts anhangunden Insgeln Dat(um) Bude Anno d(omi)ni millesimo Quadringent(esimo) duodecimo Sexta die Junij Regnor(um) n(ost)ror(um) videlic(et) Regis Sigismundi Anno Hungarie
(et)c(etera) Vigesimo Sexto Romanor(um) vero Secundo
Ad mandat(um) d(omi)ni Reg(is)
Joh(ann)es E(pi)s(copus) Zag(rabiensis)