Wir Wenczlaff von gotes gnaden Romischer kunig zu allen czeiten merer des Reichs vnd kunig zu Beheim Bekennen
vnd tun kunt offenlich mit disem briue allen den die jn sehen oder horen lesen Das Wir durch vernunft trewe vnd weysheit willen
der Wir vns zu den Edeln Albrechten von Coldicz vnsern obristen Camermeister vnd Albrechten Schenken von landsperg vnsern
Reten vnd liben getrewen genczlich vorsehen jn mit wolbedachtem mute gutem Rate vnser fursten herren Edeln vnd getrewen
vnsre gancze vnd volle macht gegeben haben vnd geben jn craft dicz briues vnd rechter wissen sulche krige stosse vnd
czweytract die czwischen dem Erwirdigen Wenczlaben Bischofe zu Bresslaw vnd dem hochgebornen ludwigen herczogen zum
Brige an einem vnd dem hochgebornen heinrichen herczogen zur lobin vnsern liben oheimen vnd fursten jrer beyder helffer
zuleger vnd direr an dem andern teile sind von vnser wegen zuuhoren zufinden vnd die czwischen jn beyderseyte gutlichen zu
ysunen hinzulegen vnd zuentscheiden Als sie das vns vnd der Cron zu Beheim allernuczlichst vnd beqwemlichst sein dunken
wirdet vnd wie sie die egen(anten) sachen also czwischen den egen(anten) parteyen sunen abtragen finden vnd entscheiden das ist vnser guter
wille vnd worte vnd wollen ouch das stete gancz vnd vnueruckt halden gleicherweis als ab wir sulche sachen selber leiplich
geteydingt gesunet gefindet vnd entscheiden hetten Mochten aber die egen(anten) vnsre machtboten die sachen in sulcher weyse
als oben geschriben steet czwischen den egenan(ten) parteyen zusune vnd zufride nicht brengen So sollen sie beyden teilen dor
vmb fur vns zukomen einen genanten tage legen benumen vnd bescheiden vff demselben tage wir die egen(anten) sachen mit
vnsrn fursten vnd Reten selber vhoren vnd die czwischen den egenan(ten) parteyen mit der mynne oder dem rechten genczlich
vnd gare hinlegen entscheiden vnd zuende brengen wollen Mit vrkunt dicz briues vorsigelt mit vnsrm kuniglichen Ma
iestat jnsigel Geben zu prage Nach Cristes geburt virczehenhundert jar vnd dornach in dem virczehenden jare des
nechsten montags vor der vasnacht vnsrr Reiche des Behemischen in dem Einvndfunfczigisten vnd des Romischen
in dem Achtvnddreyssigisten Jaren
per d(ominum) conrad(um) Archiep(iscopu)m pragen(sem)
Johannes de Bamb(er)g(a)