Wir Johann von gots gnaden des heiligen Stuls zu Mencze Erczbischoff des
heiligen Romischen Richs In dutschen landen Erczcanczler Bekenne vnd thun
kunt offinlich mit diesem brieff das vns der Allerdurchluchtigste furste vnd
her her Wenczlaube Romischer kunig ec(etera) vnser lieber gnediger her an den Acht
tusent Rynischer guldin die er vns gunstlich zugebe zugesagt hat vier Tusent
guldin genczlich vnd gar gericht vnd bezalt hat vnd die vberige vier tusent
Rynische guldin hat sine gnade dem Erwirdigen h(er)n Johansen Bischoff zu Wircz
burg vnsem besund(er)n guten frunde vff sine Slossen vnd Steden heydingsfelt
vnd Bernheim bewiset der vns auch darumb ein genuge gethan hait darube
mit wolbedachte mute vnd rechter wissen So sagen wir fur vns vnd alle vnse
nachkomen Erczbischoffen vnd Stiffte zu Mencze den egen(anten) vns(er)n gnedige(n) h(er)ren
kunig Wenczlaube alle sine nachkomen kunige vnd die Crone zu Behem der
vorgen(anten) Achttusent Rynischer guldin In Crafft dies brieffes frie qwitt ledig vnd
loise des zu orkunde ist vns(er) Inges(igel) an diessen brieff gehange(n) datu(m) Aschaffin
burg In die s(an)c(t)i Michaelis Archangeli Anno d(omi)ni M(illesim)o Quadringetesimo Sextodecimo

De man(da)to d(omi)ni archiep(iscop)i
p(er) d(omi)n(u)m E(pi)s(copu)m spiren(sem) ec(etera)