Johan von gots gnaden pfalczgreue bey dem Ryn herczog In Beyern grauen henegaw von holland vnd von zeland vnd her czu vorn tůn kunt vnd bekenne allen den gůten die disen brief sulln sehen oder horent lesen / want wir mit der hochgebornen furstynnen
frawen Elizabethen von gorlicz herczogynne zu luczemburg zu brabant zulomburg vnd greffynne zu chiny bey vnse baider magen vnd frunde wie dar uf zu torencz gehabtt vnd mit wolbedacht vorfůnnechait bey dem willen vnse hern gots nach
der gewonhait der heilig kirchen in eylich vorpůndert syn / So ist es / das vns prelaten grauen freyhen hern ritter vnd knechte vnd stete des landes von luczemburg vnd graffschaft von chiny ufgenomen empfangen vnd engelaissen hant vnd vns
eydt gelubt vnd huldunge gedan habn nach dem pgelichen von lantrechts wegen gepurt zu tůn / von wegen der obgenant frawen elizabethen herczogynne zu luczemburg vnd greffynne zu chiny vnß liber gesellinne als ehelich man vnd monper
der obgen frawen elizabethe uf solich recht die selbe frawen elizabeth herczogynne zu luczemburg an zu dem lande von luczemburg vnd graffschaft von chiny haut nach Innhalt vnd vßweysung sulcher briefe als die vorgen frawen elizabeth herczogynne
dar uber hart von dem allerdurchluchtigsten hochgebornen fursten kůnig Wenczlaus Romische vnd Behemische kůnig vnsere liben gnedigen hern vnd nicht vortt noch in ennder and weise / Welches briefs Innhalt h nach volget von wortte zu wortte beschey
Wir Wenczlaus von gots gnaden Romischer kůnig zu allen czeiten merer des Reichs vnd kůnig zu Behem / Bekenne vnd tůn kunt offentlich mit disem brief allen den di in sehen oder horen lesen / daz wir durch sunderlicher libe vnd frunt schaft willen die wir zu der
hochgebornen Elizabethen erstling seligs gedechtnisse des wolgebornen Johans herczogn zu gorlicz vnse libn bruders vnd fursten tochter / herczogynne zu brabant vnß libn niften vnd furstynne haben vnd tragen / der selbn elizabethen vnß libn niften in wolbedachtem
můte gutem rate vnse fursten hern edeln vnd getruwe uf vnsm herczogtome vnd lande zu luczemburg der graffschaft zu chiny vnd der landuogtey zu elsassen vnd allen iren zugehorungen hundert vnd czwainczigtausent Romischer gulde zu recht furstlicher
leibzucht gegeben vmaichet vnd verschribn haben geben vermaichn vnd verschriben ir die daruf mit recht wissen in crafft diß briefs vnd kůniglicher macht zu behem / also daz die selbe elizabeth herczogynne zu brabant vnse libe niften daz vorgen vnß herczogtome
vnd lande zu luczemburg / die graffschaft zu chiny vnd die landuogtey zu elsassen mit allen vnd yglichem iren zugehorungen die von alters dar zu gehort habn vnd noch gehoren / woran die sint / vnd wie man die mit sunderlichen wortte benenne mach / nůcz
ufgenomne dan alleyne vnß sloss vnd stat zu welckenfels die wir vns zu vnsm willen behalden / vor di egen hundert vnd czwainczig tausent Romisch gulden Inne haben halden besiczen der genugelichin geniessen vnd gebruchen sal die weile sy lebe von
allermenklichen vngehindert / Vnd wer ez sach daz die egen elizabeth vnß libe niften von gots verhencknisse wegen / daz got doch lange spare / sturbe vnd abeging vnd kinder end erben hinder ir liesse die von dem hochgebornen Anthoni herczoge zu bra
bant irem gemahel vnsm libn sůne vnd fursten vnd auch irem leibe kome warn / sey warrn mannes oder weibes geslecht dieselben ire kinde vnd erben sulln auch das egen vnß herczogtome vnd lande zu luczemburg die graffschaft zu chiny vnd
die landuogtey zu elsassen mit iren zugehorungen vor die egen some geldes hundert vnd czwainczig tausent Romisch gulden Innehabn halden besiczen der geniessen vnd gebruchen von allermenklichen vngehindert also lange bis daz wir vnd vnse
nachkome kůnig zu behem / die von In mit der selben some geldes an eime widerlossen vnd bringen / war auch sach daz die egen elizabeth vnse libe niften sturbe vnd abeging vnd kinder vnd erben die von dem egen Anthoni vnd irem leibe
kome warn hinder ir des wir doch nicht hoffen nicht liesse / so sal der egen Anthoni das egen vnß herczogtom vnd land zu luczemburg die graffschaft zu chiny vnd die landuogtey zu elsassen mit allen iren czůgehorungen als vor
geschribn stet Innehaben halden besiczen der geniessen vnd gebruchen so lang bis daz wir vnd vnse nachkome kůnig zu behem / di von Im vnd seinn erben mit sechczigtausent romisch gulden an eime wider lossen vnd bringen / warn
auch wir vnd vnse nachkome kůnig zu behem der egen elizabethen vnß libn niften erben vnd kinden die sey hinder ire liesse hundert vnd czwainczig tausent romisch gulden vnd abe sy kinde vnd erben hinder ir nicht liesse / dem egen
Anthoni irem gemahel sechczig tausent Romisch gulden als vorgeschribn stet gerucht vnd genczlich vnd gar bezalt haben so sulln sy vns daz egen vnse herczogtome vnd lande zu luczemburg der graffschaft zu chiny vnd der landuogtey zu
elsassen mit allen iren pgelichen iren zugehorungen wider abetreden vnd vns die in vnse hende an alles vertzien vnd widerstreeben geben vnd einantwurten / vnd dar uf khein ander gelt nicht slahn noch schaden rechen in khein weis
daruf so sulln vnd můgen wir al die weile wir leben in dem egen vnsm herczogtome vnd lande zu luczemburg der graffschaft zu chiny vnd der landuogtey zu elsassen / eime houbtman seczen wen wir wollen vnd den wider entsetzen als offte vns das
gefallen wirdet der vns vnd der obgen elizabethen vnse libn niften ist / solich stur als obgeschribn stet hulden vnd sweren sal / Vnd vnd ir mit dem egen herczogtome vnd lande zu luczemburg der graffschaft zu chiny vnd der landuogtey
zu elsassen vnd kůnig gehorsam vnd getruwelich gewartende zu sein alle vnse vnd ire lebtage / vnd sal auch vns der obgen houbtman von allen rente nůtzen vnd gefellen die er von dem egen vnsm herczogtome vnd lande zu luczemburg
der graffschaft zu chiny vnd der landuogtey zu elsassen jerlich einneme vnd empfahen wirdet / alle jare gute rechnug tůn vnd vns auch dauon jerlichin reichen vnd geben als wir die irs pme uber ein werden / Auch so sal das
egen herczogtome vnd lande zu luczemburg die graffschaft von chiny vnd die landuogtey zu elsassen mit allen iren pgelichen iren slossen vnd stetn al die weile die die egen elizabeth vnse libe niften vnd der egen Anthoni ire gemahel
vnd ire erben von vns Inhaben vnd besiczen vns vnd dem durchluchtigsten fursten hern Sigmunde kůnig zu vngern zc vnsm liben bruder / vnd allen andern vnsn nachkomen kůnigen zu behem / offen sein / also daz wir vns vnd vnse
amptlute von vnsn wegen dar vff vnd dar Inne beidt in des hailigen reichs der crone zu behem vnd sunst in allen andern vnsn sachen behelffen sullen vnd můgen / wider allermenklichen nymand vßgenomen / doch an iren schaden / Auch sal
die egen elizabeth vnd der egen Anthoni ire gemahel al die weile sy vnd ire erben das egen vnß herczogtom vnd lande zu luczemburg die graffschaft zu chiny vnd die landuogtey zu elsassen mit iren zugehorunge Inhaben vnd besiczen grafen
freihen hern dinstleute ritter vnd knechte vnd sunst allermenklichen in welichen enden oder wesen sy sein geistlich oder werntlich der selben vnß lande Inwone vnd entsessen bey iren gnaden rechten vnd freihaiten gerugelich beliben
laissen vnd sy dar an nicht hindern noch irren noch sy daruber bestwarn in khein weis / sonder bey lantrecht vnd alder gewonheit gerugelichin behalden / Vnd darumb so gebieten wir allen vnd yglichen grafen freihn hern epten plaren
dinstleute ritter knechten gemeinthschaften der stete aczobten vnd dorffe / vnd sunst allen andern des egen vnse herczogtome vnd landes zu luczemburg deutsches vnd welsches lande / der graffschaft zu chiny vnd der landuogtey zue
elsassen / vndersessen vnd Inwoneren in welichen enden oder wesen die sein geistlich oder werntlich die mit disem brief ermanet werden ernstlich vnd bestatlich mit disem brief / das sy der egen elizabethen vnd auch dem egen Anthoni irem
gemahel / mit dem egen vnsm herczogtome vnd lande zu luczemburg der graffschaft zu chiny vnd der landuogtey zu elsassen / uf solich stur als obgeschribn stet / hulden vnd swern sullen / vnd kůnig gehorsam vnd gewartende zu sein
also lange bis das wir vnd vnse nachkome kůnig zu behem / die von in vnd iren erben mit solicher some geldes als obengeschribn stet an vns wider losen vnd bringen / also lieb in sy vnse swere vngnade zu vermeyden / mit
urkund diß briefs versigelt mit vnsm kůniglichen maiestat Ingesigel / Geben zu prage nach cristi gepurde vierzehnhundert jar vnd dar nach in dem eilfften jar des nechstin freitags vor vnß frawentag Assumpcionis / Vnse reichs
des Behemischen in dem neůnden vnd vierczigsten vnd des romischen in dem sechst vnd dreissigstem jaren / Vnd wir Johan von gots gnaden pfalczgraf bey dem herczoge In beyern grauen von henegaw von holland vnd von zeland vnd her czu vorn
obgen bekenne das wir an platen grafen freihen hern ritter vnd knechten steten vnd freiheiden des landes von luczemburg vnd graffschaft von chiny nicht vortt faren noch vordern sullen noch sy vortt dringe zu sullen noch nymand sy
vortt faren vordern noch sy vortt dringe sullen laissen in enicherleie geyn noch vortt dan na Inhalt vnd ußweysung des vorgen briefs / wir habn auch platen grafen freihen hern ritter vnd knechte stete vnd freiheiden des landes von luczemburg
vnd graffschaft von chiny vnd yglichem zu den selbn landen gehorich die vns in vorigen maissen gehorsam sein ufgenomne vnd entfangen haben in welichen enden adel oder wesen die sein mit vnse furstlich truwe in recht eydstat gelobet
vnd gesworn geloben vnd swern in craft diß briefs sy bey allen iren freiheiden lantrechten priuilegien briefen di gebn warn vor date diß briefs / vnd guten gewonheitin des landes von luczemburg vnd graffschaft von chiny zu halden vnd zu laissen
In disen sachen ußgeschaiden di stat von luczemburg / wam di von sich selber bisund eime brief haut / ußgeschaiden in allen disen vorgen sachen alle geuerd vnd geuerde / des zu vrkunden habn wir Johan von gots gnaden pfalczgraf bey dem
Ryn herczog In beyern zc obgen vnß Ingesigel an disem brief dom hencken / Vnd habn aller obngeschribn sachn zu merer sicherheit vnd bestatheit gebetn vnd ersucht vnse liben neue en getruwe Rte / Ruprechten graue zu
verneborch hern wilhelm von egmonde hern heinrich rotsart hern zu brůmbcze vnsn vicztom In marn beyern vnd hern Johan von mierlar hern zu melendonc vnsn hofmaist / daz sy vnd ire ygklich sein sigel
bey dem vnsn hier an henken wolln / Vnd wir Ruprecht graue zu verneborch wilhelm von egmonde heinrich rotsart vnd Johan von mierlar Rte / bekenne daz wir vns fleissig betn vnd ersuchn des
hochgebornen furstn herczog Johansn vorgen vnse gnedign libn hern vnse Ingesigele bey dem seine mit vnsm willen vnd wissen aller obngeschribn sachn zu geczugenisse vnd merer bestatheit an disen brief
gehenckt habn / Gebn In dem jar nach cristi gepurdt viertzehnhundt vnd dar nach in dem neůnzehnden jar am freitag nach dem heiligen pfingstag ..