Wir Sigmund von gotes gnaden Romischer kunig zuallenzeiten merer des Reichs vnd zu Vngern zu Behem Dalmacien Croacien (et)c(etera) kunig Bekennen vnd tunkunt
offenbar mit disem briue allen den die In sehen odir horen lesen Wann wir dem Strengen Hansen Polencz vnsem lieben getrewen Sybentausent Achthundert vnd
Newnundfunfczig schock grosschen recht vnd redlich schuldig sein vnd gelten sollen Dauon so haben wir angesehen soliche trewe vnd dienst die er vns langezeit
nuczlich vnd williclich getan hat teglich tut vnd furbas tun sol vnd mag in kunftigen czeiten Vnd darumb Im vnd seinen erben vnd nachkomen vnser furstentum
zu Lausicz mit allen vnd iglichen Slossen Steten leuten dorffern wiesen welden Mannen lehen geistlichen vnd werntlichen Rittern knechten vnd allen andern
zinsen nuczen genyessen anfallen vnd zugehorungen nichts vsgenomen vmb die egenan Sibentausent Achthundert vnd Newnundfunfczig schock Behe
mischer grosschen die gut geng vnd gebe sein in pfandesweys ingegeben vnd versaczt ingeben vnd verseczen In die in kraft diß briues vnd kuniglicher
macht zu Behem also das sie die fur die vorgenan summe gelts innehaben halten geniessen vnd der gebrauchen sollen vnd mugen als wir vnd vnsere
vorfaren kunige zu Behem das inngehabt gebrauchet vnd genossen haben Vnd wann wir odir vnsere erben vnd nachkomen kunige zu Behem das egenan
furstentum vnd lande Stete vnd leute widerhaben wollen so sollen wir Im zuuoran die egenan Sibentausent Achthundert vnd Newnundfunfczig schock
grosschen mit bereyten gelde beczalen vnd in sein gewer vnd behawsung sicher geleyten vnd so wir das getan haben so sollen sie vns des egenan vnsers fursten
tumes zu lausicz mit allen Slossen Steten landen leuten vnd zugehorungen on allen offlag dheines schadens odir gelts wider abtreten an alle sawm
nusse vnd widerrede Ouch sollen die egenan Slosse vnd Stete zu lusicz vns vnd vnserm Amptluten zu vnsern noten als oft des notdurftig sein wirt
vns vnd vnsern nachkomen offen sein vns daruff vnd daryn zubehelfen gen vnsern feynden vff vnser kost vnd doch an Iren schaden Ouch so haben wir dem
egenan Hansen Polencz seinen erben vnd nachkomen dise besunder gnad getan das er die egenan summe gelts Sibentausent Achthundert vnd Newnundfunfczig
schock grosschen guter Behemischer bey seinen lebtagen odir an seinem todbette vff dem egenan vnserm lande zu lausicz vergeben vnd verscheiden mag seinem
lerbern vnserm vnd der Crone zu Behem Inwoner vsgenomen doch fursten vnd geistlichen leuten vnd derselb dem er die egenan summa gelts als vorgeschri
ben steet gebe vnd bescheyde vnd disen brieff mit seinem guten awillen innehalen wirdet der sol die egenan land leute vnd Stete mit allen zugehorungen Inne
haben vnd besiczen vnd vns vnd vnsern erben vnd nachkomen kunigen zu Behem domit in allermas als obengeschriben steet gehorsam vnd getreulich waxtend
sein vnd ouch an dem vorgenan Gelde alle rechte haben als he selbes als lang biß wir Im vnd seinen erben die egenan Sibentausent Achthundert vnd
Newnundfunfczig schock Behemischer grosschen gancz vnd gar gericht vnd beczalet haben daruff sie vns ouch dhein ander gelt zuslahen noch schaden rechen
sollen in dheineweys Were ouch sache das der egenan hanns vnd seine erben vnd nachkomen das egenan vnser furstentum lande Slosse vnd Stete des sy
dons vor czeitlich anmassen sollen das wir In das helfen weren angewunnen wurde mit gewalt solichs angewinnes vnd schaden wollen wir Sy schadelos hal
ten vnd solichs schaden benemen on geuerde vnd argeliste Vnd wir gebieten darumb allen vnd iglichen Mannen lantluten Ritten knechten Burgermeistern
Reten vnd Gemeynscheften der Stete vnd sust allen andern des egenan vnsers lands zu lusicz vndertanen vnd getrewen wovelichen wirden odir wesen die sind
ernstlich vnd vestigclich mit disem briue das sie dem egenan Hansen von Polencz gehorsam sein vnd Im ouch alle zinse Czolle Rente nucze vnd Gefelle
worann die sint voligen lassen sollen genczlichen vnd gar als lang biß das wir vnser erben odir nachkomen kunige zu Behem das egen vnser land zu
lusicz mit seinen Slossen gebieten vnd zugehorungen als oben beschriben steet von Im vnd seinen erben mit der egenan Summe gelts zu vns wider
losen vnd brengen Als lieb In sey vnse swere vngnad zuuermeyden Mit vrkund diß briues versigelt mit vnser kuniglichen Maiestat Insigel Geben
zu Nurenberg Nach Cristi geburt Vierzechenhundert Jar vnd dornach in dem Zwayundzweynczigstem Jare am nechsten Sontag vor vnserer lieben
frawen tag Natiuitatis Vnser Reiche des Vngrischen (et)c(etera) in dem sechsunddreissigstem des Romischen in dem Ewelften vnd des Behemischen in dem Drytten
Jaren
Ad mandatum domini regis (et)c(etera) per dominum
Cancellarium Iohannes francofordia prepositus