Wir friderich von gotes gnaden herczog czu Sachssen vnd wir friderich von denselbm gnaden lantgraue jn doringen vnd marggrauen czu meissen bekennen vnd thun kunt
offenlichen mit disem briue allen den die jn sehen ader horen lesen, das wir vmb beschirmunge vnd schucz aller vnser lande vnd vndersassen vnd ouch czu widder
steen den bosen vndampten keczern vns mit den Edeln, den Albrechte vnd den Thymen von coldicz selbir gancze jar nach datum disses briues nehest
nachenander folgunde, vneint vnd gesat haben, vneinen vnd seczgen jn kraft disses briues jnmasen als hirnach geschriben steet. Czum ersten, das
die obgnanten her Albrechte vnd her Thime von coldicz vns mit dem Slosse Grupen vnd allen die darczu gehoren, der sy jngeuallichen mechtig gesin mogen
behilffen vnd beraten syn sullen widder die vndampten keczer czu behmen vnd ydermenlich nymandes vsgenomen dann alleyne den Allerdurchluch
tigesten fursten vnd herrn hern Sygemunde Romischen etc. kunnige vnsern gnedigesten lieben herrn, widder den sy vns nicht sullen vnbunden syn czu helffen
So sullen vns ouch vff dem genanten Slosse Grupen dryssig wolbeslagte pferde czugute tegelichen halden mit den vnd aller jrer macht sy vnser lande vnd
lute getruwelichen schuczen vnd beschirmen sullen vnd vns ouch mit den genanten dryssig pferden vnd aller jrer macht gein vnser fiende vnd ydermenlich
vnsern gnedigesten herrn den Romischen kunnig alleyne vsgenomen behulffen vnd beraten syn sullen, der fient werden vnd gein yn ouch fientlichen
thun vnd gebarn, vnd darvmb so globen wir obgenanten her friderich herczog czu Sachssen vnd her friderich lantgraue jn doringen den gnandgnatn hern
Albrechte vnd hern Thymen von coldicz alle woche dy wile disse saczunge gewert vnd nicht vffgesagt wirdet dryssig gute Romische gulden czugeben vnd
czubezalen ane geuerde. Ouch mogen wir eynen der vnsern vff das Sloss Grupen als eynen houptman czu den genanten dryssig pferden, wie starck wir
wollen, leczen. Also doch das die genanten her Albrechte vnd her Thimen vor vnfuge vff dem Slosse bewart vnd jres Slosses von vnser czulegunge
wegen nicht entblet werde ane geuerde. Wurden ouch die genanten her Albrecht vnd her Thyme mit den dryssig pferden den fienden obirlegen vnd
jn gefangen ader habe abestrilen die were angenumen, die sullen sy ane vnser jnsprache lidelichen behalden, wurde aber vnser houptman ader die dy
wir by sy vff das Sloss Grupen geleget hetten, jnder czufelde kummen, was dann also den fienden abgewunnen wurde, welchsley das were, das sal man
mannes czal glich geteilt werden ane geuerde, were ouch das wir ubir dy dryssig pferde by sy keynen houptman noch nymandes von vnsern wegen
vff das Sloss Grupen leczen wurden, So sullen glichwol die genante her Albrecht vnd her Thime von coldicz mit den dryssig pferden vnser lande vnd lute
schuczen, vnser fiende fient werden vnd son vnd den fientlichen thun als obingeschriben steet. Ouch sullen wir obgnanten her friderich herczog czu Sachssen
vnd her friderich lantgraue jn doringen die obirland Budissin Gorlicz Sittaw etc. vff vnsern landen vnd darjn nicht rouben lassen alle die wile die guten
her Albrechte vnd her Thime von coldicz der obgnanten obirlande wote syn vnd disse saczunge bliben wirdet. Sunder wurde ymand der vnsern mit
jn czuschicken haben ader gesunnen, der sal jm an glucke vnd wichte gnugen lassen vnd das by telden vff vnsern slute vnd zcillen von den landen vnd steten
bliben ane geuerde, wurden ouch die keczer herubir jn vnser land suchen vnd wir ader vnser Amptlute die guten hern Albrechte vnd hern Thimen von
coldicz anruffen wurden, So sullen sy vns ader den vnsern von den sy angeruffen werden mit den dryssig pferden vnd aller jrer macht czuhulffe kummen
vnd vns dann getruwelichen behulffen syn vnd was sy dann also schaden von den fienden vnd vff den tag nemen wurden, den schaden sullen vnd wollen wir yn
richten glich andern vnsern mannen vnd die gefangen vnd was sy also frommen nemen, das sal vnser vnd nicht jr syn, wurden sy aber von vns ader
den vnsern nicht angeruffen, So sullen sy das von jn selbist getruwelichen thun, vnd was sy dann do gefangen fangen ader frommen nemen, der sal jr
vnd nicht vnser syn, vnd wir sullen yn dann ouch nicht vor schaden stehen, wurden ouch die genanten von coldicz von den fienden berant vnd belegin
So sullen vnd wollen wir sy vnuerczoglich mit vnser macht setten, So sullen sy ouch sich mit vnsern fienden nicht friden, richteyn noch sunen, sie sy
dann mit vnser wissen vnd willen ane geuide, wurden ouch die guten her Albrecht vnd her Thime von coldicz von ymande der vnsern schuld haben ader
noch gewynnen, des sullen sy mechtiglich bliben by den mannen czu Donyn vnd dem Rate czu dresden vnd sullen vff vnsern steten die sy ouch daruff
scheiden sullen jnsamptschafft mit wissen ader jnne stete. Ouch sullen die guten von coldicz vnd die jren jn vnsern landen sicher ryten vnd czihen vor
vns vnd den vnsern der wir mechtig syn ane geuerde, were ouch das die genaten her Albrecht vnd her Thime von coldicz von todes wegen abegewygen
das got lange wende, So sal vns her hant von coldicz glewn alle stucke vnd artikele disses briues vndemutige vns stete vnd vnuorrucket czuhalden
ane arg vnd ane alles geuerde. Sy wir jn dannouch nach tode der guten von coldicz also globen czuhalden als obingeschriben steet, disse eynuge vnd saczunge
sal stehen selbir gancze jar als obingeschriben steet. Doch czu vnser vffsagen, die wir ouch mecht thun sullen, dy selbigen jar sint dann gancz vssgegangen
vnd darnach eynen manden vffczusagen, wann wir es jmme halden wollen, vnd so vssgesagt dem manden sullen wir von jn vmb sulche eynuge vnbe
thedinget vnd vngemant bliben, vnd wir obgnanten her friderich herczog czu Sachssen vnd her friderich lantgraue jn doringen globen den vnsern furstenlichen
wirden den obgnanten hern Albrechte vnd hern Thimen von coldicz vnd hern hanse von coldicz nach jrem tode alle stucke vnd artikele disser vornunfte
vnd saczunge stete veste gancz vnd vnuorrucket czuhalden ane alle argelist vnd geuerde. Des czu orkunde vnd bekantnisse haben wir vnser jnsigele
brenan dir wissentlichen thun hengen. Gegeben jst czu lipczk nach gotes geborte virczenhundert jar vnd darnach jn dem Nwnvndczwenczigisten
jare am Sontage vor fabiani et Sebastiani.